ಮುಖಪುಟ

ಸಿನಿ ಸಮಾಚಾರ

ಕಿಚ್ಚ ಸುದೀಪ್ ಅವರ 'ಕೋಟಿಗೊಬ್ಬ 2' ಬಿಡುಗಡೆಗೆ ಕ್ಷಣಗಣನೆ ಶುರುವಾಗಿದೆ. ಅಭಿಮಾನಿಗಳು ಕೂಡ ಕಾತರದಿಂದ, ಬೇಗ ಬೆಳಗಾಗಬಾರದಾ, ಅದ್ಯವಾಗ ಸಿನಿಮಾ ಬಿಡುಗಡೆ ಆಗುತ್ತೆ, ಅಂತ ಕತ್ತು ಉದ್ದ-ಉದ್ದ ಮಾಡಿ ಕಾದು ಕುಳಿತಿದ್ದಾರೆ.

ಭಾರಿ ನಿರೀಕ್ಷೆ ಹುಟ್ಟುಹಾಕಿರುವ 'ಕೋಟಿಗೊಬ್ಬ 2' ಅಂತೂ-ಇಂತೂ, ಹಬ್ಬದ ದಿನವಾದ ವರಲಕ್ಷ್ಮಿ ಹಬ್ಬದಂದು ನಾಳೆ (ಆಗಸ್ಟ್ 12) ಇಡೀ ಕರ್ನಾಟಕ ಹಾಗೂ ದಕ್ಷಿಣ ಭಾರತದಾದ್ಯಂತ ಗ್ರ್ಯಾಂಡ್ ಆಗಿ ತೆರೆ ಕಾಣುತ್ತಿದೆ.['ಕೋಟಿಗೊಬ್ಬ 2' ವಿಶೇಷತೆ ಏನು, ಸಿನಿಮಾ ಯಾಕೆ ನೋಡಬೇಕು.?]

ಅಂದಹಾಗೆ ನಾಳೆ 'ಕೋಟಿಗೊಬ್ಬ 2' ಸಿನಿಮಾ ನೋಡಲು ಹೋದವರಿಗೆ ಒಂದು ಸರ್ ಪ್ರೈಸ್ ಕಾದಿದೆ. ಅದೇನಪ್ಪಾ ಅಂದ್ರೆ, ಸುದೀಪ್ ಅವರ 'ಹೆಬ್ಬುಲಿ' ಚಿತ್ರದ ಮೋಷನ್ ಪೋಸ್ಟರ್ ನಾಳೆ 'ಕೋಟಿಗೊಬ್ಬ 2' ಚಿತ್ರದ ಮಧ್ಯಂತರ ಮತ್ತು ಆರಂಭವಾಗುವಾಗ ರಿಲೀಸ್ ಆಗಲಿದೆ.['ಕೋಟಿಗೊಬ್ಬ' ನಿರ್ದೇಶಕ KS ರವಿಕುಮಾರ್ ಬಗ್ಗೆ ನಿಮಗೆಷ್ಟು ಗೊತ್ತು?]

ಈ ವಿಚಾರವನ್ನು ಖುದ್ದು ನಿರ್ದೇಶಕ ಕೃಷ್ಣ ಅವರೇ ಟ್ವಿಟ್ಟರ್ ನಲ್ಲಿ ಸ್ಪಷ್ಟಪಡಿಸಿದ್ದಾರೆ. ಅಂದಹಾಗೆ ಕೃಷ್ಣ ಅವರೇ ಮೋಷನ್ ಪೋಸ್ಟರ್ ರಿಲೀಸ್ ಮಾಡಲು ಅಷ್ಟೊಂದು ಎಕ್ಸೈಟ್ ಆಗಿರಬೇಕಾದ್ರೆ, ಇನ್ನೂ ಅಭಿಮಾನಿಗಳಿಗೆ ಡಬಲ್ ಧಮಾಕಾ ಎಂದಾಗ ಅವರಿಗೆ ಹೇಗಾಗಿರಬೇಡ.

Very excited to release the motion poster of #Hebbulli in theatres along with #Kotigobba2 @KicchaSudeep@chitraloka @cineloka @umap30071

— krishna (@krisshdop) August 11, 2016

ಒಟ್ನಲ್ಲಿ ಒಂದು ಕೊಂಡರೆ ಇನ್ನೊಂದು ಉಚಿತ ಎನ್ನುವಂತೆ, 'ಕೋಟಿಗೊಬ್ಬ 2' ನೋಡಲು ಹೋದವರಿಗೆ 'ಹೆಬ್ಬುಲಿ' ಚಿತ್ರದ ಮೋಷನ್ ಪೋಸ್ಟರ್ ಉಚಿತವಾಗಿ ನೋಡಲು ಸಿಗಲಿದೆ.