»   » ಫೆಬ್ರವರಿಯಲ್ಲಿ ಆದಿತ್ಯ ಜೊತೆ ನಟಿ ರಾಣಿ ಸಪ್ತಪದಿ

ಫೆಬ್ರವರಿಯಲ್ಲಿ ಆದಿತ್ಯ ಜೊತೆ ನಟಿ ರಾಣಿ ಸಪ್ತಪದಿ

Posted By:
Subscribe to Filmibeat Kannada

ಕಡೆಗೂ ಎಲ್ಲಾ ಗಾಸಿಪ್ ಸುದ್ದಿಗಳಿಗೆ ತೆರೆಬೀಳುವ ಸಮಯ ಬಂದಿದೆ. ಕಳೆದ ಕೆಲವರ್ಷಗಳಿಂದ ಈ ಜೋಡಿ ಹಕ್ಕಿಗಳು ಒಂದಾಗುತ್ತಾರೆ ಎಂಬ ಮಾತುಗಳು ಕೇಳಿಬರುತ್ತಿದ್ದವು. ಅವು ನಿಜವಾಗುವ ದಿನಗಳು ಈಗ ಹತ್ತಿರವಾಗಿವೆ. ಬಾಲಿವುಡ್ ನ ಪ್ರೇಮ ಪಕ್ಷಿಗಳಾದ ರಾಣಿ ಮುಖರ್ಜಿ ಹಾಗೂ ಆದಿತ್ಯ ಚೋಪ್ರಾ ಮದುವೆಗೆ ಮುಹೂರ್ತ ಕೂಡಿಬಂದಿದೆ.

ಮೂಲಗಳ ಪ್ರಕಾರ ಫೆಬ್ರವರಿ 10, 2014ರಂದು ಇವರಿಬ್ಬರೂ ಜೊತೆಯಾಗಿ ಹಿತವಾಗಿ ಸಪ್ತಪದಿ ತುಳಿಯಲಿದ್ದಾರೆ.ಇವರಿಬ್ಬರ ಮದುವೆ ಜೋಧ್ ಪುರದ ಉಮೈದ್ ಭವನ್ ಪ್ಯಾಲೇಸ್ ನಲ್ಲಿ ರಾಣಿ ಆದಿತ್ಯ ಹಾರಬದಲಾಯಿಸಿಕೊಳ್ಳಲಿದ್ದಾರೆ. [ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡ ಖ್ಯಾತ ತಾರೆ]

Actress Ragini Dwivedi

ಇತ್ತೀಚೆಗೆ ನೀತಾ ಅಂಬಾನಿ ಹುಟ್ಟುಹಬ್ಬ ಸಂಭ್ರಮಕ್ಕೆ ರಾಣಿ ಮುಖರ್ಜಿ ಸಹ ಹೋಗಿದ್ದರು. ಆಗ ತದೇಕಚಿತ್ತದಿಂದ ಜೋಧ್ ಪುರ್ ಪ್ಯಾಲೇಸನ್ನು ನೋಡುತ್ತಿದ್ದರು. ಮದುವೆ ಆದರೆ ಇದೇ ಪ್ಯಾಲೇಸ್ ನಲ್ಲಿ ಆಗಬೇಕು ಎಂದು ರಾಣಿ ತಮ್ಮ ಆಪ್ತರ ಬಳಿ ಹೇಳಿಕೊಂಡಿದ್ದಾರೆ.

ಅದು ಹೇಗೂ ಆ ಕಿವಿಯಿಂದ ಈ ಕಿವಿಗೆ ತಲುಪಿ ಕಡೆಗೆ ಮಾಧ್ಯಮಗಳ ಕಿವಿಗೂ ಬಿದ್ದಿದೆ. ಜೋಧ್ ಪುರ್ ಪ್ಯಾಲೇಸ್ ನಲ್ಲಿ ಮದುವೆಯಾಗಲು ಆದಿತ್ಯ ಅವರಿಗೂ ಹೇಳಿದ್ದಾರಂತೆ. ಆ ಕಡೆಯಿಂದಲೂ ಗ್ರೀನ್ ಸಿಗ್ನಲ್ ಬಂದಿದ್ದು ಇನ್ನೇನಿದ್ದರೂ ಗಟ್ಟಿಮೇಳ ಮೊಳಗುವುದು ಬಾಕಿ ಇದೆ.

ಬಹಳ ಸುದೀರ್ಘ ಸಮಯದಿಂದ ಇವರಿಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ. ಮದುವೆ ಯಾವಾಗ ಎಂಬ ಬಗ್ಗೆ ಮಾತ್ರ ಇಬ್ಬರೂ ಬಾಯಿಬಿಟ್ಟಿರಲಿಲ್ಲ. ಕೇಳಿದಾಗಲೆಲ್ಲಾ ಆ ರೀತಿಯೇನೂ ಇಲ್ಲ ಎಂದು ಕಾಗೆ ಹಾರಿಸುತ್ತಿದ್ದರು. ಈಗ ಇಬ್ಬರೂ ಗಂಡಹೆಂಡತಿಯಾಗಲು ಹೊರಟಿದ್ದಾರೆ.

English summary
After years of speculation, gossip mongers can finally relax! Rani Mukherjee and the Yash Raj scion, Aditya Chopra are likely to tie the knot on February 10, 2014 in Jodhpur.
Please Wait while comments are loading...