Don't Miss!
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- News ಹಿರಿಯೂರು: ರಾಷ್ಟ್ರೀಯ ಹೆದ್ದಾರಿಯಲ್ಲಿ ಆಟೋ ಪಲ್ಟಿ: NHAIನ ಆ ಒಂದು ಯಡವಟ್ಟಿನ ವಿರುದ್ಧ ಭುಗಿಲೆದ್ದ ಆಕ್ರೋಶ
- Technology Poco: ಹೊಸದಾಗಿ ಲಾಂಚ್ ಆದ ಪೊಕೊ X6 ಪ್ರೊ 5G ಸ್ಮಾರ್ಟ್ಫೋನ್ಗೆ 17% ರಿಯಾಯಿತಿ!8 GB RAM
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಸಾಹಸಸಿಂಹ'ನ ಸ್ಟೈಲ್ ನಲ್ಲಿ 'ಲೊಡ್ಡೆ' ಕೋಮಲ್
'ಕರೋಡ್ ಪತಿ', 'ಪುಂಗಿದಾಸ', 'ನಮೋ ಭೂತಾತ್ಮ', 'ಗೋವಾ'...ಹೀಗೆ ಸಾಲು ಸಾಲು ಸಿನಿಮಾಗಳನ್ನ ನೀಡಿದರೂ, ಸೋಲಿನ ಸುಳಿಯಲ್ಲೇ ಸಿಲುಕಿರುವ ಸೆನ್ಸೇಷನಲ್ ಸ್ಟಾರ್ ಕೋಮಲ್ ಕುಮಾರ್ ಈಗ ಡಾ.ವಿಷ್ಣುವರ್ಧನ್ ಜಪ ಮಾಡುತ್ತಿದ್ದಾರೆ.
ಥೇಟ್ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ರಂತೆ ಎಡಗೈಗೆ ಕಡಗ ತೊಟ್ಟಿರುವ ಕೋಮಲ್, ಅಭಿನಯ ಭಾರ್ಗವನ ಅಪ್ಪಟ ಭಕ್ತನಾಗಿ ಅಭಿನಯಿಸಿರುವ ಸಿನಿಮಾ 'ಲೊಡ್ಡೆ'. ಟೈಟಲ್ ಕೇಳಿದ ಮಾತ್ರಕ್ಕೆ ಇದು ವಿಷ್ಣುವರ್ಧನ್ ಅವರಿಗೆ ಮಾಡಿರುವ ಅವಹೇಳನ ಅಂತ ಭಾವಿಸಬೇಕಿಲ್ಲ.
'ಲೊಡ್ಡೆ' ಅನ್ನುವ ಪದಕ್ಕೆ ಸಿನಿಮಾದಲ್ಲಿ ಬೇರೆ ಅರ್ಥ ಇದೆ. 'Leader Of Daring and Dashing Empire' ಶಾರ್ಟ್ ಫಾರ್ಮ್ ರೂಪವೇ LODDE. ಹೀಗಿದ್ದರೂ, ಚಿತ್ರದಲ್ಲಿ ಸಿಂಹ ಘರ್ಜನೆ ಸಿಕ್ಕಾಪಟ್ಟೆ ಇದೆ. ಬೇಕಾದ್ರೆ, ಈಗಷ್ಟೇ ರಿಲೀಸ್ ಆಗಿರುವ 'ಲೊಡ್ಡೆ' ಚಿತ್ರದ ಟ್ರೇಲರ್ ನೊಮ್ಮೆ ನೋಡಿ.....
ಸಿಂಹದ ಉಂಗುರ ತೊಟ್ಟು, ಎಡಗೈಲಿ ಪಂಚು ಕೊಡುವ ಕೋಮಲ್ ನಡೆದಾಡಿದಾಗಲೆಲ್ಲಾ ಸಿಂಹ ಘರ್ಜಿಸುತ್ತೆ. ಅಷ್ಟರಮಟ್ಟಿಗೆ 'ಜೂನಿಯರ್ ಸಾಹಸಸಿಂಹ' ಆಗಿದ್ದಾರೆ ನಟ ಕೋಮಲ್ ಕುಮಾರ್. 'ಲೈಯನ್ ಆಫ್ ಕನ್ನಡ ಸಿನಿಮಾ' ಡಾ.ವಿಷ್ಣುವರ್ಧನ್ ಗೆ ಟ್ರಿಬ್ಯೂಟ್ ಅಂತ್ಹೇಳಿರುವ ಈ ಚಿತ್ರದಲ್ಲಿ 'ಹೃದಯವಂತ'ನಿಗಾಗಿ ಒಂದು ಹಾಡಿದೆ. [ಮಿಸ್ಟರ್ ರಜನಿಕಾಂತ್ ಆಗ್ತಿದ್ದಾರೆ ಕೋಮಲ್ ಕುಮಾರ್]
ಡಾ.ವಿಷ್ಣು ನೆರಳಲ್ಲಿ ರೆಡಿಯಾಗಿರುವ 'ಲೊಡ್ಡೆ' ಚಿತ್ರದಲ್ಲಿ ಲವ್ ಟ್ರ್ಯಾಕ್ ಕೂಡ ಇದೆ. ಕೋಮಲ್ ಗೆ ಪ್ರೀತಿಯ ಬಾಣ ಬಿಡುವ ಬೆಡಗಿ ಆಕಾಂಕ್ಷ ಪುರಿ. ನವೀನ್ ಕೃಷ್ಣ, ಅವಿನಾಶ್ ಸೇರಿದಂತೆ ದೊಡ್ಡ ತಾರಾಬಳಗ 'ಲೊಡ್ಡೆ' ಚಿತ್ರದಲ್ಲಿದೆ. ಎಸ್.ವಿ.ಸುರೇಶ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. (ಫಿಲ್ಮಿಬೀಟ್ ಕನ್ನಡ)