ದೇಶದಾದ್ಯಂತ ಇಮ್ರಾನ್ ಜನ್ನತ್ 2 ಚಿತ್ರಕ್ಕೆ ಭಾರಿ ಕಲೆಕ್ಷನ್

ಬಾಲಿವುಡ್ ನಿರ್ದೇಶಕ ಮಹೇಶ್ ಭಟ್ ಚಿತ್ರಗಳೆಂದರೆ ಒಂದಷ್ಟು ಸೆಕ್ಸು, ಕ್ರೈಂ, ಹಾಟ್ ಕಿಸ್ಸಿಂಗ್ ಸೀನ್ಸ್ ನಿರೀಕ್ಷಿಸಬಹುದು. ಈಗ ತೆರೆಕಂಡು ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿರುವ 'ಜನ್ನತ್ 2' ಚಿತ್ರದಲ್ಲೂ ಇವೆಲ್ಲಾ ಮಸಾಲೆಗಳು ಇವೆ. ಇಮ್ರಾನ್ ಹಶ್ಮಿ, ಈಶಾ ಗುಪ್ತಾ ಅಭಿನಯದ ಈ ಚಿತ್ರ ಮೊದಲ ದಿನವೇ ಭರ್ಜರಿ ಓಪನಿಂಗ್ ಪಡೆದುಕೊಂಡಿದೆ.

ಮೊದಲ ದಿನವೇ ರು.9 ಕೋಟಿ ಬಾಚಿರುವುದಾಗಿ ಬಾಕ್ಸಾಫೀಸ್ ವರದಿಗಳು ಹೇಳುತ್ತವೆ. ಹೆಚ್ಚಾಗಿ ಕಲೆಕ್ಷನ್ ಆಗಿರುವುದು ಮಲ್ಟಿಫೆಕ್ಸ್‌ಗಳಲ್ಲಿ ಎಂಬುದು ವಿಶೇಷ. ಉಳಿದಂತೆ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳಲ್ಲೂ 'ಜನ್ನತ್ 2' ಗಳಿಕೆ ಆಶಾದಾಯಕವಾಗಿದೆಯಂತೆ.

ಅದೇ ಹಳೆಯ ಕತೆ, ಅದೇ ಮುಖಗಳು, ಕಿಸ್ಸಿಂಗ್ ಸೀನ್‌ಗಳು. ಚಿತ್ರದಲ್ಲಿ ಹೊಸದೇನು ಇಲ್ಲ ಎಂದು ಬಹುತೇಕ ಚಿತ್ರ ವಿಮರ್ಶೆಗಳು 'ಜನ್ನತ್ 2' ಚಿತ್ರಕ್ಕೆ ಸಾಧಾರಣ ಚಿತ್ರ ಎಂದು ಮುದ್ರೆ ಒತ್ತಿದ್ದವು. ಆದರೂ ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಬಾಕ್ಸಾಫೀಸರಲ್ಲಿ ದಾಖಲೆ ನಿರ್ಮಿಸುವ ಎಲ್ಲ ಸೂಚನೆಗಳನ್ನು ನೀಡಿದೆ. (ಏಜೆನ್ಸೀಸ್)