»   » 'ಕಿರಿಕ್ ಪಾರ್ಟಿ' ವಿಮರ್ಶೆ: ಮತ್ತೆ ನೆನಪಾಗುತ್ತಿದೆ ಕಾಲೇಜಿನ 'ಜಾಲಿಲೈಫ್'!

'ಕಿರಿಕ್ ಪಾರ್ಟಿ' ವಿಮರ್ಶೆ: ಮತ್ತೆ ನೆನಪಾಗುತ್ತಿದೆ ಕಾಲೇಜಿನ 'ಜಾಲಿಲೈಫ್'!

Posted by:
Subscribe to Filmibeat Kannada

ಕೊನೆ ಬೆಂಚಿನಲ್ಲಿ ಕೂತ್ಕೊಂಡು, ಕ್ಲಾಸ್ ಗಳಿಗೆ ಬಂಕ್ ಹಾಕ್ಕೊಂಡು, ಲೆಕ್ಚರರ್ಸ್ ಹತ್ರ ಬೈಸ್ಕೊಂಡು, ಹುಡುಗೀರ್ ಹಿಂದೆ ಓಡಾಡಕ್ಕೊಂಡು, ಫ್ರೆಂಡ್ಸ್ ಜತೆ ಕಿತ್ತಾಡ್ಕೊಂಡು, ಲವ್, ಫೈಟ್, ಕಾಲೇಜ್ ಎಲೆಕ್ಷನ್......ಹೀಗೆ ವಿದ್ಯಾರ್ಥಿ ಜೀವನವನ್ನ ಎಂಜಾಯ್ ಮಾಡಿದ ಪ್ರತಿಯೊಬ್ಬರನ್ನ ಕಾಡುವ ಸಿನಿಮಾ 'ಕಿರಿಕ್ ಪಾರ್ಟಿ'.


Rating:
3.5/5

ಚಿತ್ರ : ಕಿರಿಕ್ ಪಾರ್ಟಿ
ನಿರ್ದೇಶಕ : ರಿಷಬ್ ಶೆಟ್ಟಿ
ನಿರ್ಮಾಪಕ : ರಕ್ಷಿತ್ ಶೆಟ್ಟಿ, ಜಿ.ಎಸ್. ಗುಪ್ತಾ
ಸಂಗೀತ ನಿರ್ದೇಶನ : ಅಜನೀಶ್ ಲೋಕನಾಥ್
ಕಥೆ: ರಕ್ಷಿತ್ ಶೆಟ್ಟಿ
ಛಾಯಗ್ರಹಣ: ಕರಮ್ ಚಾವ್ಲಾ
ತಾರಾಗಣ : ರಕ್ಷಿತ್ ಶೆಟ್ಟಿ, ರಶ್ಮಿಕಾ ಮಂದಣ್ಣ, ಸಂಯುಕ್ತ ಹೆಗ್ಡೆ, ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ ಮತ್ತು ಇತರರು
ಬಿಡುಗಡೆ : ಡಿಸೆಂಬರ್ 30, 2016


