ಬ್ಯಾಂಕಾಕ್‌ನಲ್ಲಿ ಕಣ್ಣಿಗೆ ಡ್ಯಾಮೇಜ್ ಮಾಡಿಕೊಂಡ ಶ್ರದ್ಧಾ

"ಹೆಣ್ಣಿನ ಅಂದದ ಮೊಗಕೆ ಕಣ್ಣೇ ಭೂಷಣ..." ಎಂಬುದು ಹಳೆಯ ಹಾಡಾದರೂ ಇಂದಿಗೂ ಅರ್ಥಪೂರ್ಣ ಅನ್ನಿಸುತ್ತದೆ. ಆದರೆ ಅಂತಹ ಅಂದದ ಕಣ್ಣುಗಳಿಗೇ ಹಿಂದಿ ಹಾಗೂ ತೆಲುಗು ಚಿತ್ರರಂಗದ ಬೆಡಗಿ ಶ್ರದ್ಧಾ ದಾಸ್ ಡ್ಯಾಮೇಜ್ ಮಾಡಿಕೊಂಡಿದ್ದಾರೆ. ಅದೂ ದೂರದ ಬ್ಯಾಂಕಾಕ್‌ನಲ್ಲಿ.

ಬ್ಯಾಂಕಾಂಕ್‌ನಲ್ಲಿ ಆಕೆ ಅಭಿನಯಿಸುತ್ತಿರುವ ಚಿತ್ರವೊಂದರ ಚಿತ್ರೀಕರಣದಲ್ಲಿ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಸಂಭವಿಸಿದ ಅಪಘಾತದಲ್ಲಿ ಆಕೆಯ ಕಣ್ಣಿಗೆ ತೀವ್ರ ಗಾಯಗಳಾಗಿವೆ. ಹೇರ್ ಬ್ಯಾಂಡ್ ಹಾಕಿಕೊಳ್ಳುತ್ತಿರಬೇಕಾದರೆ ಈ ಅವಘಡ ಸಂಭವಿಸಿದೆ ಎಂದು ಮೂಲಗಳು ತಿಳಿಸಿವೆ.

ಕಣ್ಣಿನ ಕಾರ್ನಿಯಾ ಭಾಗಕ್ಕೆ ಗೀಚು ಗಾಯಗಳಾಗಿದ್ದ್ದು, ಮೂರು ದಿನ ರೆಸ್ಟ್ ತೆಗೆದುಕೊಳ್ಳುವಂತೆ ವೈದ್ಯರು ಶ್ರದ್ಧಾಗೆ ತಿಳಿಸಿದ್ದಾರೆ. "ಕಣ್ಣು ಸಿಕ್ಕಾಪಟ್ಟೆ ನೋವಾಗುತ್ತಿತ್ತು. ನೋವಿನ ಜೊತೆಗೆ ಧಾರಾಕಾರ ಕಣ್ಣೀರು. ಮೂರು ದಿನ ರೆಸ್ಟ್ ತೆಗೆದುಕೊಂಡಾಗಿದೆ. ಆದರೂ ನೋವು ಮಾತ್ರ ಇನ್ನೂ ಸ್ವಲ್ಪ ಇದೆ. ಮ್ಯಾನೇಜ್ ಮಾಡುತ್ತೇನೆ " ಎಂದಿದ್ದಾರೆ ಶ್ರದ್ಧಾ. (ಏಜೆನ್ಸೀಸ್)