ಮೇ 1 ರಂದು ಅನುಷ್ಕಾ ಶರ್ಮಾ ಹುಟ್ಟುಹಬ್ಬ. ಕೊರೊನಾ ಸಂಕಷ್ಟಕ್ಕೆ ಸಿಲುಕಿ ದೇಶವೇ ದುಃಖದಲ್ಲಿರುವಾಗ ಹುಟ್ಟುಹಬ್ಬ ಆಚರಣೆ ಮಾಡುವುದು ಬೇಡವೆಂಬ ನಿರ್ಣಯ ತಳೆದು ಆಚರಣೆಯಿಂದ ದೂರ ಉಳಿದರು ನಟಿ ಅನುಷ್ಕಾ.
ಕೊರೊನಾ ಕಷ್ಟಕ್ಕೆ ಮಿಡಿದ ವಿರೂಷ್ಕಾ ದಂಪತಿ ಏನ್ ಮಾಡೋಕೆ ಹೊರ್ಟಿದ್ದಾರೆ? | Filmibeat Kannada
ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಹಂಚಿಕೊಂಡಿರುವ ಅನುಷ್ಕಾ ಶರ್ಮಾ, ''ದೇಶವೇ ನೋವು ಮತ್ತು ಸಂಕಷ್ಟದ ಸ್ಥಿತಿಯಲ್ಲಿದೆ ಈ ಸಮಯದಲ್ಲಿ ಹುಟ್ಟುಹಬ್ಬ ಆಚರಿಸಿಕೊಳ್ಳಲು ಮನಸ್ಸಾಗಲಿಲ್ಲ. ಆದರೆ ಹಲವರು ನನ್ನ ಹುಟ್ಟುಹಬ್ಬಕ್ಕೆ ವಿಶೇಷ ಸಂದೇಶ ಕಳುಹಿಸಿದ್ದೀರಿ, ಅವರಿಗೆಲ್ಲ ಧನ್ಯವಾದಗಳು'' ಎಂದಿದ್ದಾರೆ.
ಮುಂದುವರೆದು, 'ನಾನು ಮತ್ತು ವಿರಾಟ್ ಕೊಹ್ಲಿ ಕೊರೊನಾದ ಸಂಕಷ್ಟದ ಸಮಯದಲ್ಲಿ ಜನರಿಗೆ ಸಹಾಯ ಮಾಡಲು ನಿರ್ಣಯಿಸಿದ್ದೇವೆ. ನಾವೊಂದು ಅಭಿಯಾನ ಆರಂಭಿಸಲಿದ್ದೇವೆ, ನೀವು ಸಹ ಆ ಅಭಿಯಾನದಲ್ಲಿ ಪಾಲ್ಗೊಳ್ಳಬಹುದು. ಅಭಿಯಾನದ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಶೀಘ್ರದಲ್ಲಿಯೇ ಹಂಚಿಕೊಳ್ಳುತ್ತೇವೆ' ಎಂದಿದ್ದಾರೆ ಅನುಷ್ಕಾ ಶರ್ಮಾ.