Don't Miss!
- News Rain: ಬರದಿಂದ ತತ್ತರಿಸಿದ ಮಲೆನಾಡು: ಕೊಪ್ಪ ಮೇರುತಿ ಶಿಖರದಲ್ಲಿ ವರುಣನಿಗೆ ಹೋಮ-ಹವನ
- Technology Tecno: ಬಹುನಿರೀಕ್ಷಿತ ಟೆಕ್ನೋ ಪೋವಾ 6 ಪ್ರೊ ಲಾಂಚ್! 12GB RAM.. 6000mAh ಬ್ಯಾಟರಿ.. ಬೆಲೆ ಎಷ್ಟು?
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಮಮ್ಮಿ...save me' ಚಿತ್ರದಲ್ಲಿ ಪ್ರಿಯಾಂಕಾಗೆ ಹೆಲ್ಪ್ ಮಾಡೋರು ಇವರೇ.!
ಹಾರರ್ ಮತ್ತು ಥ್ರಿಲ್ಲರ್ ಸಿನಿಮಾಗಳು ಹಾಲಿವುಡ್ನಲ್ಲಿ ಮಾತ್ರ ಅಲ್ಲ, ಸ್ಯಾಂಡಲ್ ವುಡ್ ನಲ್ಲೂ ಹೆಚ್ಚಾಗುತ್ತಿದೆ. ಅಂದಹಾಗೆ ಹಾರರ್ ಮತ್ತು ಥ್ರಿಲ್ಲರ್ ಸಿನಿಮಾಗಳ ಪಟ್ಟಿಗೆ ಈಗ ಹೊಸದಾಗಿ ಸೇರ್ಪಡೆ ಆಗಿರುವುದು 'ಮಮ್ಮಿ...save me'.
22 ವರ್ಷದ ಲೋಹಿತ್ ಕಥೆ-ಚಿತ್ರಕಥೆ ಬರೆದು, ನಿರ್ದೇಶನ ಮಾಡಿರುವ 'ಮಮ್ಮಿ...save me' ಶೀಘ್ರದಲ್ಲಿ ತೆರೆ ಮೇಲೆ ಬರುತ್ತಿದೆ. ಪ್ರಿಯಾಂಕ ಉಪೇಂದ್ರ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಸಿನಿಮಾ ಸತ್ಯ ಘಟನೆ ಆಧಾರಿತ ಎಂದು ಯುವ ನಿರ್ದೇಶಕ ಟ್ರೈಲರ್ನಲ್ಲೇ ಹೇಳಿದ್ದಾರೆ.
'ಮಮ್ಮಿ...save me' ಸಿನಿಮಾದಲ್ಲಿ ಪ್ರಿಯಾಂಕ ರವರನ್ನು ಹೊರತುಪಡಿಸಿದರೇ 7-8 ಪಾತ್ರಧಾರಿಗಳು ಮಾತ್ರ ಕಾಣಿಸಿಕೊಳ್ಳುತ್ತಾರಂತೆ. ಅದರಲ್ಲಿ, ಪ್ರಿಯಾಂಕ ಮತ್ತು ಅವರ ಮಗಳನ್ನು ದೆವ್ವದಿಂದ ಪಾರುಮಾಡುವ, ಕಷ್ಟದಲ್ಲಿ ಹೆಚ್ಚಾಗಿ ಸಹಾಯ ಮಾಡುವ ಪ್ರಧಾನ ಪಾತ್ರದಲ್ಲಿ ನಟ ಸಂದೀಪ್ ಕಾಣಿಸಿಕೊಂಡಿದ್ದಾರೆ. ['ಮಮ್ಮಿ' ಆದ ಪ್ರಿಯಾಂಕಾ ಉಪೇಂದ್ರ ಜೊತೆ ಸಣ್ಣ ಮಾತುಕತೆ]
ಈ ಹಿಂದೆ 'ಬಾಯ್ಫ್ರೆಂಡ್', 'ಅಂಬಾರಿ', 'ಸೈನೆಡ್', 'ರಾಜಧಾನಿ', 'ಉಗ್ರಂ', 'ಯಾರೇ ಕೂಗಾಡಲಿ' ಸಿನಿಮಾಗಳಲ್ಲಿ ನಟಿಸಿದ್ದ ಸಂದೀಪ್ ರವರು 'ಮಮ್ಮಿ...save me' ಚಿತ್ರದಲ್ಲಿ ಪಾಸಿಟಿವ್ ರೋಲ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರಿಯಾಂಕ ಪತಿಯ ಸ್ನೇಹಿತನಾಗಿ ಸಂದೀಪ್ ನಟಿಸಿದ್ದಾರೆ.
ಚಿಕ್ಕವಯಸ್ಸಿನಿಂದಲೇ ಸಿನಿಮಾ ಮಾಡುವ ಕನಸು ಹೊತ್ತಿದ್ದ ಸಂದೀಪ್, 'ನಿನಾಸಂ'ನಲ್ಲಿ ಒಂದು ವರ್ಷ ಟ್ರೈನಿಂಗ್ ಮುಗಿಸಿ ಸಿನಿಮಾ ಕ್ಷೇತ್ರಕ್ಕೆ ಕಾಲಿಟ್ಟವರು. [ಯುವ ನಿರ್ದೇಶಕನ ಪ್ರಯೋಗಕ್ಕೆ ಬೆಚ್ಚಿಬಿದ್ದ ಗಾಂಧಿನಗರ.!]
ಯುವ ನಿರ್ದೇಶಕ ಲೋಹಿತ್ ಕತೆ ಹೇಳೋಕೆ ಬಂದಾಗ, ಅವರ ವಯಸ್ಸು ನೋಡಿ, ''ಆಕ್ಷನ್ ಕಟ್ ಹೇಗೋ ಹೇಳ್ತಿಯಾ'' ಅಂತ ಕೇಳಿದ್ದ ಸಂದೀಪ್, ಒಂದೇ ದಿನಕ್ಕೆ ಕಾನ್ಫಿಡೆಂಟ್ ಆಗಿ ಅವರೇ ಮೆಚ್ಚುಗೆ ವ್ಯಕ್ತಪಡಿಸಿದರಂತೆ.
ನಾಯಕಿ ಪ್ರಧಾನ ಚಿತ್ರವಾಗಿದ್ದರೂ, 'ಮಮ್ಮಿ...save me' ಚಿತ್ರದಲ್ಲಿ ರೆಗ್ಯುಲರ್ ಪಾತ್ರಕ್ಕಿಂತ ವಿಭಿನ್ನ ಪಾತ್ರದಲ್ಲಿ ಸಂದೀಪ್ ರವರೇ ಪ್ರಮುಖವಾಗಿ ಮಿಂಚಲಿದ್ದಾರಂತೆ.
ಹಾರರ್ ಸಿನಿಮಾ ಮಾಡುವವರಿಗೆ ವಿಚಿತ್ರ ಅನುಭವ ಕಾಮನ್ ಆದ್ರೂ ಸಂದೀಪ್ಗಂತೂ ಯಾವುದೇ ದೆವ್ವ ಕಾಟ ಕೊಟ್ಟಿಲ್ಲ ಅಂತಾರೆ.
'ಮಮ್ಮಿ...save me' ಚಿತ್ರದಲ್ಲಿ ದೆವ್ವವೇ ಒಂದು ಮುಖ್ಯ ಪಾತ್ರವಾಗಿದ್ದು, ದೆವ್ವದ ಗ್ರಾಫಿಕ್ಸ್ ಗಾಗಿ ಸುಮಾರು 30 ಲಕ್ಷ ವೆಚ್ಚ ಮಾಡಲಾಗಿದೆ. ಯಾವುದೇ ಹಾಲಿವುಡ್ ಹಾರರ್ ಸಿನಿಮಾಗಳಿಗಿಂತ 'ಮಮ್ಮಿ...save me' ಕಡಿಮೆಯೇನಿಲ್ಲ ಎನ್ನುತ್ತಾರೆ ಸಂದೀಪ್.