Dhamaal 4 Box Office Day 3 ; ಬಾಕ್ಸಾಫೀಸ್‌ನಲ್ಲಿ ಧಮಾಲ್ 4 ಧಮಾಕ, ಅಕ್ಷಯ್ ಕುಮಾರ್‌ಗೆ ಸೆಡ್ಡು ಹೊಡೆದ ಅಜಯ್ ದೇವಗನ್

ಮಿಶ್ರ ಪ್ರತಿಕ್ರಿಯೆ ನಡುವೆಯೂ ಅಬ್ಬರ

ಹಾಗೇ ನೋಡಿದರೆ ''ಧಮಾಲ್ 4'' ಎಲ್ಲರ ಹೃದಯ ಗೆದ್ದಿಲ್ಲ. ಬದಲಿಗೆ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಬಾಲಿವುಡ್‌ನ ಹಲವು ಖ್ಯಾತ ವಿಮರ್ಷಕರು ಈ ಚಿತ್ರವನ್ನು ತೆಗಳಿದ್ದಾರೆ. ಇನ್ನು ಪ್ರೇಕ್ಷಕರ ವರ್ಗದಲ್ಲಿಯೂ ಕೂಡ ಈ ಚಿತ್ರದ ವಿಚಾರದಲ್ಲಿ ಎರಡು ಗುಂಪುಗಳಿವೆ. ಆದರೂ ಕೂಡ ''ಧಮಾಲ್ 4'' ಮೊದಲ ಮೂರು ದಿನ ಬಾಕ್ಸಾಫೀಸ್‌ನಲ್ಲಿ ಅಬ್ಬರಿಸುವಲ್ಲಿ ಯಶಸ್ವಿಯಾಗಿದೆ.

ಇಂದಿನಿಂದ ಅಸಲಿ ಪರೀಕ್ಷೆ ಶುರು

ಸದ್ಯ ಬಾಕ್ಸಾಫೀಸ್‌ನಲ್ಲಿ ಮೈದಾನ ಖಾಲಿ ಇದೆ. ಮುಂದಿನ ಮೂರು ವಾರ ಹೇಳಿಕೊಳ್ಳುವಂತಹ ದೊಡ್ಡ ಸಿನಿಮಾಗಳು ಬಿಡುಗಡೆಯಾಗುತ್ತಿಲ್ಲ.ಇದು ''ಧಮಾಲ್ 4'' ಚಿತ್ರಕ್ಕೆ ಸಹಕಾರಿಯಾಗುವ ಸಾಧ್ಯತೆ ಇದೆ. ಇನ್ನು ಯಾವುದೇ ಚಿತ್ರವಾದರು ಕೂಡ ಅಸಲಿ ಪರೀಕ್ಷೆ ಶುರುವಾಗುವುದೇ ಸೋಮವಾರದಿಂದ. ವಾರದ ದಿನಗಳಲ್ಲಿಯೂ ''ಧಮಾಲ್ 4'' ಗಳಿಕೆ ಹೀಗೆಯೇ ಮುಂದುವರೆದರೆ ಅಥವಾ ಒಂದಂಕಿಗೆ ಕುಸಿಯದೇ ಇದ್ದರೆ ''ಧಮಾಲ್ 4'' ಬ್ಲಾಕ್ ಬಸ್ಟರ್ ಆಗುವುದರಲ್ಲಿ ಡೌಟಿಲ್ಲ ಎನ್ನುವ ಮಾತು ಸದ್ಯ ಬಾಲಿವುಡ್‌ ಟ್ರೇಡ್ ವಲಯದಲ್ಲಿ ಕೇಳಿ ಬರುತ್ತಿದೆ.

Disclaimer: ಈ ವರದಿಯಲ್ಲಿ ನೀಡಲಾಗಿರುವ ಸಿನಿಮಾದ ಬಾಕ್ಸ್ ಆಫೀಸ್ ಅಂಕಿ ಅಂಶಗಳ ಮಾಹಿತಿಯನ್ನು https://www.sacnilk.com/, https://x.com/taran_adarsh, https://x.com/rameshlaus?lang=en, ನಿರ್ಮಾಣ ಸಂಸ್ಥೆಗಳು ಹಾಗೂ ಸಾರ್ವಜನಿಕವಾಗಿ ಲಭ್ಯವಿರುವ ಹಲವು ವೇದಿಕೆಗಳಿಂದ ತೆಗೆದುಕೊಳ್ಳಲಾಗಿದೆ. ಸಿನಿಮಾಗೆ ಸಂಬಂಧಿಸಿದ ಬಾಕ್ಸ್ ಆಫೀಸ್ ಕಲೆಕ್ಷನ್‌ಗಳ ಕುರಿತು ಪ್ರಕಟಿಸುವ ವರದಿಗಳಿಗೆ ಫಿಲ್ಮಿಬೀಟ್ ಯಾವುದೇ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ.