Don't Miss!
- News Hevay Rain: ಬಿರುಗಾಳಿ ಮಳೆಗೆ ನೆಲ ಕಚ್ಚಿದ ಬಾಳೆ, ಟೊಮೆಟೊ
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Sports PBKS vs MI IPL 2024: ಪಂಜಾಬ್ ರಾಜರಿಗೆ ಮುಂಬೈ ಇಂಡಿಯನ್ಸ್ ಸವಾಲು; ಟಾಸ್ ವರದಿ, ಆಡುವ 11ರ ಬಳಗ
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಬಿಗ್ ಬಾಸ್' ಕ್ರೇಜ್ ಇನ್ನೂ ಕಮ್ಮಿ ಆಗಿಲ್ಲ ಅನ್ನೋಕೆ ಸಾಕ್ಷಿ ಇಲ್ಲಿದೆ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ 'ಬಿಗ್ ಬಾಸ್ ಕನ್ನಡ-4' ಮುಗಿದು ಒಂದು ತಿಂಗಳ ಮೇಲಾಗಿದೆ. ಆದ್ರೆ, ಈಗಲೂ ಜನರಲ್ಲಿ 'ಬಿಗ್ ಬಾಸ್' ಕ್ರೇಜ್ ಕಮ್ಮಿ ಆಗಿಲ್ಲ. ಇದಕ್ಕೆ ಅತ್ಯುತ್ತಮ ನಿದರ್ಶನ ಅಂದ್ರೆ, ಇತ್ತೀಚೆಗಷ್ಟೇ 'ಅರಮನೆ ನಗರಿ' ಮೈಸೂರಿನಲ್ಲಿ ನಡೆದ 'ಬಿಗ್ ಬಾಸ್ ಸಂತೆ'.
ಹೇಳಿ ಕೇಳಿ... 'ಬಿಗ್ ಬಾಸ್' ಸಂತೆಯಿಂದ ದೂರವಿದ್ದ ರಿಯಾಲಿಟಿ ಶೋ. ದೈನಂದಿನ ಬದುಕಿನ ಜಂಜಾಟಗಳಿಂದ ದೂರ ಉಳಿದು ಸ್ಪರ್ಧಿಗಳು ತಮ್ಮನ್ನ ತಾವು ಕಂಡುಕೊಳ್ಳುವ ಕಾರ್ಯಕ್ರಮ 'ಬಿಗ್ ಬಾಸ್'.['ಬಿಗ್ ಬಾಸ್' ಪ್ರಥಮ್ ಬಗ್ಗೆ ಬಂತು ಬಿಗ್ ಬ್ರೇಕಿಂಗ್ ನ್ಯೂಸ್.!]
ಹೊರ ಜಗತ್ತಿನ ಸಂಪರ್ಕ ಕಡಿದುಕೊಂಡು ಒಂದೇ ಮನೆಯೊಳಗೆ ನೂರಕ್ಕೂ ಹೆಚ್ಚು ದಿನವಿದ್ದ ಸ್ಪರ್ಧಿಗಳನ್ನ ಮತ್ತೆ ಜನಜಂಗುಳಿಗೆ ಕರೆತರುವ ಪ್ರಯತ್ನವೇ 'ಬಿಗ್ ಬಾಸ್ ಸಂತೆ'.
ಬನ್ನಿಮಂಟಪದಲ್ಲಿ ನಡೆದ 'ಬಿಗ್ ಬಾಸ್' ಸಂತೆ
ಮೈಸೂರಿನ ಬನ್ನಿ ಮಂಟಪದ ಪಂಜಿನ ಕವಾಯತು ಮೈದಾನದಲ್ಲಿ 'ಬಿಗ್ ಬಾಸ್ ಸಂತೆ' ನಡೆಯಿತು. ಈ ಕಾರ್ಯಕ್ರಮಕ್ಕೆ ಜನಸಾಗರವೇ ಹರಿದು ಬಂದಿತ್ತು. ಕಿಕ್ಕಿರಿದು ತುಂಬಿದ್ದ ಪ್ರೇಕ್ಷಕರೊಂದಿಗೆ ಮಾತುಕತೆ, ಹರಟೆ, ಡ್ಯಾನ್ಸ್ ಮುಂತಾದ ಚಟುವಟಿಕೆಗಳಿಂದ 'ಬಿಗ್ ಬಾಸ್ ಸಂತೆ' ಜರುಗಿತು. ಇಷ್ಟೆಲ್ಲ ಸಾಧ್ಯವಾಗಿದ್ದು 'ಬಿಗ್ ಬಾಸ್' ಕುರಿತು ಇದ್ದ ಕ್ರೇಜ್ ನಿಂದಲೇ.['ಬಿಗ್ ಬಾಸ್' ಗೆದ್ದ ಮೇಲೆ ಪ್ರಥಮ್ ಗೆ ಸಿಗುತ್ತಿರುವ ಗೌರವ ಇದು.!]
