Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಾಲಿವುಡ್ ಶೈಲಿಯಲ್ಲಿ 'ಮಮ್ಮಿ'ಗೆ ರೀ-ರೆಕಾರ್ಡಿಂಗ್
ಪ್ರಿಯಾಂಕ ಉಪೇಂದ್ರ, ಬಾಲನಟಿ ಯುವಿನಾ ಪಾರ್ಥವಿ, ಮಧು ಸೂಧನ್ ಮತ್ತು ಐಶ್ವರ್ಯ ಸಿಂಧೋಗಿ ಮುಂತಾದವರು ಪ್ರಮುಖವಾಗಿ ಕಾಣಿಸಿಕೊಳ್ಳುತ್ತಿರುವ 'ಮಮ್ಮಿ ಸೇವ್ ಮಿ' ಚಿತ್ರದ ರೀ-ರೆಕಾರ್ಡಿಂಗ್ ಬಹಳ ವಿಶೇಷವಾಗಿ ಸಾಗಿದೆ.
ರಿಯಲ್ ಸ್ಟಾರ್ ಉಪೇಂದ್ರ ಅವರ ಧರ್ಮಪತ್ನಿ ನಟಿ ಪ್ರಿಯಾಂಕ ಉಪೇಂದ್ರ ಅವರು ಏಳು ತಿಂಗಳ ಗರ್ಭಿಣಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ, 'ಮಮ್ಮಿ-ಸೇವ್ ಮಿ' ಬಿಡುಗಡೆ ಹಂತದಲ್ಲಿದೆ. ಇನ್ನೇನು ಸದ್ಯದಲ್ಲೇ ಆಡಿಯೋ ಬಿಡುಗಡೆ ಮಾಡಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ.
ಸದ್ಯಕ್ಕೆ ಚಿತ್ರಕ್ಕೆ ಲೈವ್ ರೀ-ರೆಕಾರ್ಡಿಂಗ್ ಬಹಳ ಭರದಿಂದ ಸಾಗಿದೆ. ಈಗಾಗಲೇ ಬಿಡುಗಡೆ ಆಗಿರುವ ಟೀಸರ್ ಮತ್ತು ಟ್ರೈಲರ್ ನಿಂದ, ಹಾರರ್-ಥ್ರಿಲ್ಲರ್ ಸಿನಿಮಾ 'ಮಮ್ಮಿ-ಸೇವ್ ಮಿ' ಸಾಕಷ್ಟು ಕುತೂಹಲ ಹುಟ್ಟಿಸುತ್ತಿದೆ. ನವ ಪ್ರತಿಭೆ ಲೋಹಿತ್ ಹೆಚ್ ನಿರ್ದೇಶನ ಮಾಡಿರುವ ಚಿತ್ರದ ಹಾಡುಗಳಿಗೆ ಅಜನೀಶ್ ಲೋಕನಾಥ್ ಅವರು ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ['ಮಮ್ಮಿ' ಆದ ಪ್ರಿಯಾಂಕಾ ಉಪೇಂದ್ರ ಜೊತೆ ಸಣ್ಣ ಮಾತುಕತೆ]
ಈ ಇಡೀ ಚಿತ್ರಕ್ಕೆ ಹಾರರ್ ಎಫೆಕ್ಟ್ ಬರಲು ಹಿನ್ನಲೆ ಸಂಗೀತವನ್ನು ಬಳಸಿಕೊಂಡಿರೋದು ಪ್ಲಸ್ ಪಾಯಿಂಟ್. ಮುಂದೆ ಓದಿ....
