'ದಂಡುಪಾಳ್ಯ' ಜಗಳ: ಸಂಜನಾಗೆ ಪೂಜಾ ಗಾಂಧಿ ತಿರುಗೇಟು.!

ಸಂಜನಾಗೆ ತಿರುಗೇಟು ಕೊಟ್ಟ ಪೂಜಾ

ಸಂಜನಾ ಗಲ್ರಾನಿ ಅವರ ಆರೋಪಗಳಿಗೆ ನಟಿ ಪೂಜಾ ಗಾಂಧಿ ತಿರುಗೇಟು ಕೊಟ್ಟಿದ್ದಾರೆ. ''ನಾನು ಏನು, ನನ್ನ ಕೆಲಸವೇನುವೆಂಬುದು ನನಗೆ ಗೊತ್ತಿದೆ'' ಎಂದು ಹೇಳುವ ಮೂಲಕ ಫೇಸ್ ಬುಕ್ ಪುಟಗಟ್ಟಲೇ ಬರೆದುಕೊಂಡಿದ್ದಾರೆ.

[ಅಸಹ್ಯ ಹುಟ್ಟಿಸುವ 'ದಂಡುಪಾಳ್ಯ 2'ರ ಚಿತ್ರಗಳು, ಛೀ!]

ಬೇರೆಯವರನ್ನು ತುಳಿದು ಬೆಳೆಯುವ ಉದ್ದೇಶ ನನಗಿಲ್ಲ

''ಬೇರೆಯವರನ್ನು ತುಳಿದು ಬೆಳೆಯುವ ಪರಿಸ್ಥಿತಿ ಅಥವಾ ಉದ್ದೇಶ ನನಗಿಲ್ಲ. ನನಗೆ ನನ್ನದೇ ಆದ ಜವಾಬ್ದಾರಿ, ಹೊಣೆಗಳಿವೆ. ಇದು ನನ್ನ ಚಿತ್ರ, ನನ್ನ ಸಿನಿಮಾವನ್ನ ನಾನು ಪ್ರೀತಿಸುತ್ತೇನೆ. ನಿರ್ದೇಶಕ, ನಿರ್ಮಾಪಕರ ಸೂಚನೆಯಂತೆ ನಾನು ಕಾರ್ಯನಿರ್ವಹಿಸಿದ್ದೇನೆ''- ಪೂಜಾ ಗಾಂಧಿ, ನಟಿ

['ದಂಡುಪಾಳ್ಯ-2' ಚಿತ್ರದಲ್ಲಿದೆ ಸಲಿಂಗ ಚುಂಬನ: ನಟಿಯ ತುಟಿಗೆ ತುಟಿ ಒತ್ತಿದ ಪೂಜಾ ಗಾಂಧಿ!]

ನನ್ನ ಸಿನಿಮಾಗಳಿಗೆ ಟೈಂ ಸಿಕ್ತಿಲ್ಲ, ಇದು ಬೇರೆ

''ಒಟ್ಟಿಗೇ ಮೂರು ಸಿನಿಮಾಗಳನ್ನ ನಾನು ನಿರ್ಮಿಸುತ್ತಿದ್ದೇನೆ. ಆ ಕೆಲಸಕ್ಕೇ ನನಗೆ ಟೈಂ ಸಿಗ್ತಾ ಇಲ್ಲ. ಹೀಗಿರುವಾಗ ಚಿತ್ರದ ನಿರ್ದೇಶಕರು, ನಿರ್ಮಾಪಕರಿಗೆ ಒತ್ತಡ ಹೇರುವಷ್ಟು ಪುರುಸೊತ್ತೂ ನನಗಿಲ್ಲ. ನನ್ನ ಚಿತ್ರಗಳ ಜೊತೆ 'ದಂಡುಪಾಳ್ಯ-3' ಚಿತ್ರವನ್ನ ಮಾಡಬೇಕಿದೆ''- ಪೂಜಾ ಗಾಂಧಿ

[ಪೂಜಾ ಗಾಂಧಿ ಬಂಡವಾಳದಲ್ಲಿ ಸೆಟ್ಟೇರಲಿದೆ ಮೂರು ಹೊಸ ಸಿನಿಮಾಗಳು!]

'ಆಕೆ’ಗೆ ಅಸುರಕ್ಷತೆ, ಅಭದ್ರತೆ ಕಾಡುತ್ತಿದೆ

''ನನ್ನ ವಿರುದ್ಧ ಇಂತಹ ಆರೋಪಗಳನ್ನು ಮಾಡುವ ‘ಆಕೆ'ಗೆ ಅಸುರಕ್ಷತೆ, ಅಭದ್ರತೆ ಕಾಡುತ್ತಿದೆ. ಅದಕ್ಕೇ ಹೀಗೆ ಹೇಳಿದ್ದಾರೆ. ನಾನು ಏನೇ ಹೇಳಿದರೂ, ಆಕೆಗೆ ಇದೆಲ್ಲ ಅರ್ಥವಾಗುವುದಿಲ್ಲ'' ಎಂದು ಪೂಜಾ ಗಾಂಧಿ ಉತ್ತರ ಕೊಟ್ಟಿದ್ದಾರೆ.

