»   » ರಣ ಬರುವ ಮೊದಲೇ ಪಂಕಜ್ 'ರೆಡ್' ಸಿಗ್ನಲ್

ರಣ ಬರುವ ಮೊದಲೇ ಪಂಕಜ್ 'ರೆಡ್' ಸಿಗ್ನಲ್

Posted by:
Subscribe to Filmibeat Kannada

Pankaj
ಚಿತ್ರ ನಿರ್ಮಾಣ, ನಿರ್ದೇಶನಕ್ಕೆ ನಿವೃತ್ತಿ ಘೋಷಿಸಿರುವ ನಿರ್ದೇಶಕ ಎಸ್ ನಾರಾಯಣ್ ಮಗ ಪಂಕಜ್ 'ರಣ' ಚಿತ್ರ ಬಿಡುಗಡೆಗೂ ಮೊದಲೇ ಇನ್ನೊಂದು ಚಿತ್ರಕ್ಕೆ ನಾಯಕರಾಗಿದ್ದಾರೆ. ಅದು ನಾಗತಿಹಳ್ಳಿ ಚಂದ್ರಶೇಖರ್  ಶಿಷ್ಯ ಪ್ರಕಾಶ್ ಜಡೆ ಅವರು ನಿರ್ದೆಶಿಸಲಿರುವ ರೆಡ್ ಎಂಬ ಹೆಸರಿನ ಚಿತ್ರ. ಆಶ್ಚರ್ಯವೆಂದರೆ ಈ ಚಿತ್ರದ ನಿರ್ಮಾಪಕರು ರಣ ಚಿತ್ರವನ್ನು ನಿರ್ಮಿಸಿರುವ ಶಿವಾನಂದ ಮಾದಶೆಟ್ಟಿ.

ಶ್ರೀನಿವಾಸಮೂರ್ತಿ ನಿರ್ದೇಶನದ 'ರಣ' ಚಿತ್ರವಿನ್ನೂ ತೆರೆಗೆ ಬಂದಿಲ್ಲ. ಅಷ್ಟರಲ್ಲೇ ಪಂಕಜ್ ಇನ್ನೊಂದು ಚಿತ್ರಕ್ಕೆ ನಾಯಕರಾಗಿರುವುದು ಹಲವರ ಹುಬ್ಬೇರಿಸಿದೆ. ಕಾರಣ, ಈ ಬೆಳವಣಿಗೆ ನಡೆದಿರುವುದು ಪಂಕಜ್ ತಂದೆ ನಾರಾಯಣ್ ನಿವೃತ್ತಿ ಘೋಷಣೆ ನಂತರ. ನಾರಾಯಣ್ ಚಿತ್ರರಂಗದಿಂದ ದೂರವಾದರೆ ಪಂಕಜ್ ಗೆ ಗತಿ ಯಾರೆಂದು ಪ್ರಶ್ನಿಸುತ್ತಿದ್ದವರಿಗೆ ಈಗ ಉತ್ತರ ದೊರೆತಿದೆ. ರೆಡ್ ಚಿತ್ರೀಕರಣ ಮೇ 10, 2012ರಿಂದ ಪ್ರಾರಂಭವಾಗಿದೆ.

ಈ ಮೊದಲು ಪಂಕಜ್ ನಾಯಕರಾಗಿದ್ದ ಚೈತ್ರದ ಚಂದ್ರಮ, ವೀರೂ, ಚೆಲುವಿನ ಚಿಲಿಪಿಲಿ ಹಾಗೂ ದುಷ್ಟ ಎಂಬ ಎಲ್ಲಾ ಚಿತ್ರಗಳು ಸೋಲಿನ ಸರಪಳಿ ಸೇರಿಕೊಂಡಿದ್ದವು. ರಣ ಮೂಲಕ ಗೆಲ್ಲುವ ಪಣ ತೊಟ್ಟಿದ್ದಾರೆ ಪಂಕಜ್. ಇದರಲ್ಲಿ ಪಂಕಜ್ ಗೆ ಸುಪ್ರೀತಾ ಮತ್ತು ಸೋನಿಯಾ ಗೌಡ ನಾಯಕಿಯರು. ಆದರೆ ಹೊಸ ಚಿತ್ರ ರೆಡ್ ಗೆ ನಾಯಕಿ ಆಯ್ಕೆ ಇನ್ನಷ್ಟೇ ನಡೆಯಬೇಕಿದೆ. (ಒನ್ ಇಂಡಿಯಾ ಕನ್ನಡ)

English summary
S Narayan Son, actor Pankaj acts in a new movie called Red. Newcomer Prakash Jade directs this movie and Rana movie producer produces this. It launches soon, in the next week.
Please Wait while comments are loading...

Kannada Photos

Go to : More Photos