ಮುಖಪುಟ

ಸಿನಿ ಸಮಾಚಾರ

ಸುದೀಪ್ ಅಭಿನಯದ ಬಚ್ಚನ್ ಚಿತ್ರ ಗಲ್ಫ್ ದೇಶಗಳಲ್ಲಿ ಬಿಡುಗಡೆ ಕಾಣುತ್ತಿದೆ. ಇದೇ ಏಪ್ರಿಲ್ 18, 19 ಹಾಗೂ 20ರಂದು ದುಬೈ, ಅಬುಧಾಬಿ ಹಾಗೂ ಶಾರ್ಜಾದಲ್ಲಿ ಚಿತ್ರ ತೆರೆಕಾಣುತ್ತಿದೆ. (ಬಚ್ಚನ್ ಚಿತ್ರದ ವಿಮರ್ಶೆ)

ದುಬೈನ ಗ್ಯಾಲೆರಿಯಾ, ಅಲ್ ಕ್ವಾಜ್ ಮಾಲ್ ನಲ್ಲಿ ಏಪ್ರಿಲ್ 19ರಂದು ಹಾಗೂ ಶಾರ್ಜಾದ ಸ್ಟಾರ್ ಸಿನೆಪ್ಲಕ್ಸ್ ಹಾಗೂ ಅಬುಧಾಬಿಯಲ್ಲಿ ಎಲ್ಡೋವ್ಡೋ ಸಿನಿಮಾದಲ್ಲಿ ಏಪ್ರಿಲ್ 18ರಂದು ಬಚ್ಚನ್ ತೆರೆಕಾಣುತ್ತಿದೆ.

ಬಚ್ಚನ್ ಚಿತ್ರಕ್ಕೆ ರಾಜ್ಯದಾದ್ಯಂತ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಚಿತ್ರದ ಬಾಕ್ಸ್ ಆಫೀಸ್ ರಿಪೋರ್ಟ್ ಸಹ ಆಶಾದಾಯವಾಗಿದೆ. ವಿ ಹರಿಕೃಷ್ಣ ಸಂಗೀತ ನಿರ್ದೇಶನದ ಈ ಚಿತ್ರಕ್ಕೆ ಶಶಾಂಕ್ ಆಕ್ಷನ್ ಕಟ್ ಹೇಳಿದ್ದಾರೆ.

ಸುದೀಪ್, ಪಾರೂಲ್ ಯಾದವ್, ತುಲಿಪ್ ಜೋಶಿ, ಭಾವನಾ ಮೆನನ್, ಆಶಿಶ್ ವಿದ್ಯಾರ್ಥಿ, ರವಿಶಂಕರ್ ಮತ್ತು ತೆಲುಗಿನ ಖ್ಯಾತನಟ ಜಗಪತಿ ಬಾಬು ಮುಂತಾದವರ ತಾರಾಬಳಗವಿರುವ ಈ ಚಿತ್ರಕ್ಕೆ ಶೇಖರ್ ಚಂದ್ರು ರವರ ಛಾಯಾಗ್ರಹಣವಿದೆ. (ಒನ್ಇಂಡಿಯಾ ಕನ್ನಡ)