»   » ಡಿಸ್ಕವರಿಯಲ್ಲಿ ವನಿತೆಯರ ಎವರೆಸ್ಟ್ ಪರ್ವತಾರಾರೋಹಣ

ಡಿಸ್ಕವರಿಯಲ್ಲಿ ವನಿತೆಯರ ಎವರೆಸ್ಟ್ ಪರ್ವತಾರಾರೋಹಣ

Posted by:
Subscribe to Filmibeat Kannada
Indian Army Womens Everest Expedition
ತನ್ನ ವೀಕ್ಷಕ ವರ್ಗಕ್ಕೆ ಸದಾ ಹೊಸತನ್ನು ನೀಡಬೇಕು ಎಂದು ಬಯಸುವ ಡಿಸ್ಕವರಿ ಚಾನಲ್ ಈಗ ಮತ್ತೊಂದು ತಾಜಾ ಕಾರ್ಯಕ್ರಮ ಪ್ರಸಾರ ಮಾಡಲು ಮುಂದಾಗಿದೆ. ಸಾಹಸ ಪ್ರಧಾನವಾದ ಈ ಕಾರ್ಯಕ್ರಮದಲ್ಲಿ ವನಿತೆಯರ ಎವರೆಸ್ಟ್ ಶಿಖರಾರೋಹಣದ ರೋಮಾಂಚಕ ಸನ್ನಿವೇಶಗಳನ್ನು ಸವಿಯಬಹುದು.

ಭಾರತೀಯ ಭೂಸೈನ್ಯದಲ್ಲಿರುವ ವನಿತಾಧಿಕಾರಿಗಳ ಎವರೆಸ್ಟ್ ಸಾಹಸಗಳನ್ನು ಡಿಸ್ಕವರಿ ಚಾನಲ್ ಪ್ರಸಾರ ಮಾಡಲಿದೆ. ಆದರೆ ಪ್ರಸಾರದ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. ಈ ಕಾರ್ಯಕ್ರಮದ ಮತ್ತೊಂದು ವಿಶೇಷತೆ ಎಂದರೆ ಇದುವರೆಗೂ ಮಹಿಳೆಯರ್ಯಾರು ಬಳಸದ ಸೌತ್ ರಿಟ್ಜ್ ಹಾದಿಯಲ್ಲಿ ಎವರೆಸ್ಟ್ ಶಿಖರವನ್ನು ಹತ್ತುತ್ತಿರುವುದು.

ಈ ಹಾದಿಯನ್ನು ಈ ಹಿಂದೆ 1953ರಲ್ಲಿ ಎಡ್ಮಂಡ್ ಹಿಲ್ಲರಿ ಹಾಗೂ ತೇನಸಿಂಗ್ ನೋರ್ಗೆ ಬಳಸಿದ್ದರು. ಈ ಶೋ ಇದೇ ವರ್ಷ ಡಿಸ್ಕವರಿ ಚಾನಲ್‌ನಲ್ಲಿ ಪ್ರಸಾರವಾಗಲಿದೆ. ಭಾರತೀಯ ರಾಷ್ಟ್ರೀಯತೆಗೆ ಹಾಗೂ ಯುವ ಜನತೆಯಲ್ಲಿ ಮತ್ತಷ್ಟು ಉತ್ಸಾಹ, ಸ್ಫೂರ್ತಿ ಹಾಗೂ ಶಕ್ತಿಯನ್ನು ತುಂಬಲು ಈ ಕಾರ್ಯಕ್ರಮ ಸಹಾಯಕವಾಗಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿವೆ.

ಇನ್ನು ಭಾರತೀಯ ಭೂಸೇನೆಗಂತೂ ಈ ಕಾರ್ಯಕ್ರಮ ಮತ್ತಷ್ಟು ಸ್ಫೂರ್ತಿ ನೀಡಲಿದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಈ ಬಗ್ಗೆ ಲೆಫ್ಟಿನೆಂಟ್ ಜನರಲ್ ಎಸ್.ಪಿ. ತನ್ವೀರ್ ಮಾತನಾಡುತ್ತಾ, "ಈ ರೀತಿಯ ಕಾರ್ಯಕ್ರಮಗಳಿಂದ ಭವಿಷ್ಯದಲ್ಲಿ ಭಾರತೀಯ ಸೈನ್ಯದೊಂದಿಗೆ ಡಿಸ್ಕವರಿ ಚಾನಲ್ ವಿವಿಧ ರೀತಿಯ ಕಾರ್ಯಕ್ರಮಗಳನ್ನು ರೂಪಿಸಲು ಸಹಾಯಕವಾಗುತ್ತದೆ. ಭಾರತೀಯ ಆರ್ಮಿಯಲ್ಲಿನ ಕ್ರೀಡೆಗಳು, ಸಾಹಸಗಳು ಹೊರ ಜಗತ್ತಿಗೆ ಗೊತ್ತಾಗಲಿವೆ" ಎಂದಿದ್ದಾರೆ.

ಈ ಕಾರ್ಯಕ್ರಮಕ್ಕಾಗಿ ಭಾರತೀಯ ಸೈನ್ಯದ ಏಳು ಮಂದಿ ವನಿತಾಧಿಕಾರಿಗಳು ಕೆಲಸ ಮಾಡಿದ್ದಾರೆ. ಡಿಸ್ಕವರಿ ಚಾನಲ್ ಸೌತ್ ಏಷ್ಯಾ ಪ್ರತಿನಿಧಿ ರಾಹುಲ್ ಜುವಾರಿ ಮಾತನಾಡುತ್ತಾ, "ಡಿಸ್ಕವರಿ ಚಾನಲ್ ಈ ರೀತಿಯ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡುತ್ತಾ ಭಾರತೀಯ ಸೈನ್ಯದಲ್ಲಿನ ವನಿತೆಯರ ಧೈರ್ಯ ಸಾಹಸಗಳನ್ನು ಇಡೀ ಜಗತ್ತಿಗೆ ತೋರಿಸುವ ಪ್ರಯತ್ನ ಮಾಡುತ್ತಿದೆ" ಎಂದಿದ್ದಾರೆ. (ಏಜೆನ್ಸೀಸ್)

English summary
Discovery Channel is set to produce a program on the Indian Army's women's expedition to Mount Everest this summer. This is the first time an army women's contingent is attempting to scale the Everest summit from the South Ridge route. The route was used by Edmund Hillary and Tenzing Norgay in 1953.
Please Wait while comments are loading...

Kannada Photos

Go to : More Photos