Don't Miss!
- News Bengaluru Heat Wave: ಮಳೆಯ ನಡುವೆ ಮತ್ತೆ ದಾಖಲೆಯ ಗರಿಷ್ಠ ತಾಪಮಾನ: ಶಾಖದ ಅಲೆ ಮುನ್ಸೂಚನೆ
- Sports CSK vs LSG IPL 2024: ಚೆನ್ನೈನ ಚೆಪಾಕ್ ಕೋಟೆಯನ್ನು ಭೇದಿಸುವುದೇ ಲಕ್ನೋ?; ಸಂಭಾವ್ಯ ಆಡುವ 11ರ ಬಳಗ
- Automobiles Ola: ಓಲಾದಿಂದ ಕಡಿಮೆ ಬೆಲೆಯ 'ಎಸ್1 ಎಕ್ಸ್' ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ದೊಡ್ಡ ಘೋಷಣೆ.. ಏನದು?
- Technology ನಾಳೆ ವಿವೋದ ಈ ಹೊಸ ಫೋನ್ ಫಸ್ಟ್ ಸೇಲ್!..ಬಜೆಟ್ ಬೆಲೆಗೆ ಲಭ್ಯ!
- Lifestyle ಪ್ರತಿ ಲೀ ಕತ್ತೆ ಹಾಲಿಗೆ ₹5,000..! 20 ಕತ್ತೆಗಳ ಮೂಲಕ ₹2.5 ಕೋಟಿ ವ್ಯವಹಾರ..!
- Finance Bengaluru Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜೀ-ಕನ್ನಡದಲ್ಲಿಂದು 'ಬಾಹುಬಲಿ' ಶೋ, ಮಿಸ್ ಮಾಡ್ಕೋಬೇಡಿ.!
ಜೀ-ಕನ್ನಡದಲ್ಲಿಂದು 'ಬಾಹುಬಲಿ' ಶೋ ಪ್ರಸಾರವಾಗಲಿದೆ. ಕನ್ನಡ ವಾಹಿನಿಯಲ್ಲಿ 'ಬಾಹುಬಲಿ' ಶೋನಾ ಅಂತ ಶಾಕ್ ಆಗ್ಬೇಡಿ. ಇದು 'ಬಾಹುಬಲಿ' ಶೋ ಎನ್ನುವುದು ಎಷ್ಟು ನಿಜಾನೋ ಕನ್ನಡದಲ್ಲಿ ಅನ್ನೋದು ಅಷ್ಟೇ ನಿಜಾ.
ಜೀ-ಕನ್ನಡದಲ್ಲಿ ಪ್ರಸಾರವಾಗುವ 'ಕಿಲಾಡಿ ಕುಟುಂಬ' ಕಾರ್ಯಕ್ರಮದಲ್ಲಿಂದು 'ಬಾಹುಬಲಿ' ಕಥೆಯನ್ನ ಅಭಿನಯಿಸಲಿದ್ದಾರೆ. ಈ ಕಾಮಿಡಿ ಶೋನ ಎಪಿಸೋಡ್ ಪ್ರೋಮೋ ಬಿಡುಗಡೆಯಾಗಿದ್ದು, ಸಖತ್ ಕಾಮಿಡಿ ಆಗಿದೆ.
ಹಾಗಿದ್ರೆ, 'ಬಾಹುಬಲಿ' ಕಥೆಯಲ್ಲಿ ಯಾರು ಯಾವ ಪಾತ್ರಗಳನ್ನ ಮಾಡುತ್ತಿದ್ದಾರೆ ಎಂದು ಮುಂದೆ ನೋಡಿ.....
ಬಿಜ್ಜಳದೇವ
ಪ್ಯಾಕು ಪ್ಯಾಕು ಹಿತೇಶ್ 'ಬಾಹುಬಲಿ' ಸ್ಕ್ರಿಪ್ಟ್ ನಲ್ಲಿ ಬಿಜ್ಜಳದೇವನ ಪಾತ್ರವನ್ನ ನಿರ್ವಹಿಸುತ್ತಿದ್ದಾರೆ. ಬಿಜ್ಜಳದೇವ, ಬಲ್ಲಾಳದೇವನ ತಂದೆ. 'ಬಾಹುಬಲಿ' ಚಿತ್ರದಲ್ಲಿ ನಾಸೀರ್ ಈ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಕಾಲಕೇಯ
'ಕಾಮಿಡಿ ಕಿಲಾಡಿ' ಲೋಕೇಶ್ ಕುಮಾರ್ 'ಬಾಹುಬಲಿ' ಕಥೆಯಲ್ಲಿ ಕಾಲಕೇಯನ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಮಾಹಿಶ್ಮತಿ ಸಾಮ್ರಾಜ್ಯ ಮೇಲೆ ದಂಡೆತ್ತಿ ಬರುವ ರಾಜ ಕಾಲಕೇಯ. ಚಿತ್ರದಲ್ಲಿ ಪ್ರಭಾಕರ್ ಈ ಪಾತ್ರವನ್ನ ಮಾಡಿದ್ದರು.