ಕಥಾ ಹಂದರ

ಕಥಾ ಹಂದರ

ಕರ್ಣ (ರಕ್ಷಿತ್ ಶೆಟ್ಟಿ) ಕೊನೆಯ ಬೆಂಚಿನ ಎಂಜಿನಿಯರಿಂಗ್ ವಿದ್ಯಾರ್ಥಿ. ಕಾಲೇಜಿನಲ್ಲಿ ಕರ್ಣನ ತರ್ಲೆ ಆಟಗಳು ಒಂದೆರೆಡಲ್ಲ. ಇಡೀ ಕ್ಲಾಸ್ ನೇ ಮಾಸ್ ಬಂಕ್ ಮಾಡಿಸಿ ಸಿನಿಮಾ ತೋರಿಸುತ್ತಾನೆ. ಲೆಕ್ಚರರ್ ಗೆ ಯಾಮಾರಿಸಿ ಪರೀಕ್ಷೆ ಬರೆಯುತ್ತಾನೆ. ತನ್ನ 'ಕಿರಿಕ್' ಸ್ನೇಹಿತರ ಜೊತೆ ಸೇರಿ ಸಿಕ್ಕಾಪಟ್ಟೆ ಕಪಿಚೇಷ್ಟೆ ಮಾಡುತ್ತಾನೆ. ಈ ಮಧ್ಯೆ ತಮ್ಮ ಸೀನಿಯರ್ ಗೆಳತಿ ಸಾನ್ವಿ ಜೋಸೆಫ್ (ರಶ್ಮಿಕಾ ಮಂದಣ್ಣ) ಜತೆ ಪ್ರೀತಿಯ ಅಂಕುರ. ಇನ್ನೇನೂ ಕರ್ಣನ ಪ್ರೇಮ ಫಲಿಸಿತು ಎನ್ನುವಷ್ಟರಲ್ಲಿ ಸಾನ್ವಿಯ ಅಕಾಲಿಕ ಸಾವು. ಹುಡುಗಾಟವಾಗಿದ್ದ ಕರ್ಣನ ಜೀವನದಲ್ಲಿ ಗಂಭೀರತೆಯ ಗಾಳಿ...! ಮುಂದೇನಾಗುತ್ತೆ ಎಂಬುದು ಇಂಟ್ರಸ್ಟಿಂಗ್.['ಕಿರಿಕ್ ಪಾರ್ಟಿ' ನೋಡಿದ ವಿಮರ್ಶಕರು ಮಾಡಿದ ಕಾಮೆಂಟ್ಸ್ ಇವು.]


ಪಕ್ಕಾ ಕಾಲೇಜ್ ಡೇಸ್ ಕಥೆ!

ಪಕ್ಕಾ ಕಾಲೇಜ್ ಡೇಸ್ ಕಥೆ!

ಇಡೀ ಸಿನಿಮಾ ಸಾಗುವುದೇ ಕಾಲೇಜಿನ ಸುತ್ತ. ಕ್ಲಾಸ್, ಬಂಕ್, ರ್ಯಾಗಿಂಗ್, ಸೀನಿಯರ್ಸ್ ವರ್ಸಸ್ ಜೂನಿಯರ್ಸ್ ಕಿರಿಕ್, ಎಲೆಕ್ಷನ್, ಡಿಬಾರ್, ಲವ್, ಫ್ರೆಂಡ್ ಷಿಪ್, ಹಾಸ್ಟಲ್, ಹೀಗೆ ಕಾಲೇಜು ದಿನಗಳಲ್ಲಿ ಏನೆಲ್ಲಾ ಇರುತ್ತೋ ಆ ಎಲ್ಲ ಅಂಶಗಳು 'ಕಿರಿಕ್ ಪಾರ್ಟಿ'ಯಲ್ಲಿದೆ.


ಯುವಪ್ರೇಕ್ಷಕರು ಮೆಚ್ಚುಗೆ!

ಯುವಪ್ರೇಕ್ಷಕರು ಮೆಚ್ಚುಗೆ!

ಚಿತ್ರದ ಮೊದಲಾರ್ಧ ಲವಲವಿಕೆಯಿಂದ ಕೂಡಿದ್ದು, ಪೂರ್ತಿ ಮನರಂಜನೆಯಾಗಿರುತ್ತೆ. ದ್ವಿತೀಯಾರ್ಧ ಗಂಭೀರವಾದ್ರೂ ಪ್ರೇಕ್ಷಕರನ್ನ ಹಿಡಿದಿಡುತ್ತೆ. ಆದ್ರೆ, ಹಳೆಯದನ್ನ ನೆನಪಿಸಿಕೊಳ್ಳುವ ಕೆಲವೊಂದು ಘಟನೆಗಳು ಪ್ರೇಕ್ಷಕರಿಗೆ ನಿರಾಸೆ ಮೂಡಿಸುತ್ತೆ. ಅದನ್ನ ಹೊರತು ಪಡಿಸಿದ್ರೆ, 'ಕಿರಿಕ್ ಪಾರ್ಟಿ' ಔಟ್ ಅಂಡ್ ಔಟ್ ಎಂಟರ್ ಟೈನ್ ಮೆಂಟ್. ಅದ್ರಲ್ಲೂ ಯುವ ಪ್ರೇಕ್ಷಕರಿಗೆ ಹೆಚ್ಚು ಇಷ್ಟವಾಗುವ ಚಿತ್ರ.


ರಕ್ಷಿತ್ ಶೆಟ್ಟಿಗೆ ಫುಲ್ ಮಾರ್ಕ್ಸ್!

