ಅಮ್ಮ ಐಶ್ವರ್ಯ ರೈ ಗಾಗಿ ಕಾಯುತ್ತಿವೆ ಸಿನಿಮಾಗಳು

ಅಮ್ಮನಾಗಿ ಇನ್ನೂ ತಿಂಗಳು ಕಳೆದಿರದ ಐಶ್ವರ್ಯಾ ರೈ ಬಚ್ಚನ್ ಗಾಗಿ ಎರಡು ಸಿನಿಮಾಗಳು ಕಾಯುತ್ತಿವೆ. ಒಂದು ರಾಜ್ ಕುಮಾರಿ ಸಂತೋಷಿಯವರ 'ಲೇಡಿಸ್ ಅಂಡ್ ಜಂಟಲ್ ಮನ್' ಹಾಗೂ ಇನ್ನೊಂದು 'ಸಂಜಯ್ ಲೀಲಾ ಬನ್ಸಾಲಿ'ಯ ಇನ್ನೂ ಹೆಸರಿಡದ ಚಿತ್ರ. ಆದರೆ ರಾಜ್ ಕುಮಾರ್ ಸಂತೋಷಿ ಚಿತ್ರದಲ್ಲೇ ಐಶೂ ಮೊದಲು ನಟಿಸುವ ಛಾನ್ಸ್ ಇದೆ.

ಕಾರಣ, ಲೇಡೀಸ್ ಅಂಡ್ ಜಂಟಲ್ ಮನ್ ಚಿತ್ರದಲ್ಲಿ ಐಶೂ ಪಾತ್ರ ಬಾಡಿ ಫಿಟ್ ನೆಸ್ ಬೇಡುವ ಪಾತ್ರ. ಈಗಷ್ಟೇ ಹಸಿ ಬಾಣಂತನದ ಆರೈಕೆಯಲ್ಲಿರುವ ಐಶೂ, ಆ ಪಾತ್ರವನ್ನು ಈಗ ನಿರ್ವಹಿಸಲು ಸಾಧ್ಯವಿಲ್ಲ. ಈ ಚಿತ್ರದಲ್ಲಿ ಐಶ್ವರ್ಯಾ ರೈ, ಗಂಡ ಅಭಿಷೇಕ್ ಜೊತೆಯಲ್ಲೇ ನಟಿಸಲಿದ್ದಾರೆ.

ಇನ್ನೂ ಹೆಸರಿಡದ ಸಂಜಯ್ ಲೀಲಾ ಬನ್ಸಾಲಿಯ ಚಿತ್ರ, ಅಮ್ಮನಾಗಿರುವ ಐಶೂ ಮೊದಲ ಬಾರಿಗೆ ಮತ್ತೆ ಬಣ್ಣಹಚ್ಚಲಿರುವ ಚಿತ್ರವಾಗಲಿದೆ. ತಾನು ಬಾಣಂತಿ ಎಂಬುದನ್ನೂ ಮರೆತು ಐಶೂ ಮತ್ತೆ ವೃತ್ತಿಗೆ ಮರಳಲು ತಯಾರಿ ನಡೆಸುತ್ತಿದ್ದಾರೆ. ಅವರ ಅಭಿಮಾನಿಗಳೂ ಅಷ್ಟೇ, ಅವರ ಸಿನಿಮಾಗಾಗಿ ಕಾಯುತ್ತಿದ್ದಾರೆ. (ಏಜೆನ್ಸೀಸ್)