'ಯಶೋಮಾರ್ಗ'ಕ್ಕಾಗಿ ಹೊಸ ಕಚೇರಿ ಸ್ಥಾಪಿಸಿದ ಯಶ್ ದಂಪತಿ

'ಯಶೋಮಾರ್ಗ' ಕಚೇರಿ ಸ್ಥಾಪಿಸಿದ ಯಶ್

ನಟ ಯಶ್ ಸಾರಥ್ಯದ 'ಯಶೋಮಾರ್ಗ ಫೌಂಡೇಶನ್'ನ ಕೆಲಸ ಕಾರ್ಯಗಳಿಗಾಗಿ ನೂತನ ಕಚೇರಿ ಸ್ಥಾಪನೆಯಾಗಿದೆ.

ಹೊಸ ಕಛೇರಿಯಲ್ಲಿ ರಾಧಿಕಾ-ಯಶ್ ಪೂಜೆ!

ಹೊಸದಾಗಿ ನಿರ್ಮಾಣ ಮಾಡಿದ 'ಯಶೋಮಾರ್ಗ ಫೌಂಡೇಶನ್' ಕಚೇರಿಗೆ, ನಟ ಯಶ್ ಮತ್ತು ಪತ್ನಿ ರಾಧಿಕಾ ಪಂಡಿತ್ ಪೂಜೆ ಮಾಡಿ ಚಾಲನೆ ನೀಡಿದರು.

ಯಶ್ 'ಯಶೋಮಾರ್ಗ'ದಲ್ಲಿ ರಾಧಿಕಾ ಹೆಜ್ಜೆ!

ಇಷ್ಟು ದಿನ ಯಶ್ ಅವರು ಮಾತ್ರ ತಮ್ಮ 'ಯಶೋಮಾರ್ಗ'ದ ಮೂಲಕ ಸಾಮಾಜಿಕ ಕಾರ್ಯಗಳನ್ನ ಹಮ್ಮಿಕೊಳ್ಳುತ್ತಿದ್ದರು. ಇನ್ನು ಮುಂದೆ ಯಶ್ ಅವರ ಪತ್ನಿ ರಾಧಿಕಾ ಪಂಡಿತ್ ಕೂಡ ಯಶ್ ಅವರ 'ಯಶೋಮಾರ್ಗ'ದಲ್ಲಿ ತೊಡಗಿಸಿಕೊಳ್ಳಲಿದ್ದಾರಂತೆ.

ಸಂಸತ ಹಂಚಿಕೊಂಡ ರಾಧಿಕಾ ಪಂಡಿತ್

''ಬೇರೆಯವರಿಗೆ ನಮ್ಮಿಂದ ಆಗುವ ಸಹಾಯ ಮಾಡಿದರೇ, ಅದರಲ್ಲಿ ಕಾಣುವ ತೃಪ್ತಿ ಬೇರೊಂದು ಇಲ್ಲ. ಇದು ನಮ್ಮ ಹೊಸ ಕಛೇರಿ. ಇದಕ್ಕೆ ಎಲ್ಲರೂ ಕೈಜೋಡಿಸಿ. ಆಗಲೇ ಬದಲಾವಣೆ ತರಲು ಸಾಧ್ಯ''- ರಾಧಿಕಾ ಪಂಡಿತ್

'ಯಶೋಮಾರ್ಗ ಫೌಂಡೇಶನ್' ಉದ್ದೇಶ!

ರೈತರು, ಬಡವರು, ಕಷ್ಟದಲ್ಲಿ ಇರುವವರಿಗೆ ವಿಶೇಷ ಸವಲತ್ತುಗಳನ್ನ ಒದಗಿಸುವ ಮೂಲಕ 'ಯಶೋಮಾರ್ಗ ಫೌಂಡೇಶನ್' ಸಹಾಯ ಮಾಡಿದೆ. ಬರಪೀಡಿತ ಹಳ್ಳಿಗಳ ಅಭಿವೃದ್ದಿಗೆ, ಕೃಷಿ ಅಭಿವೃದ್ದಿ ಸೇರಿದಂತೆ ಹಲವು ಜನರ ಯೋಜನೆಗಳನ್ನ ಮಾಡುವ ಉದ್ದೇಶ ಹೊಂದಿದೆ ಯಶೋಮಾರ್ಗ.