ವಾಕ್ ಮಾಡಿ ಆಮೇಲೆ ಬಟ್ಟೆ ಬಿಚ್ಚು ಅಂದರು ; ಹೋಟೆಲ್ ರೂಮ್‌ನಲ್ಲಿ ಕಹಿ ಅನುಭವ, ಬಿಕ್ಕಿದ 50 ವರ್ಷದ ನಟಿ

ಮಧ್ಯವರ್ತಿಗಳ ಹಾವಳಿ

ಈ ಕುರಿತು ''ಶೈನಿ ನಾರಂಗ್'' ಅವರಿಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಶ್ವೇತಾ ಕ್ವಾತ್ರಾ ನಮ್ಮ ಈ ರಂಗದಲ್ಲಿ ನಿರ್ದೇಶಕ ಅಥವಾ ನಿರ್ಮಾಪಕರಿಗಿಂತ ಈ ಮಧ್ಯವರ್ತಿಗಳ ಹಾವಳಿ ಜಾಸ್ತಿ ಇದೆ ಎಂದು ಹೇಳಿದ್ದಾರೆ. ಕೆಲಸ ಕೊಡಿಸುವ ನೆಪದಲ್ಲಿ ಎದುರಾಗುವ ಈ ಏಜೆಂಟ್‌ಗಳೇ ಇಂತಹ ಕೆಲಸಕ್ಕೆ ನೂಕುತ್ತಾರೆ ಎಂದು ಹೇಳಿರುವ ಶ್ವೇತಾ ಹೊಸಬರಲ್ಲಿನ ಮುಗ್ದತೆ ಮತ್ತು ಅವರಲ್ಲಿನ ಅಸಹಾಯಕತೆಯೇ ಇವರ ಬಂಡವಾಳ ಎಂದಿದ್ದಾರೆ.

ಕಚೇರಿಯಲ್ಲಿ ಬೆಡ್ ಯಾಕೆ ..?

ಇನ್ನು ಯಾರದಾದ್ದರೂ ಆಫೀಸ್ ಇರಲಿ, ಆಫೀಸ್ ಅಂದರೆ ಅಲ್ಲಿ ಕುಂತು ಮಾತನಾಡಬೇಕು, ಚರ್ಚೆ ನಡೆಯಬೇಕು ಆದರೆ ಇಲ್ಲಿ ಆಫೀಸ್‌ಗಳಲ್ಲಿ ಬೆಡ್ ವ್ಯವಸ್ಥೆ ಇರುತ್ತೆ. ಯಾಕೆ..? ಇದು ಯೋಚನೆ ಮಾಡಬೇಕಾದ ವಿಷಯ ಅಲ್ಲವಾ ಎಂದು ಪ್ರಶ್ನೆ ಮಾಡಿರುವ ಶ್ವೇತಾ ನನ್ನೆದುರು ಹಲವರು ಅಸಭ್ಯವಾದ ಬೇಡಿಕೆ ಇಟ್ಟಿದ್ದಾರೆ ಎಂದು ಹೇಳಿದ್ದಾರೆ.

ಹೊಂದಾಣಿಕೆಯ ಕುರಿತು ನೇರ ಪ್ರಶ್ನೆ

ಮುಂದುವರೆದು ನೀವು ನನಗೆ ಹೊಂದಾಣಿಕೆ ಮಾಡಿಕೊಳ್ತೀರಾ..? ರಾಜಿಯಾಗ್ತೀರಾ..? ಎಂದು ನೇರವಾಗಿಯೇ ನನಗೆ ಪ್ರಶ್ನೆ ಕೇಳಿದವರು ಕೂಡ ಇದ್ದಾರೆ ಎಂದು ಹೇಳಿರುವ ಶ್ವೇತಾ ಆರಂಭದಲ್ಲಿ ನನಗೆ ಇವರ ಈ ಭಾಷೆ ಅರ್ಥವೇ ಆಗುತ್ತಿರಲಿಲ್ಲ. ಆಗ ನಾನು ನೀವೇನು ಹೇಳುತ್ತಿದ್ದೀರಾ ಎಂದು ಕೇಳುತ್ತಿದ್ದೆ, ಆಗ ಅವರು ಮುಖ ಸಿಂಡರಿಸಿಕೊಳ್ಳುತ್ತಿದ್ದರು ಎಂದು ಹೇಳಿದ್ದಾರೆ.

