»   » ಇನ್ನೂ ಆ ಹುಡುಗಿಯ ನಿರೀಕ್ಷೆಯಲ್ಲಿ ರಜನಿಕಾಂತ್!

ಇನ್ನೂ ಆ ಹುಡುಗಿಯ ನಿರೀಕ್ಷೆಯಲ್ಲಿ ರಜನಿಕಾಂತ್!

Posted by:
Subscribe to Filmibeat Kannada

ಸೂಪರ್ ಸ್ಟಾರ್ ರಜನಿಕಾಂತ್ ಮೊನ್ನೆಯಷ್ಟೇ ತಮ್ಮ 63ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡು ಸಂಭ್ರಮಿಸಿದರು. ಈ ವಯಸ್ಸಿನಲ್ಲೂ ಅವರ ಮನಸ್ಸನ್ನು ಒಬ್ಬ ಹುಡುಗಿ ನಕಶಿಖಾಂತ ಕಾಡುತ್ತಲೇ ಇದ್ದಾರೆ. ಕಳೆದ ಮೂವತ್ತು ವರ್ಷಗಳಿಂದ ಆಕೆಯ ನಿರೀಕ್ಷೆಯಲ್ಲಿದ್ದಾರೆ!

"ಆ ಹುಡುಗಿ ಎಂದೋ ಒಂದು ದಿನ ತನ್ನ ಕಣ್ಣಿಗೆ ಬಿದ್ದೇ ಬೀಳುತ್ತಾಳೆ. ಕಳೆದ ಮೂವತ್ತು ವರ್ಷಗಳಿಂದ ಆಕೆಗಾಗಿ ಎದುರು ನೋಡುತ್ತಿದ್ದೇನೆ" ಎಂದಿದ್ದಾರೆ. ಇಷ್ಟಕ್ಕೂ ರಜನಿಕಾಂತ್ ನಿರೀಕ್ಷಿಸುತ್ತಿರುವ ಆ ಹುಡುಗಿ ಯಾರೆಂದರೆ...ಅವರ ಮೊಟ್ಟ ಮೊದಲ ಅಭಿಮಾನಿ.

ಸರಿಸುಮಾರು ಮೂವತ್ತು ವರ್ಷಗಳ ಹಿಂದೆ ರಜನಿ ಚೊಚ್ಚಲ ಚಿತ್ರ 'ಅಪೂರ್ವ ರಾಗಂಗಲ್' ಬಿಡುಗಡೆ ಆದಾಗ ಆಕೆ ಮೊದಲ ಬಾರಿ ತಮ್ಮ ಆಟೋಗ್ರಾಫ್ ತೆಗೆದುಕೊಂಡ ಘಟನೆಯನ್ನು ರಜನಿ ಈಗಲೂ ಮೆಲುಕು ಹಾಕುತ್ತಲೇ ಇದ್ದಾರೆ.

ಈ ಬಗ್ಗೆ ಅವರು ಮಾತನಾಡುತ್ತಾ...ತಾನು ಚೆನ್ನೈನಲ್ಲಿನ ಕೃಷ್ಣವೇಣಿ ಚಿತ್ರಮಂದಿರಗಲ್ಲಿ 'ಅಪೂರ್ವ ರಾಗಂಗಳ್' ಚಿತ್ರ ಬಿಡುಗಡೆಯಾದಾಗ ನೋಡಲು, ಪ್ರೇಕ್ಷಕರ ಪ್ರತಿಕ್ರಿಯೆ ತಿಳಿದುಕೊಳ್ಳುವ ಸಲುವಾಗಿ ಹೋಗಿದ್ದೆ. ಆಗ ಪುಟ್ಟ ಹುಡುಗಿಯೊಬ್ಬಳು ನನ್ನ ಅಭಿಮಾನಿ ಎಂದು ಹೇಳಿ ಆಟೋಗ್ರಾಫ್ ತೆಗೆದುಕೊಂಡಳು.

ಆಗ ಆಟೋಗ್ರಾಫ್ ಪುಸ್ತಕ ಇರಲಿಲ್ಲ. ಕೇವಲ ಆಕೆಯ ಬಳಿ ಇದ್ದ ಸಿನಿಮಾ ಟಿಕೆಟ್ ಹಿಂದೆ ತಾನು ಹಸ್ತಾಕ್ಷರ ಗೀಚಿ ಕೊಟ್ಟಿದ್ದೆ. ಈ ಘಟನೆ ನನ್ನ ಜೀವನಪೂರ್ತಿ ಮರೆಯಲಾಗದ ಘಟನೆಯಾಗಿ ಉಳಿದುಹೋಯಿತು. ಏಕೆಂದರೆ ತಾನು ಕೊಟ್ಟ ಮೊಟ್ಟ ಮೊದಲ ಆಟೋಗ್ರಾಫ್ ಅದಾಗಿತ್ತು.

ತನ್ನ ಮೊದಲ ಆಟೋಗ್ರಾಫ್ ಪಡೆದ ಆಕೆಯನ್ನು ಮತ್ತೆ ನೋಡಬೇಕೆಂದು ಮೂವತ್ತು ವರ್ಷಗಳಿಂದ ತವಕಿಸುತ್ತಲೇ ಇದ್ದೇನೆ. ಆದರೂ ಆಕೆ ಎಲ್ಲೂ ಕಣ್ಣಿಗೆ ಬೀಳಲಿಲ್ಲ ಎಂದಿದ್ದಾರೆ ರಜನಿ. ಈ ಘಟನೆಯನ್ನು ರಜನಿಕಾಂತ್ ತಮ್ಮ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಭಿಮಾನಿಗಳ ಜೊತೆ ಹಂಚಿಕೊಂಡರು. ಮುಂದಾದರೂ ಆಕೆ ರಜನಿ ಕಣ್ಣಿಗೆ ಬೀಳುತ್ತಾರಾ? (ಒನ್ಇಂಡಿಯಾ ಕನ್ನಡ)

English summary
Rajinikanth’s debut film was Apoorva Ragangal which released nearly 30 years ago. The Superstar recalled watching this film at the Krishnaveni Theatre in Chennai when a little girl came to him asking for an autograph. Since she did not have an autograph book, he had signed at the back of her ticket. The Superstar said that this was the first autograph he had ever signed and has been looking for the girl, who he considers as his first fan, all these years but has not been able to find her.
Please Wait while comments are loading...
Best of 2016

Kannada Photos

Go to : More Photos