Click it and Unblock the Notifications
Don't Miss!
-
Tamarind Fruit Juice: ಬಾಯಾರಿಕೆ ನೀಗಿಸಲು ಹುಣಸೆ ಹಣ್ಣಿನ ಪಾನಕ ಪರಿಚಯಿಸಿದ ಆಯುಷ್ ಇಲಾಖೆ, ಮಾಡುವುದು ಹೇಗೆ? -
ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು? -
PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ? -
ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ? -
ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಂಡಕ್ಟರ್ ಕನಕಳಾಗಿ ಮಿಂಚುತ್ತಿರುವ 'ಲಕುಮಿ' ಸುಷ್ಮಾ
*ಸದ್ಯ ಯಾವ ಧಾರಾವಾಹಿಯಲ್ಲಿ ನಟಿಸುತ್ತಿದ್ದೀರಿ?
ಸದ್ಯಕ್ಕೆ ಜೀ ಕನ್ನಡದಲ್ಲಿ ಪ್ರಸಾರ ಕಾಣುತ್ತಿರುವ 'ಕನಕ' ಧಾರಾವಾಹಿಯಲ್ಲಿ ನಟಿಸುತ್ತಿದ್ದೇನೆ. ಈ ಧಾರಾವಾಹಿ, 'ಲಕುಮಿ' ಟೀಮ್ ನದೇ ಆಗಿರುವದರಿಂದ ಸಹಜವಾಗಿ ನನಗೆ ಓದಿನ ಜೊತೆ ನಟನೆಯನ್ನೂ ನಿಭಾಯಿಸಿಕೊಂಡು ಹೋಗಲು ಅನುಕೂಲವಾಗುವಂತೆ ಸಪೋರ್ಟ್ ಹಾಗೂ ಎನ್ ಕರೇಜ್ ಮೆಂಟ್ ಎರಡೂ ಸಿಗುತ್ತಿದೆ. ಇದೀಗ 100 ಸಂಚಿಕೆ ಸಮೀಪ ಬಂದಿರುವ ಕನಕ,' ವೀಕ್ಷಕರಿಂದ ಭಾರಿ ಮೆಚ್ಚುಗೆ ಗಳಿಸಿ ಮುಂದುವರಿಯುತ್ತಿದೆ.
ಈ 'ಕನಕ' ಸೀರಿಯಲ್ ಪಾತ್ರದಲ್ಲಿ ನನ್ನನ್ನು ವೀಕ್ಷಕರು ಮೆಚ್ಚಿದ್ದಾರೆ. ತುಂಬಾ ಮಂದಿ ನನ್ನನ್ನು ನೋಡಿದ ಕೂಡಲೇ 'ಕನಕ' ಅಥವಾ'ಲಕುಮಿ' ಎಂದು ನಾನು ಮಾಡಿದ ಪಾತ್ರಗಳ ಹೆಸರಿನ ಮೂಲಕ ಕರೆಯುತ್ತಾರೆ. ಕಲಾವಿದೆಯಾಗಿರುವ ನನಗೆ ಜನರು ನನ್ನನ್ನು ಪಾತ್ರದ ಮೂಲಕ ಗುರುತಿಸಿ ಕರೆಯುವುದು ತುಂಬಾ ಖುಷಿ ನೀಡುತ್ತದೆ.
*ಜೀವನದಲ್ಲಿ ಮರೆಯಲಾರದ ಘಟನೆ?
ಎರಡು ಘಟನೆಗಳಿವೆ. ಒಂದು ನಾನು ಧಾರಾವಾಹಿಯಲ್ಲಿ ಮೊದಲು ಕ್ಯಾಮೆರಾ ಮುಂದೆ ನಿಂತು ಡೈಲಾಗ್ ಹೇಳಲಾಗದೇ ಒದ್ದಾಡಿದ್ದು. 'ಅವ್ವಾ..., ಅಪ್ಪ ಈ ನಡುವೆ ಈಟೊಂದ್ ಪ್ರೀತಿ ತೋರಿಸ್ತಾ ಇದಾರೆ...' ಎಂಬ ಡೈಲಾಗ್ ನಾನು ನಟನೆ ಜೊತೆ ಹೇಳಬೇಕಿತ್ತು. ಆದರೆ ನನಗೆ ಸಾಧ್ಯವೇ ಆಗುತ್ತಿರಲಿಲ್ಲ. ಏಕೆಂದರೆ ಉತ್ತರ ಕರ್ನಾಟಕದ ಆ ಭಾಷೆಯ ಡೈಲಾಗ್ ನನಗೆ ಹೇಳಲು ಕಷ್ಟವಾಗುತ್ತಿತ್ತು. ಹೇಗೋ ಭಾರೀ ಕಷ್ಟಪಟ್ಟು ಹೇಳಿ ಟೇಕ್ ಓಕೆ ಮಾಡಿದೆ. ಅದನ್ನು ನಾನು ಯಾವತ್ತೂ ಮರೆಯಲಾರೆ.
ಇನ್ನೊಂದು ಘಟನೆ... ನನಗೆ ಹಾವನ್ನು ಕಂಡರೆ ಭಾರಿ ಭಯ. ಧಾರಾವಾಹಿಯೊಂದರ ಶೂಟಿಂಗ್ ವೇಳೆ ನಾನು ಹಾವುಗಳಿರುವ ಜಾಗದಲ್ಲಿ ಹಾವಿನ ಜೊತೆಯೇ ನಟಿಸಬೇಕಿತ್ತು. ಆದರೆ, ನನಗೆ ಭಾರಿ ಭಯವಿರುವುದರಿಂದ ನಾನು ಅದೆಷ್ಟು ಹೆದರಿದ್ದೆ ಎಂದರೆ ಹಾವನ್ನು ಕಂಡ ತಕ್ಷಣ ನಾನು ಗಡಗಡ ನಡುಗಿ ಹೋಗಿದ್ದೆ. ಇವೆರಡು ಘಟನೆಗಳನ್ನು ನಾನು ಎಂದೂ ಮರೆಯಲಾರೆ.
* ಭವಿಷ್ಯದ ಕನಸು...
ನನಗೆ 'ಸಿಎ' ಮಾಡುವ ಮಹತ್ವದ ಕನಸಿದೆ. ಅದನ್ನು ಮಹತ್ವಾಕಾಂಕ್ಷೆ ಎನ್ನವುದೇ ಸರಿ. ನಾನು ಈಗಾಗಲೇ ಆ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತಳಾಗಿದ್ದೇನೆ. ಇದೀಗ ಮೊದಲ ವರ್ಷದ ಪಿಯುಸಿ ಓದುತ್ತಿರುವ ನನ್ನ ಜೀವನದ ಗುರಿಯೇ ಸಿಎ ಓದುವುದು. ನಂತರ ಅದನ್ನೇ ನನ್ನ ವೃತ್ತಿಯಾಗಿಸಿಕೊಳ್ಳುವುದು. ನಟನೆಯನ್ನು ಹವ್ಯಾಸವಾಗಿ ಮುಂದುವರಿಸುವ ಯೋಚನೆಯಂತೂ ಇದ್ದೇ ಇದೆ. ಒಳ್ಳೆಯ ಅವಕಾಶವನ್ನು ಒಪ್ಪಿಕೊಂಡು ನಟನೆಯನ್ನೂ ಮುಂದುವರಿಸಲಿದ್ದೇನೆ. ಸಿಎ ಮಾಡುವುದೇ ನನ್ನ ಗುರಿ...
***