[ಗಾಂಧಿನಗರದಲ್ಲಿ ಮತ್ತೆ ಶುರುವಾಯಿತು 'ದಂಡುಪಾಳ್ಯ' ಗ್ಯಾಂಗ್ ಅಟ್ಟಹಾಸ]

ನಿಮ್ಮ ಗೌರವ, ನೀವೇ ಹಾಳು ಮಾಡಿಕೊಳ್ಳಬೇಡಿ

''ದಂಡುಪಾಳ್ಯ-2'' ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡಿದ್ದೇನೆ. ನಾನು ಒಳ್ಳೆಯ ನಟಿ ಎಂದು ನನಗೂ ಗೊತ್ತಿದೆ. ಈ ರೀತಿಯಾದ ಹೇಳಿಕೆ ನೀಡುವ ಮೂಲಕ ನಿಮ್ಮ ಗೌರವವನ್ನ ನೀವೇ ಹಾಳುಮಾಡಿಕೊಳ್ಳಬೇಡಿ'' ಪೂಜಾ ಗಾಂಧಿ, ನಟಿ

ಸಂಜನಾ ಕೋಪಕ್ಕೆ ಕಾರಣವಾಗಿರುವುದು ಇದೇ.!

'ದಂಡುಪಾಳ್ಯ-2' ಚಿತ್ರದ ಪೋಸ್ಟರ್ ಹಾಗೂ ಟ್ರೈಲರ್ ಗಳಲ್ಲಿ ನಟಿ ಸಂಜನಾ ರವರನ್ನ ನಿರ್ಲಕ್ಷ್ಯ ಮಾಡಲಾಗಿದ್ಯಂತೆ. ಇಡೀ ಚಿತ್ರತಂಡದ ಫೋಕಸ್ ನಟಿ ಪೂಜಾ ಗಾಂಧಿ ಮೇಲೆ ಹೆಚ್ಚಾಗಿದ್ಯಂತೆ. ಇದರಿಂದ ಬೇಸರಗೊಂಡಿರುವ ನಟಿ ಸಂಜನಾ, 'ದಂಡುಪಾಳ್ಯ-2' ಚಿತ್ರದ ಪ್ರಮೋಷನ್ ಕಾರ್ಯಗಳಿಗೆ ಭಾಗಿಯಾಗುತ್ತಿಲ್ಲ ಎನ್ನಲಾಗುತ್ತಿದೆ.

['ದಂಡುಪಾಳ್ಯ-2' ಚಿತ್ರೀಕರಣ ನಿಂತಿಲ್ಲ, ಮುಗಿಯಿತು!]

ಹೇಳಿದ್ದು ಒಂದು, ಮಾಡಿರುವುದು ಇನ್ನೊಂದಂತೆ!

ಅಷ್ಟಕ್ಕೂ, 'ಸಾವಿತ್ರಿ' ಪಾತ್ರವನ್ನ ಮೊದಲು ಲಕ್ಷ್ಮಿ ಮಂಚು ಅವರಿಗೆ ಆಫರ್ ಮಾಡಲಾಗಿತ್ತಂತೆ. ಅವರು ರಿಜೆಕ್ಟ್ ಮಾಡಿದ ನಂತರ ಈ ಅವಕಾಶ ಸಂಜನಾ ಪಾಲಾಯ್ತಂತೆ. ಸಿನಿಮಾದಲ್ಲಿ ಪೂಜಾ ಗಾಂಧಿ ಪಾತ್ರಕ್ಕೆ ಎಷ್ಟು ಪ್ರಾಮುಖ್ಯತೆ ಇದ್ಯೋ, ಸಂಜನಾ ಪಾತ್ರಕ್ಕೂ ಅಷ್ಟೇ ಪ್ರಾಮುಖ್ಯತೆ ಇದೆ ಎಂದು ನಿರ್ದೇಶಕರು ಪ್ರಾಮಿಸ್ ಮಾಡಿದ್ರಂತೆ. ಆದ್ರೀಗ, ಟ್ರೈಲರ್ ನೋಡಿದ್ಮೇಲೆ ತಮ್ಮ ಪಾತ್ರಕ್ಕೆ ಪ್ರಾಮುಖ್ಯತೆ ನೀಡಲಾಗಿಲ್ಲ ಎಂದು ಸಂಜನಾ ಮುನಿಸಿಕೊಂಡಿದ್ದಾರೆ.

[ಮತ್ತೊಂದು ವಿವಾದದಲ್ಲಿ ದಂಡುಪಾಳ್ಯ-2: ಚಿತ್ರತಂಡದ ಮೇಲೆ ನಟಿ ಸಂಜನಾಗೆ ಮುನಿಸು]