ಮುಖಪುಟ

ಟಿವಿ

ಹೊಸತನದೊಂದಿಗೆ ಸುವರ್ಣ ವಾಹಿನಿ ಹೊಚ್ಚ ಹೊಸ ಡ್ಯಾನ್ಸ್ ಶೋ ಆರಂಭಿಸಿದೆ. 'ಡ್ಯಾನ್ಸ್ ಡ್ಯಾನ್ಸ್' ರಿಯಾಲಿಟಿ ಶೋ ಫೆಬ್ರವರಿ 1 ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 7.30ಕ್ಕೆ ಪ್ರಸಾರವಾಗಲಿದೆ.

ಕನ್ನಡ ಕಿರುತೆರೆ ಮತ್ತು ಸಿನಿಮಾ ರಂಗದಲ್ಲಿ ಹೆಸರುವಾಸಿಯಾಗಿರುವ 10 ಜೋಡಿಗಳು ಈ ಶೋನಲ್ಲಿ ಸ್ಪರ್ಧಿಸಲಿದ್ದಾರೆ. ಪ್ರತಿವಾರ ಒಂದು ಎಲಿಮಿನೇಷನ್ ಇರಲಿದೆ. ಡ್ಯಾನ್ಸ್ ಜೊತೆ ರಿಯಾಲಿಟಿ ಟಾಸ್ಕ್ ಕೂಡ ಇರುವುದು 'ಡ್ಯಾನ್ಸ್ ಡ್ಯಾನ್ಸ್' ಶೋ ಸ್ಪೆಷಾಲಿಟಿ.

'ಲೂಸಿಯಾ' ಖ್ಯಾತಿಯ ನಟಿ ಶ್ರುತಿ ಹರಿಹರನ್, 'ನವಗ್ರಹ', 'ಸಜನಿ' ಚಿತ್ರಗಳ ಬೆಡಗಿ ಶರ್ಮಿಳಾ ಮಾಂಡ್ರೆ ಮತ್ತು ರಾಷ್ಟ್ರ ಮಟ್ಟದಲ್ಲಿ ಖ್ಯಾತಿ ಗಳಿಸಿರುವ ಚಿನ್ನಿ ಪ್ರಕಾಶ್ 'ಡ್ಯಾನ್ಸ್ ಡ್ಯಾನ್ಸ್' ಶೋ ನಿರ್ಣಾಯಕರು. [ಹೆಂಗಳೆಯರ ಮನಮುಟ್ಟುವ ಹೊಸ ಧಾರಾವಾಹಿ ಸುವರ್ಣ ವಾಹಿನಿಯಲ್ಲಿ!]

ಸುವರ್ಣ ವಾಹಿನಿಯ ರಿಯಾಲಿಟಿ ಶೋಗಳ ಸಾರಥ್ಯ ವಹಿಸಿರುವ ಅಕುಲ್ ಬಾಲಾಜಿ 'ಡ್ಯಾನ್ಸ್ ಡ್ಯಾನ್ಸ್' ಶೋ ನಿರೂಪಣೆ ಮಾಡಲಿದ್ದಾರೆ. ಫೆಬ್ರವರಿ 1 ರಂದು ಕಾರ್ಯಕ್ರಮದ ಮೊದಲ ಸಂಚಿಕೆ ಪ್ರಸಾರವಾಗಲಿದ್ದು, ಕ್ರೇಜಿ ಸ್ಟಾರ್ ರವಿಚಂದ್ರನ್ ವಿಶೇಷ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.