Don't Miss!
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಿಮೇಕ್ ಚಿತ್ರಗಳನ್ನು ಕನ್ನಡಿಗರು ಗೆಲ್ಲಿಸಿದ್ದ ಉದಾಹರಣೆ ಎಷ್ಟು ಬೇಕು?
ಕನ್ನಡ ಚಿತ್ರೋದ್ಯಮ ನಿಧಾನವಾಗಿ ಬೆಳೆಯುತ್ತಿದೆ, ಬಿಗ್ ಸ್ಟಾರ್ ಗಳ ಚಿತ್ರ ಕರ್ನಾಟಕ ಹೊರತಾಗಿ ಬೇರೆ ನಗರಗಳಲ್ಲೂ ಮತ್ತು ವಿದೇಶದಲ್ಲೂ ಬಿಡುಗಡೆಯಾಗುತ್ತಿದೆ.
ಕಳೆದ ಐದು ವರ್ಷಗಳಲ್ಲಿ ಬಾಕ್ಸಾಫೀಸಿನಲ್ಲಿ ಸದ್ದು ಮಾಡುತ್ತಿರುವ ಚಿತ್ರಗಳ ಸಂಖ್ಯೆಯೂ ಗಣನೀಯವಾಗಿ ಸುಧಾರಿಸುತ್ತಿದೆ. ರಿಮೇಕಾಗಲಿ, ಸ್ವಮೇಕಾಗಲಿ ಪ್ರೇಕಕ್ಷಕನನ್ನು ಬೋರು ಹೊಡೆಸದಿದ್ದರೆ ಸಾಕು, ಚಿತ್ರ ಹಿಟ್ ಆಗುವುದಂತೂ ಗ್ಯಾರಂಟಿ. (ಕನ್ನಡ ಚಿತ್ರೋದ್ಯಮದ ತಾರಾ ದಂಪತಿಗಳು)
ಕನ್ನಡ ಸಿನಿಮಾಗಳಿಗೆ ಬೇರೆ ಭಾಷೆಯ ನಿರ್ಮಾಪಕರು ಬಂಡವಾಳ ಹೂಡಲು ಬರುತ್ತಿರುವ ಸಂಖ್ಯೆಯೂ ಹೆಚ್ಚುತ್ತಿರುವುದರ ಜೊತೆಗೆ ಕನ್ನಡ ಸಿನಿಮಾಗಳು ಇತರ ಭಾಷೆಗೆ ರಿಮೇಕ್ ಆಗುತ್ತಿರುವುದು ವಿಶೇಷ.
ಯುವ ನಿರ್ದೇಶಕರು, ಹೊಸತನ, ತಾಜಾತನ ಕನ್ನಡ ಸಿನಿಮಾಗಳಲ್ಲಿ ಇತ್ತೀಚೆಗೆ ಹೆಚ್ಚಾಗಿ ಕಾಣಬಹುದು. ಇದರ ಜೊತೆಗೆ ಬೇರೆ ಭಾಷೆಯಲ್ಲಿ ಸದ್ದು ಮಾಡಿದ ಚಿತ್ರಗಳನ್ನು ರಿಮೇಕ್ ಮಾಡುವ ಸಂಸ್ಕೃತಿಯೂ ಮುಂದುವರಿದಿದೆ.
ಸ್ಯಾಂಡಲ್ ವುಡ್ ನಲ್ಲಿ ಭರ್ಜರಿ ಫಸಲು ಗಳಿಸಿದ ಹದಿಮೂರು ರಿಮೇಕ್ ಚಿತ್ರಗಳನ್ನು (2011-2014ರ ಅವಧಿಯಲ್ಲಿ) ಸ್ಲೈಡಿನಲ್ಲಿ ಮುಂದುವರಿಸಲಾಗಿದೆ. ಈ 13ರಲ್ಲಿ ನಿಮ್ಮ ಆಯ್ಕೆ ಯಾವುದು?
ಕಿರಾತಕ
ರಾಕಿಂಗ್ ಸ್ಟಾರ್ ಯಶ್ ವೃತ್ತಿ ಜೀವನಕ್ಕೆ ದೊಡ್ಡ ಬ್ರೇಕ್ ಕೊಟ್ಟ ಚಿತ್ರ 'ಕಿರಾತಕ'. 2011ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಪ್ರದೀಪ್ ರಾಜ್ ನಿರ್ದೇಶಿಸಿದ್ದರು. ಇದು ತಮಿಳಿನ ಕಲಾವಣಿ ಚಿತ್ರದ ರಿಮೇಕ್.
