Don't Miss!
- News ಬಿವೈ ವಿಜಯೇಂದ್ರ ಭೇಟಿ ಬಳಿಕ ಸಂಸದೆ ಸುಮಲತಾ ಹೇಳಿದ್ದೇನು?
- Sports RCB VS KKR: ಟಾಸ್ ಗೆದ್ದ ಕೆಕೆಆರ್ ಫೀಲ್ಡೀಂಗ್ ಆಯ್ಕೆ: ಆರ್ಸಿಬಿ ತಂಡದಲ್ಲಿ ಇಲ್ಲ ಬದಲಾವಣೆ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹತ್ತು ಭಾಷೆಗಳಿಗೆ ಶತಕ ಪೂರೈಸಿದ 'ರಾಮಾಚಾರಿ'
ಬರೀ ಒಂದು ವಾರ, ಎರಡು ವಾರಗಳಿಗೆ ಸಿನಿಮಾಗಳು ಎತ್ತಂಗಡಿ ಆಗುತ್ತಿರುವ ಈಗಿನ ಕಾಲದಲ್ಲಿ ರಾಕಿಂಗ್ ಸ್ಟಾರ್ ಯಶ್, ಅನೇಕ ಚಿತ್ರಮಂದಿರಗಳಲ್ಲಿ ಅಂಟಿಕೊಂಡು ಕೂತಿದ್ದಾರೆ. ಯಶ್ ಮತ್ತು ರಾಧಿಕಾ ಪಂಡಿತ್ ಅಭಿನಯದ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಸಿನಿಮಾ ಅಮೋಘ 100 ದಿನಗಳನ್ನ ಪೂರೈಸಿದೆ.
ಹಂಡ್ರೆಡ್ ಡೇಸ್ ಆಚರಿಸಿಕೊಳ್ಳುವ ಪದ್ಧತಿಯೇ ಕಣ್ಮರೆ ಆಗುತ್ತಿರುವಾಗ, 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಬೆಂಗಳೂರಿನ ಸಂತೋಷ್ ಮತ್ತು ವೀರೇಶ್ ಚಿತ್ರಮಂದಿರಗಳಲ್ಲಿ 100 ದಿನಗಳ ಸಂಭ್ರಮವನ್ನ ಆಚರಿಸುತ್ತಿದೆ. [ತೆಲುಗು ತೆರೆಗೆ ರಾಕಿಂಗ್ ಸ್ಟಾರ್ ರಾಮಾಚಾರಿ!]
ಇದೇ ಖುಷಿಯಲ್ಲಿ ರಾಮಾಚಾರಿ ಅಡ್ಡದಿಂದ ಹೊಸ ಸುದ್ದಿ ಬ್ರೇಕ್ ಆಗಿದೆ. ಮರಾಠಿ, ಪಂಜಾಬಿ, ಹಿಂದಿ, ಮಲೆಯಾಳಂ ಮತ್ತು ಭೋಜ್ ಪುರಿ ಸೇರಿದಂತೆ ಹತ್ತು ಭಾಷೆಗಳಿಗೆ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಡಬ್ ಆಗುತ್ತಿದೆ. [ಬಾಕ್ಸಾಫೀಸಲ್ಲಿ 'ರಾಮಾಚಾರಿ' ಕೆಣಕುವ ಗಂಡು ಯಾರೂ ಇಲ್ಲ!]
ಇದರೊಂದಿಗೆ ತೆಲುಗು ಮತ್ತು ತಮಿಳು ಭಾಷೆಗೆ ರಾಮಾಚಾರಿ ರೀಮೇಕ್ ಆಗುತ್ತಿದ್ದಾನೆ. ಟಾಲಿವುಡ್ ನಲ್ಲಿ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ರೀಮೇಕ್ ಆಗುತ್ತಿರುವ ವಿಷಯವನ್ನ ನಾವೇ ನಿಮಗೆ ಹೇಳಿದ್ದು ನೆನಪಿದೆ ಅಲ್ವಾ. 'ಮೈತ್ರಿ' ನಿರ್ಮಾಪಕ ರಾಜ್ ಕುಮಾರ್, ತೆಲುಗಿನಲ್ಲಿ ರೀಮೇಕ್ ಮಾಡುವುದಕ್ಕೆ ಮುಂದೆ ಬಂದಿದ್ದಾರೆ. [ವಿಷ್ಣು ಅಭಿಮಾನಿಗಳೇ, 'ರಾಮಾಚಾರಿ' ನೋಡಲು ಮರೆಯದಿರಿ..]
ಈಗ ಟಾಲಿವುಡ್ ನೊಂದಿಗೆ ಕಾಲಿವುಡ್ ನಲ್ಲೂ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ರೀಮೇಕ್ ಆಗುತ್ತಿರುವುದನ್ನ ಖುದ್ದು ನಿರ್ದೇಶಕ ಸಂತೋಷ್ ಅನಂದರಾಮ್ ಸ್ಪಷ್ಟಪಡಿಸಿದ್ದಾರೆ. ಕನ್ನಡದಲ್ಲಿ ಪರಭಾಷೆಯ ರೀಮೇಕ್ ಚಿತ್ರಗಳೇ ಹೆಚ್ಚಾಗುತ್ತಿರುವಾಗ ಕನ್ನಡದ ಸಿನಿಮಾ ಬೇರೆಲ್ಲಾ ಭಾಷೆಗಳಲ್ಲಿ ಸದ್ದು ಮಾಡೋಕೆ ಹೊರಟಿರುವುದು ಹೆಮ್ಮೆಯ ಸಂಗತಿ. ಏನಂತೀರಿ...(ಫಿಲ್ಮಿಬೀಟ್ ಕನ್ನಡ)