ಬೆತ್ತಲೆ ಚಿತ್ರ ಕಂಡು ಕಂಗಾಲಾದ ನಟಿ ಕಾಜಲ್

ಬಾಲಿವುಡ್ ನ ಥಳಕು ಬಳಕಿನ ಪ್ರಪಂಚದ ಚಾಲ್ ಗಳನ್ನು ಈಗಷ್ಟೇ ಕಲಿಯುತ್ತಿರುವ ಸಿಂಗಂ ಚಿತ್ರ ಖ್ಯಾತಿಯ ಕಾಜಲ್ ಅಗರವಾಲ್ ತೆರೆದೆದೆಯ ಚಿತ್ರವನ್ನು ಮುಂಬೈ ಮೂಲದ ಪತ್ರಿಕೆ ಮುಖಪುಟದಲ್ಲಿ ಪ್ರಕಟಿಸಿದೆ.

ಪುರುಷರಿಗಾಗಿ ಇರುವ ಎಫ್ ಎಚ್ ಎಂ ಮ್ಯಾಗಜೀನ್ ನ ಮುಖಪುಟದಲ್ಲಿ ಕಾಜಲ್ ತನ್ನ ಸ್ತನಗಳನ್ನು ಕೈಗಳಿಂದ ಅಡ್ಡಡ್ಡವಾಗಿ ಮುಚ್ಚಿಟ್ಟುಕೊಂಡಿರುವ ಚಿತ್ರವಿದೆ. ಆದರೆ, ಇದು ಕೀಳುಮಟ್ಟದ ವರದಿಗಾರಿಕೆ, ನಾನು ಆ ರೀತಿ ಎಂದಿಗೂ ಪೋಸ್ ನೀಡಿಲ್ಲ ಎಂದು ನಟಿ ಕಾಜಲ್ ಹೇಳಿದ್ದಾರೆ.

ಕಾಜಲ್ ಅವರ ಮುಖವನ್ನು ಬೇರೆ ಯಾರದೋ ದೇಹಕ್ಕೆ ಅಂಟಿಸಿ ಮಾರ್ಫ್ ಮಾಡಲಾದ ಚಿತ್ರವನ್ನು ಬಳಸಲಾಗಿದೆ. ಈಗಷ್ಟೇ ಹಿಂದಿ ಚಿತ್ರರಂಗಕ್ಕೆ ಕಾಲಿಡುತ್ತಿರುವ ಕಾಜಲ್ ಮುಖಭಂಗ ಮಾಡಲು ಯಾರೋ ಕುಹಕಿಗಳು ಈ ರೀತಿ ಮಾಡಿದ್ದಾರೆ.

ಅಕ್ಕನಿಗೆ ತಂಗಿ ಸಾಥ್: ಕಾಜಲ್ ಇಮೇಜ್ ಕೆಡಿಸಲು ಪತ್ರಿಕೆ ಮಾಡಿರುವ ಗಿಮಿಕ್ ಇದು ಎಂದು ಕಾಜಲ್ ತಂಗಿ ನಟಿ ನಿಶಾ ಅಗರವಾಲ್ ಹೇಳಿದ್ದಾರೆ. ಕನಸಿನಲ್ಲೂ ಈ ರೀತಿ ನನ್ನಕ್ಕ ಕಾಣಿಸಿಕೊಳ್ಳುವುದಿಲ್ಲ ಎಂದು ನಿಶಾ ಸ್ಪಷ್ಟವಾಗಿ ಹೇಳುತ್ತಾರೆ.

ಮ್ಯಾಗಜೀನ್ ನಲ್ಲಿ ಆ ರೀತಿ ಚಿತ್ರ ಕಾಣಿಸಿಕೊಂಡ ಮೇಲೆ ಕುಟುಂಬದ ಸದಸ್ಯರು ಕಂಗಾಲಾಗಿದ್ದಾರೆ. ಆಪ್ತೇಷ್ಟರಿಂದ ಕರೆಗಳು ಬರುತ್ತಿದೆ. ಎಲ್ಲರಿಗೂ ಉತ್ತರ ಕೊಡುವಷ್ಟರಲ್ಲಿ ಸಾಕಾಗಿ ಹೋಗಿದೆ. ಜನಕ್ಕೆ ನಿಜಕ್ಕಿಂತ ಸುಳ್ಳಿನ ಮೇಲೆ ನಂಬಿಕೆ ಹೆಚ್ಚು ಏನು ಮಾಡೋದು. ಪತ್ರಿಕೆ ವಿರುದ್ಧ ದೂರು ನೀಡಲು ಚಿಂತನೆ ನಡೆದಿದೆ ಎಂದು ನಿಶಾ ಹೇಳುತ್ತಾರೆ.

ಬಾಲಿವುಡ್ ನಲ್ಲಿ ಬಿಗ್ ಆಫರ್ ಗಳಿಸಲು ಕಾಜಲ್ ಈ ರೀತಿ ಮಾಡಿರಬಹುದು ಎಂದು ತಿಳಿದಿದ್ದ ಬಾಲಿವುಡ್ ನ ಕೆಲ ಮಂದಿಗೆ ಕಾಜಲ್ ನಿರಾಕರಿಸಿದ ಮೇಲೆ ಒಂದಿಷ್ಟು ನಿರಾಶೆಯಾಗಿದೆ. ಕಾಜಲ್ ಮಾತ್ರ ಪತ್ರಿಕೆಯನ್ನು ಶಪಿಸುತ್ತಾ ಮನೆಯಲ್ಲೇ ಕೂತಿದ್ದಾರೆ.