Don't Miss!
- News Women voters: ರಾಜ್ಯದ 17 ಲೋಕಸಭಾ ಕ್ಷೇತ್ರಗಳಲ್ಲಿ ಮಹಿಳೆಯರದ್ದೇ ಪಾರುಪತ್ಯ!
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತ್ರಿಷಾಗೆ ಭಾವಿಪತಿ ವರುಣ್ ಕೊಟ್ಟ 'ಪ್ರೇಮದ ಕಾಣಿಕೆ'
ಕಾಲಿವುಡ್ ನಟಿ ತ್ರಿಷಾ ಕೃಷ್ಣನ್ ನಿಶ್ಚಿತಾರ್ಥ ನಾಳೆ (ಜನವರಿ 23) ನಡೆಯಲಿದೆ. ಚಲನಚಿತ್ರ ನಿರ್ಮಾಪಕ ಮತ್ತು ಉದ್ಯಮಿ ವರುಣ್ ಮಣಿಯನ್ ಅವರ ಕೈಹಿಡಿಯುತ್ತಿದ್ದಾರೆ ತ್ರಿಷಾ. ಇದೇ ಖುಷಿಯಲ್ಲಿ ವರುಣ್ ಮಣಿಯನ್, ತಮ್ಮ ಭಾವಿ ಪತ್ನಿಗೆ 'ರೋಲ್ ರಾಯ್ಸ್' ಕಾರ್ ನ ಉಡುಗೊರೆಯಾಗಿ ನೀಡಿದ್ದಾರೆ.
ಹೀಗಂತ ಕಾಲಿವುಡ್ ಮತ್ತು ಟಾಲಿವುಡ್ ಅಂಗಳದಲ್ಲಿ ದೊಡ್ಡ ಸುದ್ದಿಯಾಗಿತ್ತು. ಬರೋಬ್ಬರಿ 7 ಕೋಟಿ ರೂಪಾಯಿ ಬೆಲೆಬಾಳುವ ಜೆಟ್ ಬ್ಲಾಕ್ ಕಲರ್ 'ರೋಲ್ಸ್ ರಾಯ್ಸ್' ಕಾರ್ ನ ವರುಣ್, ತ್ರಿಷಾಗೆ ನೀಡಿದ್ದಾರೆ ಅನ್ನುವುದು ಬರೀ ಗಾಸಿಪ್.
ವರುಣ್ ತ್ರಿಷಾಗೆ ಕಾರ್ ಗಿಫ್ಟ್ ಮಾಡಿಲ್ಲ. ಬದಲಾಗಿ, ನಿಶ್ಚಿತಾರ್ಥದ ಪ್ರಯುಕ್ತ ವರುಣ್ ತ್ರಿಷಾಗೆ ಬೆಲೆಕಟ್ಟಲಾಗದ ಅತ್ಯಮೂಲ್ಯ ಉಡುಗೊರೆಯೊಂದನ್ನ ನೀಡುತ್ತಿದ್ದಾರೆ. ಅದು ಮನೆಯೋ ಅಥವಾ ಭಾರಿ ಬೆಲೆಯ ಅಭರಣವೋ ಅಂತ ಲೆಕ್ಕಾಚಾರ ಹಾಕಬೇಡಿ. [ತ್ರಿಷಾ ನಿಶ್ಚಿತಾರ್ಥ ಉಡುಗೊರೆ ಬೆಲೆ ರು.7 ಕೋಟಿ]
ತ್ರಿಷಾಗೆ ಪ್ರಾಣಿಗಳಂದ್ರೆ ಪಂಚಪ್ರಾಣ. ಚಿತ್ರೀಕರಣದ ಬಿಡುವಿನ ವೇಳೆಯಲ್ಲಿ ಪ್ರಾಣಿಗಳೊಂದಿಗೆ ಕಾಲ ಕಳೆಯುವ ತ್ರಿಷಾ ಅಭಿಲಾಷೆಯಂತೆ 'CAD' ಸಂಸ್ಥೆಗೆ ದೇಣಿಗೆ ನೀಡಿದ್ದಾರೆ ವರುಣ್ ಮಣಿಯನ್.
ಬೀದಿ ನಾಯಿಗಳಿಗೆ ಆಶ್ರಯ ಕಲ್ಪಿಸುತ್ತಿರುವ 'ಚೆನ್ನೈ ಅಡಾಪ್ಷನ್ ಡ್ರೈವ್-CAD' ಸಂಸ್ಥೆಗೆ ವರುಣ್ ಸಹಾಯ ನಿಧಿ ನೀಡಿದ್ದಾರೆ. ಆ ಮೂಲಕ ನಾಯಿಗಳಿಗೆ ಅವಶ್ಯಕವಾಗಿರುವ ಲಸಿಕೆ, ಸರ್ಜರಿ ಮತ್ತು ಔಷಧಿಗಳ ವೆಚ್ಚವನ್ನು ಒಂದು ವರ್ಷ ಕಾಲ ವರುಣ್ ಭರಿಸಲಿದ್ದಾರೆ.
ಇದರೊಂದಿಗೆ ಇದೇ ಶನಿವಾರ ಮತ್ತು ಭಾನುವಾರ ಸಾವಿರಾರು ನಿರಾಶ್ರಿತ ಪ್ರಾಣಿಗಳಿಗೆ ಆಹಾರವನ್ನೂ ಒದಗಿಸಲಿದ್ದಾರೆ ವರುಣ್. ನಿಶ್ಚಿತಾರ್ಥದ ಶುಭ ಸಂದರ್ಭದಲ್ಲಿ ವರುಣ್ ತಾಳಿರುವ ಈ ನಡೆಯಿಂದ ತ್ರಿಷಾ ಮೊಗದಲ್ಲಿ ಮಂದಹಾಸ ಮೂಡಿದೆ. [ತ್ರಿಷಾ ಕೃಷ್ಣನ್ ನಿಶ್ಚಿತಾರ್ಥ...! ಗಾಸಿಪ್ ಅಲ್ಲ, 100% ಸತ್ಯ..!]
ಪ್ರಾಣಿಗಳ ರಕ್ಷಣೆ ಬಗ್ಗೆ ಸದಾ ದನಿಯೆತ್ತುವ ತ್ರಿಷಾ ಮನದಾಳವನ್ನ ಅರಿತು, ಇಂತಹ ವಿಭಿನ್ನ ಉಡುಗೊರೆಯನ್ನು ನೀಡಿದ್ದಾರೆ ವರುಣ್. ಇದಕ್ಕೆ 'CAD' ಸಂಸ್ಥೆ ಕೂಡ ವರುಣ್ ಮತ್ತು ತ್ರಿಷಾಗೆ ಧನ್ಯವಾದ ತಿಳಿಸಿದೆ.
ಬೆಲೆಬಾಳುವ ದುಬಾರಿ ಉಡುಗೊರೆಗಳು ನೀಡುವ ಖುಷಿ ಕ್ಷಣಿಕ. ಆದ್ರೆ, ಮೂಕ ಪ್ರಾಣಿಗಳ ವೇದನೆ ಅರಿತು, ಅವುಗಳಿಗೆ ಸಹಾಯ ಮಾಡುವ ಮನೋಭಾವ ಕೋಟಿಗಿಂತ ಮಿಗಿಲು. ಪ್ರಾಣಿ ಪ್ರೇಮಿ ತ್ರಿಷಾ ನಿಶ್ಚಿತಾರ್ಥಕ್ಕೆ ಇದಕ್ಕಿಂತ ಮತ್ತೊಂದು 'ಪ್ರೇಮದ ಕಾಣಿಕೆ' ಬೇಕಾ..?