ಯಾರ್ಯಾರೆಲ್ಲಾ ಭಾಗವಹಿಸಿದ್ದರು.?
ಮೈಸೂರಿನಲ್ಲಿ ನಡೆದ 'ಬಿಗ್ ಬಾಸ್ ಸಂತೆ'ಯಲ್ಲಿ ಪ್ರಥಮ್, ರೇಖಾ, ಓಂ ಪ್ರಕಾಶ್ ರಾವ್, ನಿರಂಜನ್ ದೇಶಪಾಂಡೆ, ಶೀತಲ್ ಶೆಟ್ಟಿ, ಮೋಹನ್, ಕಾರುಣ್ಯ ರಾಮ್, ಭುವನ್, ಸಂಜನಾ, ದೊಡ್ಡ ಗಣೇಶ್, ವಾಣಿಶ್ರೀ, ಚೈತ್ರ, ಶಾಲಿನಿ ಮತ್ತು ಮಸ್ತಾನ್ ಭಾಗವಹಿಸಿದ್ದರು.['ಬಿಗ್ ಬಾಸ್' ಫಿನಾಲೆ ದಿನ ಎದುರಾದ ಸವಾಲು ಏನು ಗೊತ್ತಾ?]
'ಬಿಗ್ ಬಾಸ್ ಸಂತೆ' ವೇದಿಕೆ ಮೇಲೆ ಅಕುಲ್ ಬಾಲಾಜಿ
'ಬಿಗ್ ಬಾಸ್ ಸಂತೆ' ಕಾರ್ಯಕ್ರಮವನ್ನ ಅಕುಲ್ ಬಾಲಾಜಿ ಲವಲವಿಕೆಯಿಂದ ನಿರೂಪಣೆ ಮಾಡಿರುವುದು ಮತ್ತೊಂದು ವಿಶೇಷ.
ಪ್ರಥಮ್ ಡ್ಯಾನ್ಸ್ ನೋಡಿ...
'ಬಿಗ್ ಬಾಸ್ ಸಂತೆ'ಯಲ್ಲಿ ಲಾರ್ಡ್ ಪ್ರಥಮ್ ಸರ್ ಕುಣಿದು ಕುಪ್ಪಳಿಸಿರುವ ವಿಡಿಯೋ ಇಲ್ಲಿದೆ. ಈ ಲಿಂಕ್ ಕ್ಲಿಕ್ ಮಾಡಿ ನೋಡಿ....
ಪ್ರೋಮೋ ನೋಡಿದ್ರಾ.?
'ಬಿಗ್ ಬಾಸ್ ಸಂತೆ'ಯ ಪ್ರೋಮೋ ನೀವಿನ್ನೂ ನೋಡಿಲ್ಲ ಅಂದ್ರೆ, ಈ ಲಿಂಕ್ ಕ್ಲಿಕ್ ಮಾಡಿ ನೋಡಿ...
ಪ್ರಸಾರ ಯಾವಾಗ.?
'ಬಿಗ್ ಬಾಸ್' ಸಂತೆಯ ರೋಮಾಂಚನ ಕ್ಷಣಗಳನ್ನು ನೋಡಲು ಮಾರ್ಚ್ 5 ರಂದು ಸಂಜೆ 4 ಗಂಟೆಗೆ ಕಲರ್ಸ್ ಕನ್ನಡ ಹಾಗೂ ಕಲರ್ಸ್ ಸೂಪರ್ ವಾಹಿನಿಯನ್ನು ಟ್ಯೂನ್ ಮಾಡಿ...