Don't Miss!
- Sports GT vs DC: ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ಬೌಲಿಂಗ್ ಆಯ್ಕೆ
- Automobiles Bajaj: ಮುಂಬರಲಿರುವ ಬಜಾಜ್ ಪಲ್ಸರ್ NS 400 ನಿರೀಕ್ಷಿತ ಬೆಲೆ, ವಿಶೇಷತೆಗಳು!
- News ರಾಜ್ಯಕ್ಕಾದ ಅನ್ಯಾಯ ಪ್ರಶ್ನಿಸದ ಸಂಸದರನ್ನು ಆಯ್ಕೆ ಮಾಡಬೇಡಿ: ಸಿದ್ದರಾಮಯ್ಯ ಮನವಿ
- Lifestyle ಸರ್ಕಸ್ನಿಂದ ತಪ್ಪಿಸಿಕೊಂಡು ಓಡಿದ ಆನೆ..! ಆಮೇಲೆ ಆಗಿದ್ದೇನು..?
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜನನಿ ಚಿತ್ರ ವಿಮರ್ಶೆ; ಹಳೆ ಪಾತ್ರೆ ಹಳೆ ಸೀಸೆ!
ಆತ ನಡೆದರೆ ಶಾರೂಖ್, ನಿಂತರೆ ಅನಿಲ್ ಕಪೂರ್, ಬೈಕ್ ಏರಿ ಹೊರಟರೆ ಶಾಹೀದ್ ಕಪೂರ್, ಹೊಡೆದಾಟಕ್ಕೆ ನಿಂತರೆ ಕಲಿಯುಗದ ಅಕ್ಷಯ್ ಕುಮಾರ್! ಕುಣಿತಕ್ಕೆ ಲಂಗಿಲ್ಲ. ಜಿಗಿತಕ್ಕೆ ಲಗಾಮಿಲ್ಲ. ಜಗತ್ತಿನ ವಿಚಿತ್ರ ಸೃಷ್ಟಿಯಲ್ಲಿ ಒಂದು ಆ ಪಾತ್ರ. ಹೆಸರು ಶಿವಾ.
ಆರೋಪಿ ತಾಯಿ ಅನಿವಾರ್ಯ ಕಾರಣಕ್ಕೆ ಅಪರಾಧಿಯಾಗಿ ಕಂಬಿಯನ್ನು ಮೇಲಿಂದ ಕೆಳಕ್ಕೆ ಎಣಿಸುತ್ತಿರುತ್ತಾಳೆ. ಮಗ ಕಾಲೇಜ್ ಹೀರೊ. ಹುಡುಗಿಯೊಬ್ಬಳು ಆ ಶಿವನ ಹಿಂದೆ ತಾಂಡವವಾಡುತ್ತಾಳೆ. ನರ್ತನಕ್ಕೂ ನಿಲ್ಲುತ್ತಾಳೆ. ಆದರೆ ಅದೆಲ್ಲ ಬರೀ ಕನಸು. ನನಸಾಗುವ ಹೊತ್ತಿಗೆ ಶಿವ ಮಿಲಿಟರಿ ಸೇರಲು ಮುಂದಾಗುತ್ತಾನೆ...
ನಾಯಕನ ಪಾತ್ರ ಮಾಡಿರುವ ಅಬ್ದುಲ್ಲಾ ಅಲಿಯಾಸ್ ಶಿವಾ ಇರುವುದು ಮುಂಬಯಿಯಲ್ಲಿ. ಅಲ್ಲಿಂದ ಇಲ್ಲಿಗೆ ಬಂದು ಕನ್ನಡ ಸಿನಿಮಾ ಮಾಡಿದ್ದಾರೆ ಎನ್ನುವ ಸಿಂಪತಿಗಷ್ಟೇ ಸಿನಿಮಾ ನೋಡಬೇಕು. ಎಂಟು ವರ್ಷದ ಹಿಂದೆ ತಯಾರಾಗಿ ಈಗ ಬಿಡುಗಡೆಯಾಗಿದೆ ಎನ್ನುವುದು ಇನ್ನೊಂದು 'ಪ್ಲಸ್ ಪಾಯಿಂಟ್". ಖುಷ್ಬೂ ಎಂದಿನಂತೆ 'ಆಂಟಿ ಪ್ರೀತ್ಸೆ".
ನಾಯಕಿ ವಿಭಾ ರೈಗೆ ಕೈಕಾಲು ಕುಣಿಸುವುದನ್ನು ಬಿಟ್ಟರೆ ಇನ್ನೇನೂ ಗೊತ್ತಿಲ್ಲ. ಜಯಸುಧಾ ತಾಯಿಯ ಪಾತ್ರಕ್ಕೆ ಬೆಸೆದುಕೊಂಡಿದ್ದಾರೆ. ಈಗಿನ ಪ್ರಕಾಶ್ ರಾಜ್ಗೂ ಆಗಿನ ರೈಗೂ ಹೆಚ್ಚು ಸಾಮ್ಯತೆ ಕಾಣುವುದಿಲ್ಲ. ಒಟ್ಟಾರೆ ನಿರ್ದೇಶಕ ರಾಜ್ಕುಮಾರ್ ಜೈನ್ ತಕ್ಕ ಮಟ್ಟಿಗೆ ಪ್ರಯತ್ನ ಮಾಡಿದ್ದಾರೆ. ಒಳ್ಳೆ ಹೀರೊ ಸಿಕ್ಕರೆ ಒಳ್ಳೆ ಸಿನಿಮಾ ಮಾಡುತ್ತಾರೆ. ಅಂಥ ಅವಕಾಶ ಅವರಿಗೂ ಸಿಗಲಿ...