»   » ಉಪೇಂದ್ರ ಸೂಪರೋ ರಂಗ; ಮಂಜು ಬಂಡವಾಳ

ಉಪೇಂದ್ರ ಸೂಪರೋ ರಂಗ; ಮಂಜು ಬಂಡವಾಳ

Posted by:
Subscribe to Filmibeat Kannada

ಕನ್ನಡ ಚಿತ್ರರಂಗದ ಖ್ಯಾತ ನಿರ್ಮಾಪಕ ಕೆ. ಮಂಜು ಸೂಪರ್ ಸ್ಟಾರ್ ಉಪೇಂದ್ರರಿಗೆ 'ಗಾಡ್‌ ಫಾದರ್' ನಂತರ ಮತ್ತೊಂದು ಚಿತ್ರವನ್ನು ನಿರ್ಮಿಸಲು ಹೊರಟಿದ್ದಾರೆ. ಹೆಸರು .ಸೂಪರೋ ರಂಗ'.ಸಿಕ್ಕ ಮಾಹಿತಿ ಪ್ರಕಾರ ಉಪೇಂದ್ರ ನಟನೆಯ 'ಗಾಡ್ ಫಾದರ್'' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಹೇಳಿಕೊಳ್ಳುವಂತಹ ಗಳಿಕೆ ಮಾಡಿಲ್ಲ. ಚಿತ್ರವನ್ನು ಹಿಟ್ ಎಂದು ಹೆಸರಿಸುವಂತಿಲ್ಲ. ಆದರೂ ಅದರ ನಿರ್ಮಾಪಕ ಮಂಜು ಅದೇ ಉಪೇಂದ್ರರಿಗೆ ಮತ್ತೊಂದು ಚಿತ್ರವನ್ನು ಮಾಡಲಿದ್ದಾರೆ.

ಈ ಸಂಗತಿ ಮೇಲ್ನೋಟಕ್ಕೆ ಅಚ್ಚರಿ ಎನಿಸಿದರೂ ಇದರಲ್ಲಿ ಅಂತಹ ವಿಶೇಷವೇನಿಲ್ಲ. ಕಾರಣ, ಉಪೇಂದ್ರ ನಟನೆಯ 'ಗಾಡ್ ಫಾದರ್' ಚಿತ್ರಕ್ಕೆ ಕೆ ಮಂಜು ನಿರ್ಮಾಪಕರಾದರೂ ಅವರು ಚಿತ್ರವನ್ನು ರು. 7 ಕೋಟಿಗೆ ನಿರ್ಮಿಸಿ ರು. 10 ಕೋಟಿಗೆ ಮಾರಿಬಿಟ್ಟಿದ್ದಾರೆ. ಆ ಚಿತ್ರವನ್ನು ಖರೀದಿಸಿದ್ದು ಇತ್ತೀಚಿಗೆ ಹೆಚ್ಚು ಕನ್ನಡ ಚಿತ್ರಗಳನ್ನು ವಿತರಣೆ ಮಾಡುತ್ತಿರುವ ವಿತರಕ 'ಪ್ರಸಾದ್ ವೆಂಚರ್ಸ್' ನ ಪ್ರಸಾದ್.

ಹೀಗಾಗಿ 'ಗಾಡ್ ಫಾದರ್' ಚಿತ್ರ ಸೋತರೂ ನಿರ್ಮಾಪಕ ಕೆ ಮಂಜುಗೆ ಆ ಸೋಲಿನ ಬಿಸಿ ತಟ್ಟಿಲ್ಲ. ಹೀಗೇ ಇನ್ನೊಂದು ಚಿತ್ರ ಮಾಡಿ ಅದನ್ನು ಅವರು ಮಾರಿಬಿಡುವ ಸಾಧ್ಯತೆ ಅಲ್ಲಗಳಿಯುವಂತಿಲ್ಲ. ಈ ಚಿತ್ರವನ್ನು ಪಕ್ಕಾ ಸೋತಿಗೆ ಎಂದು ನಾವು ಹಣೆಪಟ್ಟೆ ಹಚ್ಚವಂತೆಯೂ ಇಲ್ಲ. ಕಾರಣ, ಚಿತ್ರವನ್ನು ಖರೀದಿಸಿರುವ ಪ್ರಸಾದ್, ಈ ಬಗ್ಗೆ ನಿಖರವಾದ ಮಾಹಿತಿಯನ್ನು ಮಾಧ್ಯಮಗಳೊಂದಿಗೆ ಹಂಚಿಕೊಂಡಿಲ್ಲ. ಹೀಗಿರುವಾಗ ಗಳಿಕೆ ದೃಷ್ಟಿಯಿಂದ ಚಿತ್ರ ಸೋತಿದೆ ಅನ್ನಲಾಗದು.

ಆದರೆ, ವಿಮರ್ಶಕರು ಹಾಗೂ ಪ್ರೇಕ್ಷಕರ ದೃಷ್ಟಿಯಿಂದ, ಈ ಚಿತ್ರ ಅಷ್ಟೇನೂ ಕ್ಲಿಕ್ ಆಗಿಲ್ಲ ಎನ್ನಲೇಬೇಕು. ಆದರೂ ಮತ್ತೆ ಆಪ್ತಮಿತ್ರರಾದ ಉಪೇಂದ್ರ ಹಾಗೂ ಕೆ ಮಂಜು ಒಂದಾಗಿ ಚಿತ್ರ ಮಾಡಲಿದ್ದಾರೆ. ಚಿತ್ರದ ಶೀರ್ಷಿಕೆಯೂ ನಿರ್ಧಾರವಾಗಿದೆ. ಅಂದಹಾಗೆ, ಈ 'ಸೂಪರೋ ರಂಗ' ಟೈಟಲ್ ಉಪೇಂದ್ರರ ಈ ಮೊದಲಿನ ಸೂಪರ್ ಚಿತ್ರದ 'ಸಿಕ್ಕಾಪಟ್ಟೆ ಇಷ್ಟಪಟ್ಟೆ...' ಹಾಡಿನಲ್ಲಿರುವ ಸಾಹಿತ್ಯ ಒಂದು ತುಂಡು! (ಒನ್ ಇಂಡಿಯಾ ಕನ್ನಡ)

English summary
Super Star Upendra and Producer K Manju are again joining their hands to a movie titled 'Supero Ranga. After 'God Father' movie, this K Manju is preparing to produce another movie for Upendra. But, it will launch next year, as Upendra is engaged for his own direction movie.
Please Wait while comments are loading...
Best of 2016

Kannada Photos

Go to : More Photos