ಮುಖಪುಟ

ಸಿನಿ ಸಮಾಚಾರ

ಹಿಮ್ಮುಖವಾಗಿ ಚಲಿಸುತ್ತಿರುವ ಟ್ರೈಲರ್ ನಿಂದ ಭಾರಿ ಸುದ್ದಿಯಲ್ಲಿರುವ 'ಮಡಮಕ್ಕಿ' ತೆರೆಗೆ ಬರಲು ಸಿದ್ಧವಾಗಿದೆ. ಹೆಚ್ಚಾಗಿ ಎಲ್ಲಾ ಹೊಸಬರೇ ಸೇರಿಕೊಂಡು ಮಾಡಿರುವ 'ಮಡಮಕ್ಕಿ' ಎಂಬ ವಿಭಿನ್ನ ಟೈಟಲ್ ಇರೋ ಈ ಚಿತ್ರ ಇದೇ ಶುಕ್ರವಾರ (ಆಗಸ್ಟ್ 19) ದಂದು ತೆರೆಗೆ ಅಪ್ಪಳಿಸುತ್ತಿದೆ.

ಹಾಲಿವುಡ್ ಸಿನಿಮಾಗಳಲ್ಲಿ ಹೆಚ್ಚಾಗಿ ಹಿಮ್ಮುಖವಾಗಿ ಚಲಿಸುವ ದೃಶ್ಯಗಳನ್ನು ಪ್ರಯೋಗ ಮಾಡುತ್ತಾರೆ. ಆದರೆ ಕನ್ನಡದಲ್ಲಿ ಮಾತ್ರ ಇದೇ ಮೊದಲು.[ವಿಭಿನ್ನ ಪ್ರಯೋಗವುಳ್ಳ 'ಮಡಮಕ್ಕಿ' ಟ್ರೈಲರ್, ತಪ್ಪದೇ ನೋಡಿ]

ಅಂದಹಾಗೆ ನವ ನಿರ್ದೇಶಕ ವಿನಯ್ ಪ್ರೀತಮ್ ನಿರ್ದೇಶನ ಮಾಡಿರುವ 'ಮಡಮಕ್ಕಿ' ಚಿತ್ರದ ಬಜೆಟ್ ಎಷ್ಟು ಗೊತ್ತಾ?, ಸುಮಾರು 3 ಕೋಟಿ ರೂಪಾಯಿಗೂ ಅಧಿಕ. ನಟ ತನುಷ್, ನಟಿ ನಿಖಿತಾ ನಾರಾಯಣನ್, ಡೈಲಾಗ್ ಕಿಂಗ್ ಸಾಯಿಕುಮಾರ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಚಿತ್ರ ಅಂಡರ್ ವರ್ಲ್ಡ್ ಕಥೆಗಳನ್ನು ಎಳೆ-ಎಳೆಯಾಗಿ ಬಿಚ್ಚಿಟ್ಟಿದೆ.

ಸಸ್ಪೆನ್ಸ್-ಥ್ರಿಲ್ಲರ್ 'ಮಡಮಕ್ಕಿ' ಚಿತ್ರ ಮುಂಬೈ ಮತ್ತು ಮಂಗಳೂರು ಅಂಡರ್ ವರ್ಲ್ಡ್ ಕಥೆಯನ್ನು ಹೊಂದಿದೆ. ನಟಿ ದೀಪಿಕಾ ಕಾಮಯ್ಯ ಅವರು ಈ ಚಿತ್ರದ ವಿಶೇಷ ಹಾಡೊಂದಕ್ಕೆ ಸೊಂಟ ಬಳುಕಿಸಿದ್ದು, ನಟಿ ತಾರಾ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ.

ಒಟ್ನಲ್ಲಿ ಭಾರಿ ಕುತೂಹಲ ಮೂಡಿಸಿರುವ ಸಿನಿಮಾ ಹೇಗಿರಬಹುದು?, ಸದಾ ವಿಭಿನ್ನತೆಯನ್ನು ಬಯಸುವ ಪ್ರೇಕ್ಷಕರಿಗೆ ಈ ಸಿನಿಮಾ ಇಷ್ಟವಾಗಬಹುದೇ?, ಅನ್ನೋ ಎಲ್ಲಾ ಪ್ರಶ್ನೆಗಳಿಗೆ ಇದೇ ವಾರ ಉತ್ತರ ದೊರೆಯಲಿದೆ.