ಮುಖಪುಟ

ಟಿವಿ

ಶನಿವಾರ ಮತ್ತು ಭಾನುವಾರ ಬಂತೂಂದ್ರೆ 'ಬಿಗ್ ಬಾಸ್' ಪ್ರಿಯರು ಕರೆಕ್ಟ್ ಆಗಿ 9 ಗೆ 'ಕಲರ್ಸ್ ಕನ್ನಡ' ಚಾನೆಲ್ ಆನ್ ಮಾಡ್ತಿದ್ರು. ಯಾಕಂದ್ರೆ, 'ವಾರದ ಕಥೆ ಕಿಚ್ಚನ ಜೊತೆ' ಮತ್ತು 'ಸೂಪರ್ ಸಂಡೆ ವಿತ್ ಸುದೀಪ್' ಶೋ ಪ್ರಸಾರವಾಗುವುದೇ ಆ ಟೈಮ್ ನಲ್ಲಿ.

ಸುದೀಪ್ ರವರ ಕಚಗುಳಿ ಇಡುವ ಮಾತು, ವಾರದ ಎಲಿಮಿನೇಷನ್ ಮತ್ತು 'ಬಿಗ್ ಬಾಸ್' ವೇದಿಕೆ ಮೇಲೆ ಸ್ಪೆಷಲ್ ಗೆಸ್ಟ್...ಎಲ್ಲವೂ ವೀಕೆಂಡ್ ನಲ್ಲಿ ಇರುತ್ತಿದ್ದ ಕಾರಣ 'ಬಿಗ್ ಬಾಸ್' ಪ್ರಿಯರಿಗೆ ಶನಿವಾರ ಮತ್ತು ಭಾನುವಾರ ಹಬ್ಬ.

ಈಗ 'ಬಿಗ್ ಬಾಸ್-3' ಮತ್ತು ಸುದೀಪ್ ಗೆ ಪೈಪೋಟಿ ನೀಡುವುದಕ್ಕೆ ರಮೇಶ್ ಇಳಿದಿದ್ದಾರೆ. ಅದು ತಮ್ಮ ಜನಪ್ರಿಯ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದ ಮೂಲಕ. ['ಬಿಗ್ ಬಾಸ್-3' ಕಾರ್ಯಕ್ರಮದ ಎಲ್ಲಾ ತಾಜಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ]

ಹೌದು, ಜೀ ಕನ್ನಡ ವಾಹಿನಿಯಲ್ಲಿ ಇಂದಿನಿಂದ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದ ಎರಡನೇ ಆವೃತ್ತಿ ಪ್ರಸಾರವಾಗಲಿದೆ. ಕಾರ್ಯಕ್ರಮದಲ್ಲಿ 'ಜೋಗಿ' ಪ್ರೇಮ್, ಅಂಬರೀಶ್, ದರ್ಶನ್ ಸೇರಿದಂತೆ ಅನೇಕ ಸಾಧಕರ ಜೀವನಚರಿತ್ರೆ ಬಿಚ್ಚಿಡಲಾಗುತ್ತೆ. [ವೀಕೆಂಡ್ ವಿಥ್ ರಮೇಶ್ ಶೋ ಮೊದಲ ಗೆಸ್ಟ್ ಪ್ರೇಮ್!]

ಎರಡೂ ಕಾರ್ಯಕ್ರಮಗಳು ಒಂದೇ ಸಮಯಕ್ಕೆ ಪ್ರಸಾರವಾಗುವುದರಿಂದ ನೀವು 'ವೀಕೆಂಡ್ ವಿತ್ ರಮೇಶ್' ನೋಡ್ತೀರಾ, ಇಲ್ಲಾ ಎಂದಿನಂತೆ 'ಬಿಗ್ ಬಾಸ್-3' ಕಾರ್ಯಕ್ರಮ ನೋಡ್ತೀರಾ..? ನಿಮ್ಮ ಆಯ್ಕೆ ಯಾವುದು ಅಂತ ನಮಗೆ ತಿಳಿಸಿ, ಕೆಳಗಿರುವ ಕಾಮೆಂಟ್ ಬಾಕ್ಸ್ ನಲ್ಲಿ ಕಾಮೆಂಟ್ ಮಾಡಿ....