ರಕ್ಷಿತ್ ಶೆಟ್ಟಿಗೆ ಫುಲ್ ಮಾರ್ಕ್ಸ್!

'ಕಿರಿಕ್ ಪಾರ್ಟಿ'ಯ ದೊಡ್ಡ ಬಲ ರಕ್ಷಿತ್ ಶೆಟ್ಟಿ. ವಿದ್ಯಾರ್ಥಿಯಾಗಿ, ವಿದ್ಯಾರ್ಥಿಗಳ ನಾಯಕನಾಗಿ, ಜೂನಿಯರ್ ಆಗಿ, ಸೀನಿಯರ್ ಆಗಿ, ಲವರ್ ಬಾಯ್ ಆಗಿ, ಜತೆಗೆ ಆಕ್ಷನ್ ಹೀರೋ ಆಗಿ, ಕಷ್ಟಕ್ಕೆ ಸಹಾಯ ಮಾಡುವ ಮಾನವೀಯತೆ ಮನುಷ್ಯನಾಗಿ...ಹೀಗೆ ಒಂದೇ ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿಯ ಹಲವು ಗೆಟಪ್ ಗಳು ಮೋಡಿ ಮಾಡುತ್ತೆ.


ನಾಯಕಿಯರ ಅಭಿನಯ?

ನಾಯಕಿಯರ ಅಭಿನಯ?

ಚೊಚ್ಚಲ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಗಮನ ಸೆಳೆದಿದ್ದಾರೆ. ಚಿತ್ರದ ಮೊದಲಾರ್ಧದಲ್ಲಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಂಡಿದ್ರೆ, ಸೆಕೆಂಡ್ ಹಾಫ್ ನಲ್ಲಿ ಸಂಯುಕ್ತ ಹೆಗ್ಡೆ ಮೋಡಿ ಮಾಡುತ್ತಾರೆ. ತಮ್ಮ ತಮ್ಮ ಪಾತ್ರಗಳಿಗೆ ಇಬ್ಬರು ಉತ್ತಮವಾಗಿ ನ್ಯಾಯ ಒದಗಿಸಿದ್ದಾರೆ.


ಉಳಿದವರು ಹೇಗೆ.....?

ಉಳಿದವರು ಹೇಗೆ.....?

ರಕ್ಷಿತ್ ಶೆಟ್ಟಿಯ ಸ್ನೇಹಿತರಾಗಿ ಅರವಿಂದ್ ಅಯ್ಯರ್, ಧನಂಜಯ್ ರಂಜನ್, ಚಂದನ್, ಪ್ರಮೋದ್ ಶೆಟ್ಟಿ, ಅಶ್ವಿನ್ ರಾವ್ ಉತ್ತಮ ಸಾಥ್ ನೀಡಿದ್ದಾರೆ. ಮೆಕಾನಿಕ್ ಪಾತ್ರದಲ್ಲಿ ಅಚ್ಯುತ್ ಕುಮಾರ್ ಗಮನ ಸೆಳೆಯುತ್ತಾರೆ. ಉಳಿದವರು ಕೂಡ 'ಕಿರಿಕ್ ಪಾರ್ಟಿ'ಗೆ ಜೋಶ್ ಹೆಚ್ಚಿಸಿದ್ದಾರೆ.


ಅಜನೀಶ್ ಸಂಗೀತ ಹೇಗಿದೆ?

ಅಜನೀಶ್ ಸಂಗೀತ ಹೇಗಿದೆ?

ಚಿತ್ರ ಬಿಡುಗಡೆಗೂ ಮುಂಚೆನೆ 'ಕಿರಿಕ್ ಪಾರ್ಟಿ'ಯ ಹಾಡುಗಳು ಸೂಪರ್ ಹಿಟ್ ಆಗಿದ್ದವು. ತೆರೆಮೇಲೆ ಕೂಡ ಅದ್ಭುತವಾಗಿ ಮೂಡಿಬಂದಿವೆ. ಅಜನೀಶ್ ಅವರ ಹಿನ್ನೆಲೆ ಸಂಗೀತ ಕೂಡ ಅಷ್ಟೇ ಪೂರಕವಾಗಿದೆ. ಇನ್ನೂ ಲಹರಿ ವೇಲು ಅವರ ವಿರೋಧ ಹಿನ್ನೆಲೆ ಚಿತ್ರದ ಒಂದು ಹಾಡನ್ನ ಕಟ್ ಮಾಡಲಾಗಿದೆ.


