ಹಾಸ್ಯನಟ ಬ್ರಹ್ಮಾನಂದಂ ಸಂಭಾವನೆಗೂ, ಆಸ್ತಿಗೂ ಅಜಗಜಾಂತರ ವ್ಯತ್ಯಾಸ.!

ಒಂದು ಚಿತ್ರಕ್ಕೆ 1 ಕೋಟಿಯಂತೆ.!

ಮೂಲಗಳ ಪ್ರಕಾರ ಹಾಸ್ಯ ನಟ ಬ್ರಹ್ಮಾನಂದಂ ಅವರು ಒಂದು ಚಿತ್ರದಲ್ಲಿ ನಟಿಸಲು ಬರೋಬ್ಬರಿ 1 ಕೋಟಿ ಸಂಭಾವನೆ ಪಡೆಯುತ್ತಾರಂತೆ.

ವರ್ಷಕ್ಕೆ 20 ಚಿತ್ರ

ಒಂದು ಚಿತ್ರಕ್ಕೆ 1 ಕೋಟಿ ಸಂಭಾವನೆ ಪಡೆಯುವ ಬ್ರಹ್ಮಾನಂದಂ ವರ್ಷದಲ್ಲಿ ಸುಮಾರು 15 ರಿಂದ 20 ಚಿತ್ರಗಳಲ್ಲಿ ನಟಿಸುತ್ತಾರೆ. ಕೆಲವೊಮ್ಮೆ 20 ಕ್ಕೂ ಹೆಚ್ಚು ಸಿನಿಮಾಗಳು ಮಾಡಿರುವ ಉದಾಹರಣೆ ಉಂಟು. ಹಾಗಾದ್ರೆ, ಸಿನಿಮಾಗಳಿಂದ ಬ್ರಹ್ಮಾನಂದಂ ಅವರು ಗಳಿಸುವ ವಾರ್ಷಿಕ ಆದಾಯ ಎಷ್ಟಿರಬಹುದು ಎಂದು ನೀವೇ ಊಹಿಸಿ?

ಒಟ್ಟು ಆಸ್ತಿಯ ಮೌಲ್ಯ

ಹೀಗೆ, ವರ್ಷವಿಡೀ ಸಿನಿಮಾಗಳಲ್ಲಿ ಬ್ಯುಸಿಯಿರುವ ಹಾಸ್ಯ ನಟ ಬ್ರಹ್ಮಾನಂದಂ ಅವರ ಒಟ್ಟು ಆಸ್ತಿ ಮೌಲ್ಯ ಸುಮಾರು 320 ಕೋಟಿ ಎಂದು ವರದಿಯಾಗಿದೆ.

ಐಷಾರಾಮಿ ಕಾರುಗಳ ಒಡೆಯ

ಬ್ರಹ್ಮಾನಂದಂ ಅವರಿಗೆ ಐಷಾರಾಮಿ ಕಾರುಗಳು ಅಂದ್ರೆ ತುಂಬಾ ಕ್ರೇಜ್. ಹೀಗಾಗಿ, ಅವರ ಬಳಿ ಹೊಸ ಹೊಸ ಬಗೆಯ ಕಾಸ್ಟ್ಲೀ ಕಾರ್ ಗಳಿವೆ. Audi R8, Audi Q7, ಮತ್ತು Mercedes-Benz (Black) ಸೇರಿದಂತೆ ಇನ್ನು ಹಲವರು ಕಾರುಗಳಿಗೆ ಒಡೆಯರಾಗಿದ್ದಾರೆ.

ದೊಡ್ಡ ಬಂಗಲೆ

ಹೈದ್ರಾಬಾದ್ ನ ಜ್ಯೂಬ್ಲಿ ಹಿಲ್ಸ್ ನಲ್ಲಿ ಬ್ರಹ್ಮಾನಂದಂ ಅವರ ದೊಡ್ಡ ಬಂಗಲೆ ಇದೆ. ಇನ್ನು ಕೋಟ್ಯಾಂತರ ರೂಪಾಯಿ ಮೌಲ್ಯದ ಕೃಷಿ ಭೂಮಿಯನ್ನ ಕೂಡ ಇಟ್ಟುಕೊಂಡಿದ್ದಾರಂತೆ.

1986ರಲ್ಲಿ ಸಿನಿಮಾಗೆ ಎಂಟ್ರಿ

1986ರಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಅಭಿನಯದಲ್ಲಿ ಮೂಡಿ ಬಂದಿದ್ದ 'ಚಂಟಬ್ಬಾಯಿ' ಚಿತ್ರದ ಮೂಲಕ ಬ್ರಹ್ಮಾನಂದಂ ಸಿನಿಮಾ ರಂಗ ಪ್ರವೇಶ ಮಾಡಿದ್ದರು. ಇಲ್ಲಿಯವರೆಗೂ ಸುಮಾರು 1000 ಕ್ಕೂ ಅಧಿಕ ಚಿತ್ರಗಳಲ್ಲಿ ಅಭಿನಯಿಸುವುದರ ಮೂಲಕ ಗಿನ್ನಿಸ್ ದಾಖಲೆ ಮಾಡಿದ್ದಾರೆ.