ಶಿರಡಿ ಸಾಯಿ ಬಾಬಾ ಆಶೀರ್ವಾದ ಪಡೆದ ಶಿಲ್ಪಾ ಶೆಟ್ಟಿ

ಬಾಲಿವುಡ್ ತಾರೆ ಶಿಲ್ಪಾ ಶೆಟ್ಟಿ ಇತ್ತೀಚೆಗೆ ಮಹಾರಾಷ್ಟ್ರದ ಪುಣ್ಯಕ್ಷೇತ್ರ ಶಿರಡಿಗೆ ಭೇಟಿ ನೀಡಿ ಸಾಯಿಬಾಬಾ ಆಶೀರ್ವಾದ ಪಡೆದಿದ್ದಾರೆ. ಈ ಬಗ್ಗೆ ಆಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ತಮಗೆ ಪುರುಸೊತ್ತಿಲ್ಲದಷ್ಟು ಕೆಲಸ ಕಾರ್ಯಗಳಿದ್ದರೂ ಬಾಬಾ ದರ್ಶನ ಮಾಡಿಕೊಂಡು ಬಂದಿದ್ದು ನಿಜಕ್ಕೂ ತೃಪ್ತಿ ತಂದಿದೆ ಎಂದಿದ್ದಾರೆ.

ಈ ವರ್ಷ ಶಿರಡಿಗೆ ಭೇಟಿ ಕೊಡಬೇಕು ಎಂದು ಬಹಳಷ್ಟು ಸಲ ಅಂದುಕೊಂಡರು ಪ್ರಯೋಜವಾಗಲಿಲ್ಲ. ಈಗ ಆ ಆಸೆ ನೆರವೇರಿದೆ. ಇದೆಲ್ಲಾ ಸಾಧ್ಯವಾಗಿದ್ದು ಬಾಬಾ ಅನುಗ್ರಹದಿಂದ ಎನ್ನುತ್ತಾರೆ ಶಿಲ್ಪಾ. ಇತ್ತೀಚೆಗೆ ಶಿರಡಿಗೆ ಹೋಗಿ ಬಂದ ಸಂತಸವನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಮೂವತ್ತೈದರ ಹರೆಯದ ಶಿಲ್ಪಾ ಶೆಟ್ಟಿ ಉದ್ಯಮಿ ರಾಜ್ ಕುಂದ್ರ ಅವರನ್ನು ಮದುವೆಯಾದ ಬಳಿಕ ಸಿನಿಮಾಗಳಿಗೆ ಕೊಂಚ ದೂರವಾದರು ಎಂದೇ ಹೇಳಬೇಕು. ಅತ್ತ ಕಿರುತೆರೆ ಬೆಳ್ಳಿ ಪರದೆಗೂ ದೂರವಾಗಿರುವ ಶಿಲ್ಪಾಗೆ ಈ ವರ್ಷ ಬಾಬಾ ಅನುಗ್ರಹ ಸಿಗುತ್ತದೋ ಇಲ್ಲವೋ ಕಾದು ನೋಡಬೇಕು. [ಶಿಲ್ಪಾ ಶೆಟ್ಟಿ]