ಹುಡುಗರು
ರಾಜ್ ಬ್ಯಾನರಿನಲ್ಲಿ ಮೂಡಿ ಬಂದ ಹುಡುಗರು ಚಿತ್ರವನ್ನು ಕೆ ಮಾದೇಶ ನಿರ್ದೇಶಿಸಿದ್ದರು. ಪುನೀತ್, ಯೋಗೀಶ್, ಶ್ರೀನಗರ ಕಿಟ್ಟಿ, ರಾಧಿಕಾ ಪಂಡಿತ್ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರವನ್ನು ಮೂಲ ತಮಿಳು ನಾಡೋಡಿಗಳ್ ಚಿತ್ರವನ್ನು ನಿರ್ದೇಶಿಸಿದ್ದ ಸಮುತಿರಖಣಿ ನಿರ್ದೇಶಿಸಿದ್ದರು. ಈ ಚಿತ್ರ 2011ರಲ್ಲಿ ಬಿಡುಗಡೆಯಾಗಿತ್ತು.
ಕೆಂಪೇಗೌಡ
ಶಂಕರ್ ಗೌಡ ನಿರ್ಮಾಣದ, ಕಿಚ್ಚ ಸುದೀಪ್ ನಟಿಸಿ, ನಿರ್ದೇಶಿಸಿದ್ದ ಕೆಂಪೇಗೌಡ ಚಿತ್ರ 2011ರಲ್ಲಿ ಬಿಡುಗಡೆಯಾಯಿತು. ಸುದೀಪ್, ರಾಗಿಣಿ, ರವಿಶಂಕರ್ ಚಿತ್ರದ ಪ್ರಮುಖ ಭೂಮಿಕೆಯಲ್ಲಿದ್ದರು. ಇದು ತಮಿಳು ಸಿಂಗಂ ಚಿತ್ರದ ರಿಮೇಕ್.
ಯಾರೇ ಕೂಗಾಡಲಿ
ರಾಜ್ ಬ್ಯಾನರಿನಲ್ಲಿ ಮೂಡಿ ಬಂದ ರಿಮೇಕ್ ಚಿತ್ರ. 2012ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಸಮುತಿರಖಣಿ ನಿರ್ದೇಶಿಸಿದ್ದರು. ಪುನೀತ್, ಭಾವನಾ, ಯೋಗೀಶ್, ಗಿರೀಶ್ ಕಾರ್ನಾಡ್ ಚಿತ್ರದ ಪ್ರಮುಖ ಭೂಮಿಕೆಯಲ್ಲಿದ್ದರು. ಇದು ತಮಿಳು ಪೊರಾಲಿ ಚಿತ್ರದ ರಿಮೇಕ್.
ಕಲ್ಪನಾ
ರಿಯಲ್ ಸ್ಟಾರ್ ಉಪೇಂದ್ರ ಅಮೋಘ ಅಭಿನಯದ ಕಲ್ಪನಾ ಸಿನಿಮಾ ಮೂಲ ತಮಿಳಿನ ಕಾಂಚನ ಚಿತ್ರದ ರಿಮೇಕ್, ಈ ಚಿತ್ರ 2012ರಲ್ಲಿ ಬಿಡುಗಡೆಯಾಯಿತು. ರಾಮ್ ನಾರಾಯಣ್ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಉಪ್ಪಿ, ಲಕ್ಷ್ಮಿ ರೈ, ಸಾಯಿಕುಮಾರ್ ಮುಂತಾದವರು ಪ್ರಮುಖ ಭೂಮಿಕೆಯಲ್ಲಿದ್ದಾರೆ.
ವರದನಾಯಕ
ಸುದೀಪ್, ಚಿರಂಜೀವಿ ಸರ್ಜಾ, ಸಮೀರಾ ರೆಡ್ಡಿ, ನಿಖಿಶಾ ಪಟೇಲ್ ಪ್ರಮುಖ ಭೂಮಿಕೆಯಲ್ಲಿರುವ ವರದನಾಯಕ ಚಿತ್ರ ತೆಲುಗಿನ ಲಕ್ಷ್ಯಂ ಚಿತ್ರದ ರಿಮೇಕ್. 2013ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಅಯ್ಯಪ್ಪ ಶರ್ಮಾ ನಿರ್ದೇಶಿಸಿದ್ದರು.
ಬುಲ್ ಬುಲ್
2013ರಲ್ಲಿ ಬಿಡುಗಡೆಯಾದ ಬುಲ್ ಬುಲ್ ಚಿತ್ರ ತೆಲುಗಿನ ಡಾರ್ಲಿಂಗ್ ಚಿತ್ರದ ರಿಮೇಕ್. ಎಂ ಡಿ ಶ್ರೀಧರ್ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ರೆಬೆಲ್ ಸ್ಟಾರ್ ಅಂಬರೀಶ್, ದರ್ಶನ್, ರಚಿತಾ ರಾಮ್ ಮುಂತಾದವರಿದ್ದಾರೆ.
