»   » 47ನೇ ಗೋವಾ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಕನ್ನಡದ 3 ಚಿತ್ರಗಳು

47ನೇ ಗೋವಾ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಕನ್ನಡದ 3 ಚಿತ್ರಗಳು

ಗೋವಾದ ಪಣಜಿಯಲ್ಲಿ ಈ ಬಾರಿ ನಡೆಯಲಿರುವ 47ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಸಮಾರಂಭಕ್ಕೆ ಮೂರು ಕನ್ನಡ ಚಿತ್ರಗಳು ಆಯ್ಕೆಯಾಗಿವೆ. 'ಯು-ಟರ್ನ್', 'ಅಲ್ಲಮ' ಮತ್ತು 'ಹರಿಕಥಾ ಪ್ರಸಂಗ' ಮೂರು ಚಿತ್ರಗಳು ಪನೋರಮಾ ವಿಭಾಗದಲ್ಲಿ ಪ್ರದರ್ಶನವಾಗಲಿದೆ.

Posted by:
Subscribe to Filmibeat Kannada

ಸುಂದರ ತಾಣ ಗೋವಾದಲ್ಲಿ ಅದ್ಧೂರಿಯಾಗಿ ನಡೆಯಲಿರುವ, 47ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಸಮಾರಂಭಕ್ಕೆ ದಿನಗಣನೆ ಆರಂಭವಾಗಿದೆ. ಈ ಬಾರಿಯ ಸಿನಿಮೋತ್ಸವಕ್ಕೆ ಕನ್ನಡದ ಮೂರು ಸಿನಿಮಾಗಳು ಆಯ್ಕೆಯಾಗಿವೆ.

'ಲೂಸಿಯಾ' ಖ್ಯಾತಿಯ ನಿರ್ದೇಶಕ ಪವನ್ ಕುಮಾರ್ ಅವರ 'ಯು-ಟರ್ನ್', ನಿರ್ದೇಶಕ ಟಿ.ಎಸ್ ನಾಗಾಭರಣ ಅವರ ಇನ್ನೂ ಬಿಡುಗಡೆ ಆಗದ 'ಅಲ್ಲಮ' ಮತ್ತು ಅನನ್ಯ ಕಾಸರವಳ್ಳಿ ನಿರ್ದೇಶನದ 'ಹರಿಕಥಾ ಪ್ರಸಂಗ' ಸಿನಿಮಾ, 47ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳಲಿದೆ.[ಪನೋರಮಾ ವಿವಾದ : ಸಿಡಿದೆದ್ದ ನಿರ್ದೇಶಕ ಬಿ.ಎಸ್.ಲಿಂಗದೇವರು!]


Three Kannada film's selected for 47th International film festival

ನವೆಂಬರ್ 20 ರಿಂದ 28ರವರೆಗೆ, ಗೋವಾದ ಪಣಜಿಯಲ್ಲಿ ನಡೆಯಲಿರುವ 47ನೇ ಚಲನಚಿತ್ರೋತ್ಸವದಲ್ಲಿ ಭಾರತದಿಂದ ಆಯ್ಕೆಯಾದ ಸಿನಿಮಾಗಳ ವಿಭಾಗಕ್ಕೆ ಪನೋರಮಾ ಎಂದು ಕರೆಯಲಾಗುತ್ತದೆ.


ಬೇರೆ-ಬೇರೆ ಭಾಷೆಗಳಿಂದ ಸುಮಾರು 22 ಸಿನಿಮಾಗಳು, 47ನೇ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳಲಿದ್ದು, ಅದರಲ್ಲಿ ಮೂರು ಸಿನಿಮಾಗಳು ಕನ್ನಡ ಭಾಷೆಯದ್ದು, ಅನ್ನೋದು ಮತ್ತೊಂದು ವಿಶೇಷ.[ಚಿತ್ರಗಳು: 'ಅಲ್ಲಮ'ನಿಗೆ ಪರಕಾಯ ಪ್ರವೇಶ ಮಾಡಿದ ಧನಂಜಯ್]


Three Kannada film's selected for 47th International film festival

ಇನ್ನು 'ಯು-ಟರ್ನ್' ಈಗಾಗಲೇ ಬಿಡುಗಡೆ ಆಗಿದ್ದು, 'ಅಲ್ಲಮ' ಮತ್ತು 'ಹರಿಕಥಾ ಪ್ರಸಂಗ' ಇನ್ನಷ್ಟೇ ತೆರೆ ಕಾಣಬೇಕಿದೆ. ಅಂತೂ 'ಅಲ್ಲಮ' ಮತ್ತು 'ಹರಿಕಥಾ ಪ್ರಸಂಗ' ನೇರವಾಗಿ ಗೋವಾದಲ್ಲಿ ಪ್ರೀಮಿಯರ್ ಪ್ರದರ್ಶನ ಕಾಣಲಿದೆ.[ಮಾಸ್ಕೋ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಕನ್ನಡಿಗರ 'ಬೊಂಬೆಯಾಟ']


Three Kannada film's selected for 47th International film festival

ಈ ಚಲನಚಿತ್ರೋತ್ಸವದಲ್ಲಿ ಪಾಲ್ಗೊಳ್ಳಲು 'ಯು-ಟರ್ನ್' ನಿರ್ದೇಶಕ ಪವನ್ ಕುಮಾರ್ ಮತ್ತು ಕಲಾವಿದರು ಗೋವಾಗೆ ತೆರಳಲಿದ್ದಾರೆ. 'ಅಲ್ಲಮ' ಚಿತ್ರದ ನಿರ್ದೇಶಕ ಟಿ ಎಸ್ ನಾಗಾಭರಣ, ನಟ ಧನಂಜಯ್ ಮತ್ತು ನಟಿ ಮೇಘನಾ ರಾಜ್ ಕೂಡ ಸಿನಿಮೋತ್ಸವದಲ್ಲಿ ಪಾಲ್ಗೊಳ್ಳಲಿದ್ದಾರೆ.

English summary
T S Nagabharana's 'Allama', Ananya Kasaravalli's 'Harikatha Prasanga' and Pavan Kumar's 'U Turn' has been selected for the Panorama section of the 47th International Film Festival of India to be held in Goa. The 47th edition of the International Film Festival of India has been organised in Panaji from the 20th to 28th of this month.
Please Wait while comments are loading...

Kannada Photos

Go to : More Photos