ರಿಷಬ್ ನಿರ್ದೇಶನ ಹೇಗಿದೆ?

ರಿಷಬ್ ನಿರ್ದೇಶನ ಹೇಗಿದೆ?

ಎಂದಿನಂತೆ ರಿಷಬ್ ಶೆಟ್ಟಿ ನಿರ್ದೇಶನದಲ್ಲಿ ತಮ್ಮ ಕೈಚಳಕ ತೋರಿಸಿದ್ದಾರೆ. 'ಕಿರಿಕ್ ಪಾರ್ಟಿ' ಚಿತ್ರವನ್ನ ನೋಡಿದಾಗ, ಕೆಲವೊಂದು ದೃಶ್ಯಗಳು 'ಉಳಿದವರು ಕಂಡಂತೆ' ಚಿತ್ರದ ದೃಶ್ಯಗಳನ್ನ ನೆನಪು ಮಾಡುತ್ತದೆ. ಮೇಕಿಂಗ್ ನಲ್ಲಿ ಯಾವುದೇ ಕೊರತೆಯಿಲ್ಲದೆ ಸಿನಿಮಾ ಮಾಡುವಲ್ಲಿ ರಿಷಬ್ ಶೆಟ್ಟಿ ಯಶಸ್ಸು ಕಂಡಿದ್ದಾರೆ.


ನೆನಪಾಗುವ ಬೇರೆ ಚಿತ್ರಗಳು!

ನೆನಪಾಗುವ ಬೇರೆ ಚಿತ್ರಗಳು!

ಇನ್ನೂ ಪಕ್ಕಾ ಕಾಲೇಜ್ ಲೈಫ್ ನ ಸುತ್ತ ನಡೆಯುವ 'ಕಿರಿಕ್ ಪಾರ್ಟಿ'ಯನ್ನ ನೋಡುವಾಗ ಈ ಹಿಂದಿನ ಹಲವು ಕಾಲೇಜ್ ಡೇಸ್ ಆಧರಿತ ಚಿತ್ರಗಳು ಕಣ್ಮುಂದೆ ಬರುತ್ತೆ. ಕನ್ನಡ 'ಜಾಲಿಡೇಸ್', ಮಲಯಾಳಂನ 'ಪ್ರೇಮಂ', ಚಿತ್ರಗಳಲ್ಲಿ ನೋಡಿರುವ ಕೆಲ ಅಂಶಗಳು ಇಲ್ಲಿಯೂ ಕಾಣಬಹುದು.


ವರ್ಷಾಂತ್ಯಕ್ಕೆ 'ಉತ್ತಮ ಪಾರ್ಟಿ'!

ವರ್ಷಾಂತ್ಯಕ್ಕೆ 'ಉತ್ತಮ ಪಾರ್ಟಿ'!

2016ಕ್ಕೆ 'ಕಿರಿಕ್ ಪಾರ್ಟಿ' ಅದ್ದೂರಿಯಾಗಿ ತೆರೆ ಎಳೆಯುತ್ತಿದೆ. ಹೊಸ ವರ್ಷದ ಸ್ವಾಗತಕ್ಕಾಗಿ ಕಾಯುತ್ತಿರುವ ಸ್ಯಾಂಡಲ್ ವುಡ್ ಪ್ರೇಕ್ಷಕರಿಗೆ 'ಕಿರಿಕ್ ಪಾರ್ಟಿ' ಖುಷಿಯಿಂದ ಬೀಳ್ಕೊಡುಗೆ ನೀಡಿದೆ. ಕೊಟ್ಟ ಕಾಸಿಗೆ ತಕ್ಕ ಮನರಂಜನೆ. ಜೊತೆಗೆ ತಮ್ಮ ಕಾಲೇಜು ದಿನಗಳ ನೆನಪು ಉಚಿತ.


English summary
Kannada Actor Rakshit Shetty starrer 'kirik Party' Movie has hit the screens Yesterday (December 30th). The Movie Received Good Response From Audience. Here is the complete Review of 'kirik Party'
Please Wait while comments are loading...

Kannada Photos

Go to : More Photos