ರಾಜಾಹುಲಿ
ಕೊಬ್ರಿ ಮಂಜು ನಿರ್ಮಾಣದ ರಾಜಾಹುಲಿ 2013ರಲ್ಲಿ ಬಿಡುಗಡೆಯಾದ ಸಿನಿಮಾ. ಗುರು ದೇಶಪಾಂಡೆ ನಿರ್ದೇಶನದ ಈ ಚಿತ್ರದಲ್ಲಿ ಯಶ್, ಮೇಘನಾ ರಾಜ್ ಪ್ರಮುಖ ಭೂಮಿಕೆಯಲ್ಲಿದ್ದಾರೆ. ಇದು ತಮಿಳು ಸುಂದರಪಾಂಡ್ಯನ್ ಚಿತ್ರದ ರಿಮೇಕ್.
ಚಂದ್ರಲೇಖ
ತೆಲುಗಿನ ಪ್ರೇಮ ಕಥಾ ಚಿತ್ರಂ ರಿಮೇಕ್ ಚಂದ್ರಲೇಖ. ಓಂ ಪ್ರಕಾಶ್ ರಾವ್ ನಿರ್ದೇಶನದ ಚಂದ್ರಲೇಖ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ, ಶಾನ್ವಿ ಶ್ರೀವಾಸ್ತವ, ಸಾಧು ಕೋಕಿಲ ಮುಂತಾದವರಿದ್ದಾರೆ. ಈ ಚಿತ್ರ 2014ರಲ್ಲಿ ಬಿಡುಗಡೆಯಾಯಿತು.
ಮಾಣಿಕ್ಯ
2014ರಲ್ಲಿ ಬಿಡುಗಡೆಯಾದ ಮಾಣಿಕ್ಯ ಚಿತ್ರ, ತೆಲುಗಿನ ಮಿರ್ಚಿ ಚಿತ್ರದ ರಿಮೇಕ್. ಸುದೀಪ್ ನಟಿಸಿ, ನಿರ್ದೇಶಿಸಿದ್ದ ಈ ಚಿತ್ರದ ಪ್ರಮುಖ ತಾರಗಣದಲ್ಲಿ ರವಿಚಂದ್ರನ್, ರವಿಶಂಕರ್, ವರಲಕ್ಷ್ಮೀ ಶರತ್ ಕುಮಾರ್, ರಮ್ಯಕೃಷ್ಣ ಮುಂತಾದವರಿದ್ದಾರೆ.
ದೃಶ್ಯ
ಕ್ರೇಜಿಸ್ಟಾರ್ ರವಿಚಂದ್ರನ್ ತನ್ನ ವೃತ್ತಿ ಜೀವನದಲ್ಲಿ ವಿಭಿನ್ನ ರೋಲ್ ನಲ್ಲಿ ಕಾಣಿಸಿಕೊಂಡ ಚಿತ್ರ ದೃಶ್ಯ. ಇದು ಮಲಯಾಳಂನ ದೃಶ್ಯಂ ಚಿತ್ರದ ರಿಮೇಕ್. ರವಿಚಂದ್ರನ್, ಅಚ್ಯುತ್ ಕುಮಾರ್, ಶ್ರೀನಿವಾಸಮೂರ್ತಿ, ನವ್ಯಾ ನಾಯರ್ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರವನ್ನು ಪಿ ವಾಸು ನಿರ್ದೇಶಿಸಿದ್ದರು.
ಅಧ್ಯಕ್ಷ
2014ರಲ್ಲಿ ಬಿಡುಗಡೆಯಾದ ಅಧ್ಯಕ್ಷ ಚಿತ್ರದ ಪ್ರಮುಖ ಭೂಮಿಕೆಯಲ್ಲಿ ಶರಣ್, ಚಿಕ್ಕಣ್ಣ, ರವಿಶಂಕರ್, ಹೀಬಾ ಪಟೇಲ್ ಮುಂತಾದವರಿದ್ದಾರೆ. ಇದು ವರುತಪಡತ ವಾಲಿಬಾರ್ ಸಂಘಂ ಚಿತ್ರದ ರಿಮೇಕ್.
ಪವರ್ ಸ್ಟಾರ್***
ಪವರ್ ಸ್ಟಾರ್ ಪುನೀತ್ ರಾಜಕುಮಾರ್, ತೃಷಾ ಕೃಷ್ಣನ್, ಕೆಲ್ಲಿ ದೊರ್ಜಿ, ಪ್ರಭು, ನೀತು ಚಂದ್ರ, ರಂಗಾಯಣ ರಘು ಮುಂತಾದವರಿದ್ದಾರೆ. ಇದು ಮೂಲ ದೂಕುಡು ಚಿತ್ರದ ರಿಮೇಕ್. ಪವರ್ ಸ್ಟಾರ್ ಚಿತ್ರವನ್ನು ಕೆ ಮಾದೇಶ ನಿರ್ದೇಶಿಸಿದ್ದು, ಚಿತ್ರ 2014ರಲ್ಲಿ ತೆರೆಕಂಡಿತ್ತು.