ಐಶ್ವರ್ಯ ರೈ ಕಣ್ಣುಗಳ ಮೇಲೆ ಗಾಯಕ ಅರ್ಜುನ್ ಕಣ್ಣು

ಕಂದನ ನಿರೀಕ್ಷೆಯಲ್ಲಿರುವ ಬಾಲಿವುಡ್ ತಾರೆ ಐಶ್ವರ್ಯ ರೈ ತಮ್ಮ ಸುಂದರ ನಯನಗಳಿಂದಲೇ ಲಕ್ಷಾಂತರ ಅಭಿಮಾನಿಗಳ ಹೃದಯಕ್ಕೆ ಕಿಚ್ಚು ಹಚ್ಚಿದವರು. ಆಕೆಯ ಕಣ್ಣುಗಳ ಆಕರ್ಷಣೆ ವರ್ಣನೆಗೆ ನಿಲುಕದ ಸೌಂದರ್ಯ. ಈ ಅಪೂರ್ವ ಕಣ್ಣುಗಳ ಮೇಲೆ ಈಗ ಯುಕೆ ಮೂಲದ ಗಾಯಕ ಅರ್ಜುನ್ ಕೂಮ್ ಕಣ್ಣು ಬಿದ್ದಿದೆ.

'Remember Tonight' ಎಂಬ ಹಾಡೊಂದನ್ನು ಬರೆದಿರುವ ಅರ್ಜುನ್ ಆ ಹಾಡನ್ನು ಐಶು ಕಣ್ಣುಗಳಿಗೆ ಅರ್ಪಣೆ ಮಾಡಿದ್ದಾರೆ. ಐಶು ಕಣ್ಣುಗಳ ಆಕರ್ಷಣೆಯನ್ನು ಸಿಕ್ಕಾಪಟ್ಟೆ ಇಷ್ಟಪಟ್ಟಿರುವ ಅರ್ಜುನ್ ಅವುಗಳನ್ನು ಮನಸಾರೆ ಇಷ್ಟಪಡುತ್ತಿರುವುದಾಗಿ ಹೇಳಿದ್ದಾನೆ.

ಇಷ್ಟಕ್ಕೂ ಈ ಅರ್ಜುನ್ ಯಾರೆಂದರೆ, ಈತ ಈಗಷ್ಟೇ ಉದಯಯಿಸುತ್ತಿರುವ ತಾರೆ. ಬ್ರಿಟೀಷ್ ಏಷ್ಯನ್ ಮ್ಯೂಸಿಕ್‌ನಲ್ಲಿ ಅರ್ಜುನ್‌ರನ್ನು ರೈಸಿಂಗ್ ಸ್ಟಾರ್ ಎಂದು ಬಣ್ಣೀಸಲಾಗಿದೆ. ಈತನಂತೆ ಬಾಲಿವುಡ್ ತಾರೆಗಳ ಅಂದಚಂದಕ್ಕೆ ಮತ್ತೊಬ್ಬ ಬ್ರಿಟೀಷ್ ಜೇ ಸೀನ್ ಕೂಡ ಮಾರುಹೋಗಿದ್ದಾನೆ. (ಏಜೆನ್ಸೀಸ್)