ಹಾಲಿವುಡ್ ಸ್ಟೈಲ್ ನಲ್ಲಿ ಹಿನ್ನಲೆ ಸಂಗೀತ
ಚಿತ್ರದ ರೀ-ರೆಕಾರ್ಡಿಂಗ್ ಅನ್ನು ಬಹಳ ವಿಶೇಷವಾಗಿ ಮಾಡಿರುವ ಚಿತ್ರತಂಡ, ಸತತ 5 ಬಾರಿ ಲೈವ್ ಆಗಿ ರೀ-ರೆಕಾರ್ಡಿಂಗ್ ಮಾಡಿದ್ದಾರೆ. ಹಾಲಿವುಡ್ ಮಾದರಿಯಲ್ಲಿ 'ಮಮ್ಮಿ' ಚಿತ್ರಕ್ಕೆ ಹಿನ್ನಲೆ ಸಂಗೀತ ನೀಡಿದ್ದು ಇನ್ನೊಂದು ವಿಶೇಷ.[ಚಿತ್ರಪಟ: 'ಮಮ್ಮಿ' ಟ್ರೈಲರ್ ಲಾಂಚ್ ನಲ್ಲಿ ಮಸ್ತ್ ಜೋಕ್ ಮಾಡಿದ ತಾರಾ]
3 ತಿಂಗಳು ದುಡಿದ ಚಿತ್ರತಂಡ
ಹಾರರ್-ಥ್ರಿಲ್ಲರ್ ಮಮ್ಮಿ ಚಿತ್ರದ ಸೌಂಡಿಂಗ್ ಎಫೆಕ್ಟ್ ಗಾಗಿ ಬರೋಬ್ಬರಿ 3 ತಿಂಗಳು ಸಮಯವನ್ನು ಚಿತ್ರತಂಡದವರು ತೆಗೆದುಕೊಂಡಿದ್ದಾರೆ. ಬಹಳ ಮುತುವರ್ಜಿಯಿಂದ ಚಿತ್ರದ ಕೆಲಸಗಳು ಸಾಗುತ್ತಿದ್ದು, ಸಖತ್ ಆಗಿ ಸಿನಿಮಾ ಮೂಡಿ ಬರಲಿದೆ ಎನ್ನುತ್ತಿದ್ದಾರೆ 'ಮಮ್ಮಿ' ತಂಡದವರು.
ಸಂಗೀತವೇ 'ಮಮ್ಮಿ'ಯ ಆಕರ್ಷಣೆ
ನಿರ್ಮಾಪಕ ಕೆ.ರವಿ ಕುಮಾರ್ ಬಂಡವಾಳ ಹೂಡಿರುವ ಹಾರರ್ 'ಮಮ್ಮಿ' ಬರೀ ಮ್ಯೂಸಿಕ್ ನಿಂದಲೇ ಎಲ್ಲರನ್ನೂ ಆಕರ್ಷಿಸಲಿದೆ. 10 ಥೀಮ್ಸ್ ಮತ್ತು 35 ಸಂಗೀತ ಪರಿಕರಗಳಿಂದ ಚಿತ್ರಕ್ಕೆ ಹಿನ್ನಲೆ ಸಂಗೀತ ನೀಡಲಾಗಿದೆ. ಒಂದೊಂದು ಥೀಮ್ ಗೂ ಒಂದೊಂದು ರೀತಿಯ ಸಂಗೀತ ನೀಡಿರೋದು ಈ ಚಿತ್ರದ ವಿಶೇಷ.
2 ಬಾರಿ ರೀ-ರೇಕಾರ್ಡಿಂಗ್
ಇನ್ನು ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಅವರು ಮೊದಲ ಬಾರಿಗೆ ಎರಡು ಬಾರಿ ಇಡೀ ಚಿತ್ರಕ್ಕೆ ರೀ-ರೆಕಾರ್ಡಿಂಗ್ ಮಾಡಿದ್ದಾರಂತೆ. ಜೊತೆಗೆ ಇಡೀ ಚಿತ್ರಕ್ಕೆ ಹಾರರ್ ಎಫೆಕ್ಟ್ ಅನ್ನು ಸಂಗೀತದಲ್ಲಿ ನೀಡಿರೋದು ಈ ಚಿತ್ರದ ಮಗದೊಂದು ಸ್ಪೆಷಾಲಿಟಿ.
ಮುಂದಿನ ತಿಂಗಳು ತೆರೆ ಕಾಣುವ ಸಾಧ್ಯತೆ
ಒಟ್ಟಾರೆ ಬೇರೆ-ಬೇರೆ ವಿಚಾರಗಳಿಂದ ಸಾಕಷ್ಟು ಸುದ್ದಿ ಮಾಡುತ್ತಿರುವ 'ಮಮ್ಮಿ' ಚಿತ್ರ ಬಹುತೇಕ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ಬಿಜಿಯಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಮುಂದಿನ ತಿಂಗಳು ಸಿನಿಮಾ ತೆರೆ ಕಾಣಲಿದೆ.