ನಾಸಿರುದ್ದೀನ್ ಶಾ ಜತೆ ಸೆಕ್ಸ್ ಸೀನ್‌ನಲ್ಲಿ ವಿದ್ಯಾ ಬಾಲನ್

ವಿದ್ಯಾ ಬಾಲನ್ ಮತ್ತೊಮ್ಮೆ ಹಾಟ್ ರೊಮ್ಯಾನ್ಸ್ ಸೀನ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಹಿಂದೆ 'ಇಷ್ಕಿಯಾ' ಚಿತ್ರದಲ್ಲಿ ವಿದ್ಯಾ ಸಖತ್ ಹಾಟ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದರು. ಈಗ ನಾಸಿರುದ್ದೀನ್ ಶಾ ಜತೆ 'ಡರ್ಟಿ ಪಿಕ್ಚರ್' ಚಿತ್ರದಲ್ಲಿ ಸೆಕ್ಸ್ ಸೀನ್‌ನಲ್ಲಿ ಲೀಲಾಜಾಲವಾಗಿ ಅಭಿನಯಿಸಿದ್ದಾರಂತೆ.

ಈ ಚಿತ್ರಕ್ಕೆ ಆಕ್ಷನ್, ಕಟ್ ಹೇಳುತ್ತಿರುವವರು ಮಿಲನ್ ಲೂಥ್‌ರಿಯಾ. ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಸೆಕ್ಸಿ ಪಾತ್ರಗಳಿಂದ ಮನೆಮಾತಾಗಿದ್ದ ಸಿಲ್ಕ್ ಸ್ಮಿತಾ ಜೀವಗಾಥೆಯನ್ನು ಈ ಚಿತ್ರ ಅನಾವರಣ ಮಾಡಲಿದೆ. ಈ ಚಿತ್ರದಲ್ಲಿ ವಿದ್ಯಾ ಅವರದು ಸಿಲ್ಕ್ ಸ್ಮಿತಾ ಪಾತ್ರವಾದರೆ, ನಾಸಿರ್ ನಿರ್ಮಾಪಕನಾಗಿ ಕಾಣಿಸಲಿದ್ದಾರೆ.

ಚಿತ್ರ ನಿರ್ಮಾಪಕನೊಂದಿಗಿನ ಸಿಲ್ಕ್ ಸ್ಮಿತಾ ಸಂಬಂಧದ ಬಗ್ಗೆ ಚಿತ್ರ ಬೆಳಕು ಚೆಲ್ಲಲಿದೆಯಂತೆ.ಏಕ್ತಾ ಕಪೂರ್ ನಿರ್ಮಿಸುತ್ತಿರುವ ಹಾಗೂ ಮಿಲನ್ ಲೂಥ್‌ರಿಯಾ ನಿರ್ದೇಶಿಸುತ್ತಿರುವ ಎರಡನೇ ಚಿತ್ರ ಇದಾಗಿದೆ. ಈ ಹಿಂದೆ 'ವನ್ಸ್ ಅಪಾನ್ ಎ ಟೈನ್ ಇನ್ ಮುಂಬೈ' ಎಂಬ ಚಿತ್ರವನ್ನು ನಿರ್ದೇಶಿಸಿದ್ದರು ಮಿಲನ್. ಒಟ್ಟಿನಲ್ಲಿ ಚಿತ್ರದಲ್ಲಿ ವಿದ್ಯಾ ಬೋಲ್ಡ್‌ಗಾಗಿ ನಟಿಸಿದ್ದಾರಂತೆ.