ಒಳಗೊಳಗೆ ಭಯ ಆಗುತ್ತಿತ್ತು

ನನಗೆ ಆ ಸಮಯದಲ್ಲಿ ಆ ಅರ್ಥದಲ್ಲಿಯೇ ಇವರು ನನ್ನ ಕೇಳ್ತಿದ್ದಾರಾ ಎನ್ನುವ ಅನುಮಾನ ಕಾಡುತ್ತಿತ್ತು ಎಂದು ಹೇಳಿರುವ ಶ್ವೇತಾ, ಒಬ್ಬ ಹುಡುಗಿಯಾಗಿ ನಾನು ಒಳಗೊಳಗೆ ತುಂಬಾನೇ ಭಯ ಪಡುತ್ತಿದ್ದೆ ಎಂದಿದ್ದಾರೆ. ಅದೆಲ್ಲವೂ ಪದಗಳಲ್ಲಿ ಹೇಳಲು ಸಾಧ್ಯ ಇಲ್ಲ ಎಂದಿದ್ದಾರೆ.

ಹೋಟೆಲ್‌ನಲ್ಲಿ ಆಡಿಷನ್

ಅದೊಂದು ದಿನ ಫೈವ್ ಸ್ಟಾರ್ ಹೋಟೆಲ್‌ನಲ್ಲಿ ಆಡಿಷನ್ ಇತ್ತು, ನಾನು ಕೂಡ ಅಲ್ಲಿ ಹೋಗಿದ್ದೇ ಎಂದು ಹೇಳಿರುವ ಶ್ವೇತಾ, ನನ್ನಂತೆಯೇ ಅಲ್ಲಿ ಹಲವಾರು ಹುಡುಗಿಯರು ಕನಸೊತ್ತು ಬಂದಿದ್ದರು, ಈ ಹಿನ್ನೆಲೆ ನನಗೆ ಭಐ ಆಗಲಿಲ್ಲ. ಆದರೆ ಮನದಲ್ಲಿ ಹಿಂಜರಿಕೆ ಇದ್ದೇ ಇತ್ತು ಎಂದಿದ್ದಾರೆ.

ಬಟ್ಟೆ ಕಳಚುವಂತೆ ಹೇಳಿದಾಗ ಆದ ಆಘಾತ

ಆದರೂ ನಾನು ಆಡಿಷನ್ ನೀಡುವ ತೀರ್ಮಾನ ಮಾಡಿದೆ, ನನ್ನ ಸರತಿಗಾಗಿ ಕಾಯುತ್ತಿದ್ದೆ ಎಂದು ಹೇಳಿರುವ ಶ್ವೇತಾ ಕ್ವಾತ್ರಾ, ಆ ನಂತರ ಆಡಿಷನ್ ನೀಡಲು ನಾನು ರೂಮ್ ಒಳಗೆ ಹೋದೆ, ಅಲ್ಲಿ ಬರಹಗಾರರು, ನಿರ್ದೇಶಕ ಮತ್ತು ನಿರ್ಮಾಪಕ ಎಲ್ಲರು ಇದ್ದರು ಎಂದು ನೆನಪು ಮಾಡಿಕೊಂಡಿದ್ದಾರೆ.

ಮೊದಲೇ ನನಗೆ ಭಯ ಇತ್ತು. ಅವರನ್ನೆಲ್ಲ ಕಂಡು ಇನ್ನೂ ಭಯ ಹೆಚ್ಚಾಯ್ತು ಎಂದು ಹೇಳಿರುವ ಶ್ವೇತಾ ಆಗ ಎಲ್ಲಿ ಒಮ್ಮೆ ನಡೆದು ತೋರಿಸು ಎಂದು ನನಗೆ ಹೇಳಿದರು. ಅದ್ರಂತೆ ನಾನು ನಡೆದು ತೋರಿಸಿದೆ, ಆ ನಂತರ ನೇರವಾಗಿ ಬಟ್ಟೆ ಕಳಚುವಂತೆ ನನಗೆ ಹೇಳಿದರು ಎಂದು ಭಾವುಕರಾಗಿದ್ದಾರೆ.

