Don't Miss!
- Sports PBKS vs MI IPL 2024: ಪಂಜಾಬ್ ರಾಜರಿಗೆ ಮುಂಬೈ ಇಂಡಿಯನ್ಸ್ ಸವಾಲು; ಟಾಸ್ ವರದಿ, ಆಡುವ 11ರ ಬಳಗ
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Automobiles ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- News Karnataka Lok Sabha Elections: ರಾಷ್ಟ್ರೀಯ ಮುಖಂಡರು VS ರಾಜ್ಯ ನಾಯಕರು; ಗೆಲ್ಲೋದು ಯಾರು?
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತ್ರಿಷಾರ ಬ್ಯಾಂಕ್ ಖಾತೆಯಿಂದ 1 ಕೋಟಿ ಮಂಗಮಾಯ
ಚೆನ್ನೈನ ಅಣ್ಣಾ ಸಲೈ ಪ್ರದೇಶದಲ್ಲಿರುವ ಈ ಖಾಸಗಿ ಬ್ಯಾಂಕ್ನಲ್ಲಿ (ಹೆಸರನ್ನು ಗೌಪ್ಯವಾಗಿಡಲಾಗಿದೆ) ತ್ರಿಷಾ ಹಲವಾರು ಕೋಟಿ ರುಪಾಯಿಗಳನ್ನು ಡಿಪಾಸಿಟ್ ಮಾಡಿದ್ದರಂತೆ. ಕಳೆದ ವಾರ ಅಕೌಂಟ್ ಚೆಕ್ ಮಾಡಿದಾಗ ಈ ಆಘಾತಕಾರಿ ಸಂಗತಿ ತಿಳಿದುಬಂದಿದೆ.
ಕೂಡಲೆ ಬ್ಯಾಂಕಿನ ಉನ್ನತಾಧಿಕಾರಿಗಳಿಗೆ ಈ ವಿಷಯ ತಿಳಿಸಿದ್ದಾರೆ. ಬ್ಯಾಂಕಿನ ಅಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸಿದಾಗ ತ್ರಿಷಾಗೆ ಸೇರಿದ 1 ಕೋಟಿ ರುಪಾಯಿಗಳು ನಾಪತ್ತೆಯಾಗಿರುವುದು ಗೊತ್ತಾಗಿದೆ. ತಮ್ಮ ಬ್ಯಾಂಕ್ ಸಿಬ್ಬಂದಿಯೇ ಗುಳುಂ ಮಾಡಿರುವ ಅಂಶವೂ ಬೆಳಕಿಗೆ ಬಂದಿದೆ. ಬ್ಯಾಂಕಿನ ಸಿಬ್ಬಂದಿಯೊಬ್ಬ ತ್ರಿಷಾರ ಬ್ಯಾಂಕ್ ಖಾತೆಯ ವಿವರಗಳನ್ನು ತನ್ನ ಪರ್ಸನಲ್ ಕಂಪ್ಯೂಟರ್ಗೆ ವರ್ಗಾಯಿಸಿಕೊಂಡು ಒಂದು ಕೋಟಿ ಎಗರಿಸಿರುವುದ್ದಾನೆ.
ಆತ ಒಮ್ಮೆಲೆ ಅಷ್ಟೂ ಹಣವನ್ನು ಡ್ರಾ ಮಾಡದೆ. ಸ್ವಲ್ಪ ಸ್ವಲ್ಪ ಹಣವನ್ನು ಡ್ರಾ ಮಾಡಿ ಒಂದು ಕೋಟಿ ರುಪಾಯಿ ಎಗರಿಸಿದ್ದಾನೆ. ಅಷ್ಟರಲ್ಲಿ ತ್ರಿಷಾ ಅಕೌಂಟ್ ಚೆಕ್ ಮಾಡಿಕೊಂಡಿದ್ದಾರೆ. ಪ್ರಕರಣ ಬಯಲಿಗೆ ಬಂದಿದೆ. ಇಲ್ಲದಿದ್ದರೆ ತ್ರಿಷಾರ ಅಕೌಂಟ್ನಿಂದ ಇನ್ನಷ್ಟು ಕೋಟಿಗಳು ಮಂಗಮಾಯವಾಗುವ ಸಾಧ್ಯತೆಗಳಿದ್ದವು.
