Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಟಾರ್ ಸಿಂಗರ್ ನಲ್ಲಿ ನಟಿ ರಾಗಿಣಿ ಶೇಕ್ ಡಾನ್ಸ್
ಸಂಜೆಯ ಆಯಾಸ ನೀಗಿಸುವ ಸಂಗೀತ ಕಾರ್ಯಕ್ರಮ ಮನಸ್ಸಿಗೆ ಮುದನೀಡುತ್ತದೆ. ಹಾಗೆಯೇ ಇಂತಹ ಕಾರ್ಯಕ್ರಮಕ್ಕೆ ಮತ್ತಷ್ಟು ಮೆರಗನ್ನು ನೀಡುವವರು ವಿಶೇಷ ಅತಿಥಿಗಳು. ಹಾಗಾದ್ರೆ ಇದು ಯಾವ ಕಾರ್ಯಕ್ರಮ? ಯಾರ ಬಗ್ಗೆ ಹೇಳ್ತಾ ಇದ್ದೀವಿ ಅನ್ನೋ ಕುತೂಹಲ ಅಲ್ವಾ?
ಅದೇ ಸುವರ್ಣ ವಾಹಿನಿಯ ವಾರಾಂತ್ಯದ ರಿಯಾಲಿಟಿ ಶೋ ಸ್ಟಾರ್ ಸಿಂಗರ್. ಈ ಬಾರಿ ಕನ್ನಡದ ಸ್ಟಾರ್ ಐ.ಪಿ.ಎಸ್ ರಾಗಿಣಿ ವಾರದ ವಿಶೇಷ ಅತಿಥಿಯಾಗಿ ಆಗಮಿಸಿ ಸ್ಟಾರ್ ಸಿಂಗರ್ ಸ್ಪರ್ಧಿಗಳಿಗೆ ಶುಭ ಹಾರೈಸಿ, ತಮ್ಮ ಪ್ರೋತ್ಸಾಹದ ಮಾತುಗಳಿಂದ ಗಾಯಕರನ್ನು ಹುರಿದುಂಬಿಸಲಿದ್ದಾರೆ. [ಸ್ಟಾರ್ ಸಿಂಗರ್ ಕಾರ್ಯಕ್ರಮದಲ್ಲಿ ಅಣ್ಣಾವ್ರ ವಿಶೇಷ]
ಹಾಗೆಯೇ ಇಂಪಾದ ಗಾನದೊಂದಿಗೆ ಸೊಂಪಾದ ನೃತ್ಯದ ಸಮ್ಮಿಲನ ಎಷ್ಟೊಂದು ಸುಂದರವಲ್ಲವೇ. ಹಾಗಾಗಿ ಈ ವಾರದ ಸಂಚಿಕೆಯಲ್ಲಿ ವಿಶೇಷವಾಗಿ ನಮ್ಮ ಗಾಯಕರ ಹಾಡಿಗೆ ತಕ್ಕಂತಹ ನೃತ್ಯ ಕೂಡಾ ಇದೆ. ಅದರಲ್ಲಿ ಶ್ಯಾಡೋ ಡಾನ್ಸ್ ಮತ್ತಷ್ಟು ವಿಶೇಷ.
ಒಬ್ಬೊಬ್ಬ ಗಾಯಕರು ಒಂದೊಂದು ಕಥೆ
ಈ ವಾರದ ಸಂಚಿಕೆ ಕಥೆ ಆಧಾರಿತ. ಒಬ್ಬೊಬ್ಬ ಗಾಯಕರು ಒಂದೊಂದು ಕಥೆ ಹೇಳುತ್ತಾ ನೋಡುಗರನ್ನು ಬೇರೆ ಬೇರೆ ಲೋಕಕ್ಕೆ ಕೊಂಡೊಯ್ಯುತ್ತಾರೆಂಬುದು ಮಾತ್ರ ಸತ್ಯ!
ತುಪ್ಪ ಬೇಕಾ ತುಪ್ಪ ಎಂಬ ಹಾಡಿಗೆ ಹೆಜ್ಜೆ
ಕನ್ನಡದ ಚಿತ್ರ ತಾರೆ ರಾಗಿಣಿ ಅವರೂ ತುಪ್ಪ ಬೇಕಾ ತುಪ್ಪ ಎಂಬ ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ. ಕಾರ್ಯಕ್ರಮದ ತೀರ್ಪುಗಾರ ವಿಜಯ್ ಪ್ರಕಾಶ್ ಗಾನಸುಧೆ ಕೂಡಾ ಹರಿಸಲಿದ್ದಾರೆ.
ವಿಕ್ರಮ ಮತ್ತು ಬೇತಾಳ ವೇಷದಲ್ಲಿ ನಿರೂಪಕರು
ಈ ವಾರದ ಸಂಚಿಕೆಯಲ್ಲಿ ನಮ್ಮ ನಿರೂಪಕರು ವಿಕ್ರಮ ಮತ್ತು ಬೇತಾಳ ವೇಷ ಧರಿಸಿ ಕಥೆ ಹೇಳಿ ಕೇಳಲಿದ್ದಾರೆ. ನಿರಂಜನ್ ದೇಶಪಾಂಡೆ ಬೇತಾಳನಾಗಿ, ಕಾವ್ಯಾ ಶಾಸ್ತ್ರಿ ವಿಕ್ರಮಾದಿತ್ಯನಾಗಿ ಕಾರ್ಯಕ್ರಮ ನಿರೂಪಿಸಲಿದ್ದಾರೆ.
ಏಪ್ರಿಲ್ 20 ರ ಭಾನುವಾರ ರಾತ್ರಿ 9ಕ್ಕೆ ಡೋಂಟ್ ಮಿಸ್
ಸ್ಟಾರ್ ಸಿಂಗರ್ ಟಾಪ್ 5 ಸ್ಪರ್ಧಿಗಳಲ್ಲಿ ಯಾರು ಈ ಸಂಚಿಕೆಯಿಂದ ಹೊರ ನಡೆಯಬಹುದು? ಎಂಬುದನ್ನು ಇದೇ ಏಪ್ರಿಲ್ 20 ರ ಭಾನುವಾರ ರಾತ್ರಿ 9:00 ಗಂಟೆಗೆ ಪ್ರಸಾರವಾಗುವ ಸ್ಟಾರ್ ಸಿಂಗರ್ ಸಂಚಿಕೆಯನ್ನು ಕಾದು ನೋಡಬೇಕು.
ಈ ಹಿಂದೆ ಶ್ರೀಮುರಳಿ ಶೋಗೆ ಆಗಮಿಸಿದ್ದರು
ಸೈಲೆಂಟ್ ಸ್ಟಾರ್ ಶ್ರೀಮುರಳಿ ಅವರು ಈ ಹಿಂದೆ ಶೋಗೆ ಆಗಮಿಸಿ ಡಾ.ರಾಜ್ ಕುಮಾರ್ ಅವರೊಂದಿಗಿನ ಒಡನಾಟವನ್ನು ವೀಕ್ಷಕರೊಂದಿಗೆ ಹಂಚಿಕೊಂಡಿದ್ದರು.