ಬಲ್ಲಾಳದೇವ
'ಬಾಹುಬಲಿ' ಕಥೆಯಲ್ಲಿ ಬರುವ 'ಬಲ್ಲಾಳದೇವ'ನ ಪಾತ್ರದಲ್ಲಿ ಅನೀಶ್ ಕಾಣಿಸಿಕೊಂಡಿದ್ದಾರೆ. ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಚಿತ್ರದಲ್ಲಿ ರಾಣಾ ದಗ್ಗುಬಾಟಿ ಈ ಪಾತ್ರವನ್ನ ನಿರ್ವಹಿಸಿದ್ದರು.
ಕಟ್ಟಪ್ಪ
'ಕಾಮಿಡಿ ಕಿಲಾಡಿ'ಗಳು ವಿಜೇತ ಶಿವರಾಜ್ ಕೆ ಆರ್ ಪೇಟೆ 'ಕಟ್ಟಪ್ಪ'ನ ಪಾತ್ರವನ್ನ ಮಾಡುತ್ತಿದ್ದಾರೆ. ತಮಿಳು ನಟ ಸತ್ಯರಾಜ್ ಈ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಕನ್ನಡಿಗರಿಗೆ ಅವಮಾನ ಮಾಡಿದ್ದಕ್ಕಾಗಿ ಕಟ್ಟಪ್ಪನ ವಿರುದ್ಧ ರಾಜ್ಯಾದ್ಯಂತ ಪ್ರತಿಭಟನೆ ನಡೆದಿತ್ತು.
ದೇವಸೇನಾ
ಅನುಷ್ಕಾ ಕಾಣಿಸಿಕೊಂಡಿದ್ದ 'ದೇವಸೇನಾ' ಪಾತ್ರವನ್ನ, 'ಕಿಲಾಡಿ ಕುಟುಂಬ'ದಲ್ಲಿ ದಿವ್ಯ ನಿರ್ವಹಿಸುತ್ತಿದ್ದಾರೆ.
ಶಿವಗಾಮಿ
ಇನ್ನು 'ಬಾಹುಬಲಿ' ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಒಂದಾಗಿದ್ದ ಶಿವಗಾಮಿ ಪಾತ್ರಕ್ಕೆ, 'ಕಾಮಿಡಿ ಕಿಲಾಡಿ' ರನ್ನರ್ ಅಪ್ ಆಗಿದ್ದ ನಯನ ಬಣ್ಣ ಹಚ್ಚಿದ್ದಾರೆ.
ಬಾಹುಬಲಿ
ಕೊನೆಯದಾಗಿ, 'ಬಾಹುಬಲಿ' ಪಾತ್ರದಲ್ಲಿ ಒನ್ ಅಂಡ್ ಒನ್ಲಿ ಚೋಟಾ ಬಾಸ್ ಸಂಜು ಬಸಯ್ಯ ಕಾಣಿಸಿಕೊಂಡಿದ್ದಾರೆ.
ಇಂದು ರಾತ್ರಿ 7ಕ್ಕೆ
ಒಟ್ನಲ್ಲಿ, ಕಿಲಾಡಿ ಕುಟುಂಬದಲ್ಲಿ ಇಂದು 'ಬಾಹುಬಲಿ ಶೋ' ನೋಡುವುದಕ್ಕೆ ಸಖತ್ ಮಜಾ ಗ್ಯಾರೆಂಟಿ. ಇಂದು ರಾತ್ರಿ 7 ಗಂಟೆಗೆ ನಿಮ್ಮ ನೆಚ್ಚಿನ ಜೀ ಕನ್ನಡದಲ್ಲಿ ಕಿಲಾಡಿ ಕುಟುಂಬ ಪ್ರಸಾರವಾಗಲಿದೆ.