ಬಳಿಕ ಆ ಖಾಸಗಿ ಬ್ಯಾಂಕ್ನವರು ತ್ರಿಷಾಗೆ ಸಮಾಧಾನ ಮಾಡಿ ನಿಮ್ಮ ಹಣ ನಿಮಗೆ ವಾಪಸ್ಸು ಬರುವಂತೆ ಮಾಡುತ್ತೇನೆ. ಅಲ್ಲಿಯವರೆಗೂ ತಾಳ್ಮೆ ವಹಿಸಿ. ದಯವಿಟ್ಟು ಪೊಲೀಸರವರೆಗೂ ವಿಷಯವನ್ನು ತೆಗೆದುಕೊಂಡು ಹೋಗಬೇಡಿ ಎಂದು ದಮ್ಮಯ್ಯಹಾಕಿರುವುದಾಗಿ ಸುದ್ದಿ ಇದೆ.
ಬ್ಯಾಂಕ್ ಸಿಬ್ಬಂದಿಯೇ ಈ ರೀತಿ ಮೋಸ ಮಾಡುತ್ತಾರೆ ಎಂದ ಮೇಲೆ ಯಾರು ತಾನೆ ಅಂತಹ ಬ್ಯಾಂಕಿನಲ್ಲಿ ಹಣ ಇಡಲು ಮುಂದಾಗುತ್ತಾರೆ. ಆ ಬ್ಯಾಂಕ್ ದಿವಾಳಿಯಾಗುವುದು ಗ್ಯಾರಂಟಿ. ಕೆಲವು ದಿನಗಳ ಸಮಯಾವಕಾಶ ಕೇಳಿರುವ ಬ್ಯಾಂಕ್ ತ್ರಿಷಾರ ಹಣ ಕೊಡುವುದಾಗಿ ಭರವಸೆ ನೀಡಿದೆ. ಅಲ್ಲಿಯವರೆಗೂ ಪೊಲೀಸ್ ಠಾಣೆ ಮೆಟ್ಟಿಲೇರಬೇಡ ತಾಯಿ ಎಂದು ಅಂಗಲಾಚಿ ಬೇಡಿಕೊಂಡಿದ್ದಾರೆ.
ಹಾಗಾಗಿ ತ್ರಿಷಾ ಕೂಡ ಗಪ್ ಚಿಪ್ ಆಗಿದ್ದು ಈ ವಿಷಯವನ್ನು ಪೊಲೀಸರ ತನಕ ತೆಗೆದುಕೊಂಡು ಹೋಗಿಲ್ಲ ಎನ್ನುತ್ತವೆ ಕೋಲಿವುಡ್ ಮೂಲಗಳು. ತೆಲುಗು, ತಮಿಳು ಹಾಗೂ ಮಲಯಾಳಂನಲ್ಲಿ ಸಖತ್ ಬ್ಯುಸಿಯಾಗಿರುವ ದಕ್ಷಿಣದ ತಾರೆ ತ್ರಿಷಾ ಕೃಷ್ಣನ್.
ನೆರೆಮನೆ ಹುಡುಗಿಯಂತೆ ಕಾಣುವ ಈ ಕೃಷ್ಣ ಸುಂದರಿ ಹಿಂದಿಯಲ್ಲೂ ಅದೃಷ್ಟ ಪರೀಕ್ಷೆಗೆ ಕೈಹಾಕಿ ಮುಗ್ಗರಿಸಿ ಬಿದ್ದರು. ಆದರೆ ದಕ್ಷಿಣದಲ್ಲಿ ಮಾತ್ರ ತ್ರಿಷಾ ಮ್ಯಾಜಿಕ್ ನಡೆಯುತ್ತಿದೆ. ಸಿನಿಮಾ ಒಂದಕ್ಕೆ ರು.1 ಕೋಟಿ ಚಾರ್ಚ್ ಮಾಡುತ್ತಾರೆ ತ್ರಿಷಾ. (ಏಜೆನ್ಸೀಸ್)