ದಡ್ಡತನ ಮತ್ತು ಧೈರ್ಯ

ಅವರಾಡಿದ ಈ ಮಾತು ಕೇಳಿ ನಾನು ಅಕ್ಷರಶಃ ಅವತ್ತು ಬೆಚ್ಚಿ ಬಿದ್ದಿದೆ ಎಂದು ಹೇಳಿರುವ ಶ್ವೇತಾ, ನಾನು ಅವರೇನು ಹೇಳಿದ್ದಾರೆ ಎಂದು ಖಚಿತ ಪಡಿಸಿಕೊಳ್ಳಲು ಮತ್ತೊಮ್ಮೆ ಅವರಲ್ಲಿ ಕೇಳಿದಾಗ, ಅವರು ಮತ್ತದೇ ಮಾತು ಹೇಳಿದರು ಎಂದಿದ್ದಾರೆ.

ನಾನು ಆಗ ಅಲ್ಲಿಂದ ಪಾರಾಗಲು, ಹಾಗೂ-ಹೀಗೂ ಧೈರ್ಯೃ ಮಾಡಿ ಯಾಕೆ ಬಟ್ಟೆ ಬಿಚ್ಚಬೇಕು..? ಎಂದು ಪ್ರಶ್ನೆ ಮಾಡಿದೆ. ಆಗ ಅವರು ಸ್ವಿಮ್ ಸೂಟ್ ಹಾಕಿಕೊಂಡರೆ ನೀವು ಹೇಗೆ ಕಾಣ್ತೀರಾ ಅಂತ ನಾವು ನೋಡಬೇಕು ಎಂದು ಹೇಳಿದರು ಎಂದು ನೆನಪು ಮಾಡಿಕೊಂಡಿರುವ ಶ್ವೇತಾ, ಅವರಾಡಿದ ಈ ಮಾತು ಕೇಳಿ ಥ್ಯಾಂಕ್ ಯೂ ಎಂದು ಹೇಳಿ ನಾನು ಅಲ್ಲಿಂದ ಓಡಿ ಬಂದೆ ಎಂದು ಬಿಕ್ಕಿದ್ದಾರೆ. ಸದ್ಯ ಶ್ವೇತಾ ಕ್ವಾತ್ರಾ ಅವರ ಈ ಸಂದರ್ಶನ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ನಾನಾ ರೀತಿಯ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.

ಅಂದ್ಹಾಗೇ ಶ್ವೇತಾ ಸದ್ಯ ಬೆಳ್ಳಿತೆರೆ ಮತ್ತು ಕಿರುತೆರೆಯಿಂದ ದೂರವಾಗಿದ್ದಾರೆ. ಖ್ಯಾತ ನಟ ಮಾನವ್ ಗೋಹಿಲ್ ಅವರ ಜೊತೆ ಮದುವೆಯಾಗಿರುವ ಶ್ವೇತಾ ದುಬೈನಲ್ಲಿಯೇ ಬದುಕು ರೂಪಿಸಿಕೊಂಡಿದ್ದಾರೆ. ಅಲ್ಲಿನ ರಿಯಲ್ ಎಸ್ಟೇಟ್ ಕುರಿತು ಮಾಹಿತಿಯನ್ನು ಹಂಚಿಕೊಳ್ಳುತ್ತಾ, ಲೈಫ್ ಸ್ಟೈಲ್ ವಿಡಿಯೋಗಳನ್ನು ಶೇರ್ ಮಾಡುತ್ತಾ ನೆಮ್ಮದಿಯಾಗಿದ್ದಾರೆ. ಸದ್ಯ ಶ್ವೇತಾಗೆ 50ರ ಹರೆಯ. ಎದೆಯೆತ್ತರಕ್ಕೆ ಬೆಳೆದ ಒಬ್ಬಳು ಮಗಳು ಇವರಿಗಿದ್ದಾಳೆ.