Click it and Unblock the Notifications
Don't Miss!
-
'ಚೆಂಬು' ಜಾಹೀರಾತಿನ ಮೂಲಕ ಮೋದಿ ಸರ್ಕಾರದ ವಿರುದ್ದ ನೇರ ದಾಳಿಗಿಳಿದ ಕಾಂಗ್ರೆಸ್ -
ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು? -
PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ? -
ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ? -
ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ರೂಪದಲ್ಲಿ ಜೀ ಕನ್ನಡ 'ಪುನರ್ ವಿವಾಹ'
'ಜೀ ಕನ್ನಡ'ದ ಬಹು ಜನಪ್ರಿಯ ಧಾರಾವಾಹಿ 'ಪುನರ್ ವಿವಾಹ' 350 ಎಪಿಸೋಡುಗಳನ್ನು ಪೂರೈಸಿ ಈಗ ಹೊಸ ಅಧ್ಯಾಯ ಶುರು ಮಾಡುತ್ತಿದೆ. ಇದೇ ಜುಲೈ 28ರ ಸೋಮವಾರ ಈ ಧಾರಾವಾಹಿ ಇಪ್ಪತ್ತು ವರುಷ ಮುಂದಕ್ಕೆ ಜಿಗಿದು ಸೂರ್ಯ-ಆರತಿ ಹಾಗೂ ಅವರ ಮಕ್ಕಳ ಹೊಸ ತಲೆಮಾರಿನ ಕತೆ ಪ್ರಸಾರವಾಗಲಿದೆ.
ಕನ್ನಡದ ಕಿರುತೆರೆಯ ಬಹು ಜನಪ್ರಿಯ ನಟಿಯರಲ್ಲಿ ಒಬ್ಬರಾದ ಅನುಷಾ ನಾಯಕ್ ಅವರು ಆರತಿಯ ಪಾತ್ರದಲ್ಲಿ ಮುಂದುವರಿದರೆ, 'ಜೋಗುಳ', 'ಪಲ್ಲವಿ ಅನುಪಲ್ಲವಿ' ಖ್ಯಾತಿಯ ಮಧು ಹೆಗಡೆ ಅವರು ಸೂರ್ಯನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಾರೆ. ಈ ದಂಪತಿಯ ಬೆಳೆದು ನಿಂತಿರುವ ಮಕ್ಕಳಾಗಿರುವ ಆದಿತ್ಯ-ಆರ್ಯನ್-ಸಾಕ್ಷಿ ಪಾತ್ರಗಳಲ್ಲಿ, ಚಂದನ್-ಪ್ರಜ್ವಲ್-ಬೃಂದಾ ಎಂಬ ಹೊಸ ಭರವಸೆಯ ಮುಖಗಳ ಪರಿಚಯ ಆಗುತ್ತಿದೆ. [ಜೀ ಕನ್ನಡದಲ್ಲಿ ಶ್ರುತಿ ನಾಯ್ಡು 'ಪುನರ್ ವಿವಾಹ']
ಸಣ್ಣ ವಯಸ್ಸಿಗೆ ದೊಡ್ಡ ವಯಸ್ಸಿನ ಆರತಿ-ಸೂರ್ಯರ ಪಾತ್ರ ಪೋಷಣೆ ಮಾಡುತ್ತಿರುವ ಅನುಷಾ ಮತ್ತು ಮಧು ಹೆಗಡೆ, "ನಾವೀಗ ಇಪ್ಪತ್ತೈದು ವರ್ಷ ವಯಸ್ಸಿನ ಮಕ್ಕಳ ಅಪ್ಪ ಅಮ್ಮ ಆಗಿದ್ದೇವೆ. ನಿನ್ನೆ ನಾವೇ ಆ ವಯಸ್ಸಲ್ಲಿದ್ದೆವು! ಈಗ ಐವತ್ತರ ವಯಸ್ಸಿಗೆ ಜಿಗಿಯಬೇಕಿದೆ. ಆದರೆ ನಟರಾಗಿ ಇದು ತುಂಬಾ ಸವಾಲಿನ ಮತ್ತು ಖುಶಿಯ ಕೆಲಸ. ನಮ್ಮದಲ್ಲದ ಹಾವಭಾವ, ದನಿ, ಗತ್ತುಗೈರತ್ತು ತೋರಿಸಿಕೊಂಡು ದೊಡ್ಡವರಂತೆ ಇದ್ದು ಬಿಡೋದು ತುಂಬಾ ಮಜಾ ಕೊಡ್ತಿದೆ" ಎನ್ನುತ್ತಾರೆ.
"ಇರೋ ಕತೆಯನ್ನು ಎಳೆಯೋದರಲ್ಲಿ ನಮಗೆ ಉತ್ಸಾಹ ಇಲ್ಲ. ಅದಕ್ಕಾಗಿ 350 ಎಪಿಸೋಡುಗಳಿಗೆ ಆರತಿ-ಸೂರ್ಯರ ಪ್ರಯಾಣ ನಿಲ್ಲಿಸಿ, ಅವರ ಮೂವರು ಮಕ್ಕಳ ಕತೆ ಶುರು ಮಾಡಿದ್ದೇವೆ. ನಮ್ಮ ರೊಮ್ಯಾಂಟಿಕ್ ಜೋಡಿ ಆರತಿ-ಸೂರ್ಯ ಸದ್ಯಕ್ಕೆ ಮುನಿಸಿಕೊಂಡು ದೂರ ದೂರ ಆಗಿದ್ದಾರೆ. ದೊಡ್ಡವನಾಗಿರೋ ಆದಿತ್ಯ, ಅಮ್ಮ ಆರತಿ ಜತೆ ಇದ್ದರೆ, ಸಾಕ್ಷಿ-ಆರ್ಯನ್ ಅಪ್ಪ ಸೂರ್ಯನ ಜತೆಗಿದ್ದಾರೆ.
ಶ್ರುತಿ ನಾಯ್ಡು ನಿರ್ದೇಶನದ ಈ 'ಪುನರ್ ವಿವಾಹ' ಧಾರಾವಾಹಿ ಜುಲೈ 28ರಿಂದ ಹೊಸ ರೂಪದಲ್ಲಿ ಸೋಮವಾರದಿಂದ ಶುಕ್ರವಾರ ರಾತ್ರಿ 9.30ಕ್ಕೆ ಪ್ರಸಾರವಾಗಲಿದೆ. 'ಹೊಸ ಬದುಕು ಹೊಸ ಪ್ರೀತಿ' ಎಂಬುದು ಧಾರಾವಾಹಿಯ ಟ್ಯಾಗ್ ಲೈನ್. (ಒನ್ಇಂಡಿಯಾ ಕನ್ನಡ)
