ಹಾಲಿವುಡ್ ಗೆ ಹಾರಲಿದೆ ಬಾಲಿವುಡ್ 'ತ್ರೀ ಈಡಿಯಟ್ಸ್'

ಈ ಚಿತ್ರವನ್ನು ಇಟಲಿಯ ಒಂದು ಕಂಪನಿ ರೀಮೇಕ್ ಮಾಡಲಿದ್ದು ಈ ಸಂಬಂಧ ಮಾತುಕತೆ ನಡೆದಿದೆ. ಅಮೀರ್ ಖಾನ್ ನಟನೆಯ ಈ ಚಿತ್ರ ಹಾಲಿವುಡ್ ನಲ್ಲಿ ಮೆರೆಯಲಿರುವುದು ದೇಶದ ಸಿನಿಪ್ರೇಕ್ಷಕರಿಗೆ ಸಂತೋಷವನ್ನು ತಂದಿದೆ. ಜೊತೆಗೆ ಇನ್ನೂ ಒಂದು ಖುಷಿ ಸಮಾಚಾರವೆಂದರೆ ಈ ಚಿತ್ರ ವಾರವೊಂದಕ್ಕೆ 900 ಪ್ರಿಂಟ್ಸ್ ನಲ್ಲಿ ಚೀನಾದ ಮುಖ್ಯ ಭಾಗದಲ್ಲಿ ಮುಂದಿನ ವಾರದಿಂದ ಪ್ರದರ್ಶನವಾಗಲಿದೆ.

ಥೈವಾನ್ ನಲ್ಲಿ ಸ್ಟೇಜ್ ಶೋ ಹಾಡುಗಳ ಮೂಲಕ ಕೂಡ ಈ ತ್ರೀ ಈಡಿಯಟ್ಸ್ ಮನಸೂರೆಗೊಳ್ಳುತ್ತಿದೆ. "ನನ್ನ ಮುಂದಿನ ಚಿತ್ರ 'ಫೆರಾರಿ ಕಿ ಸವಾರಿ' ಕೂಡ ತ್ರೀ ಈಡಿಯಟ್ಸ್ ನಂತೆ ಹಿಟ್ ಆಗುವ ವಿಶ್ವಾಸ ಇದೆ" ಎಂದು ಆತ್ಮವಿಶ್ವಾಸದಿಂದ ಹೇಳಿದ್ದಾರೆ, ನಿರ್ಮಾಪಕ ಛೋಪ್ರಾ. (ಏಜೆನ್ಸೀಸ್)