ಬಾಕ್ಸ್ ಆಫೀಸ್ ಗಳಿಕೆಯಲ್ಲಿ ದಾಖಲೆಯತ್ತ ಡಾನ್ 2

ಇತ್ತೀಚಿಗೆ ಬಿಡುಗಡೆಯಾಗಿರುವ ಬಾಲಿವುಡ್ ಚಿತ್ರ 'ಡಾನ್ 2' ಬಾಕ್ಸ್ ಆಫೀಸ್ ನಲ್ಲಿ ಜಯಭೇರಿ ಭಾರಿಸಿದೆ. ಎರಡನೇ ವಾರಕ್ಕೆ ಕಾಲಿಟ್ಟಿರುವ ಈ ಚಿತ್ರ, ಇದೀಗ ರು. ನೂರು ಕೋಟಿ ಗಳಿಕೆ ದಾಟಿ ದಾಖಲೆ ಸಂಗ್ರಹದತ್ತ ಮುನ್ನುಗ್ಗಿದೆ. ಮೊದಲ ವಾರದಲ್ಲಿಯೇ ರು. 75.51 ಗಳಿಸಿ ಸಾಕಷ್ಟು ಮುಂದಿದ್ದ ಚಿತ್ರ, ಎರಡನೇ ವಾರದ ಹೊತ್ತಿಗೆ ಯಾವ ಪ್ರತಿಸ್ಪರ್ಧಿಗಳಿಲ್ಲದೇ ನಿರಾತಂಕವಾಗಿದೆ.

'ಕ್ಯಾ ಯಹೀ ಸಚ್ ಹೈ' ಚಿತ್ರ ಮಾತ್ರ ಈ ವಾರ ಬಿಡುಗಡೆಯಾಗಿದ್ದು ಅದು ಡಾನ್ 2 ಗೆ ಸ್ಪರ್ಧೆ ನಿಡುವಂತಿಲ್ಲ. ಹಾಗಾಗಿ ಡಾನ್ 2 ಬಾಕ್ಸ್ ಆಫೀಸ್ ಡಾನ್ ಆಗಿ ಮೆರೆಯುತ್ತಿದೆ. ಸದ್ಯದ ವರದಿಯಂತೆ ಡಾನ್ 2 ಒಟ್ಟೂ ಗಳಿಕೆ ರು. 103.24. ಅದರಲ್ಲಿ ಹಿಂದಿ ಆವೃತ್ತಿಯ ಗಳಿಕೆ ರು. 100.12 ಆಗಿದ್ದರೆ ತಮಿಳು ರು. 1.30 ಮತ್ತು ತೆಲುಗು ರು. 1.82 ಸೇರಿದೆ.

ಡಾನ್ 2 ಗಳಿಕೆ ಓಟ ಹೀಗೆ ಮುಂದುವರಿದರೆ ಬಾಕ್ಸ್ ಆಫೀಸ್ ಕಿಂಗ್ ಎನಿಸಿಕೊಳ್ಳಲಿದೆ. ರಾ ಒನ್ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ವಿಫಲವಾದ ಹಿನ್ನೆಲೆಯಲ್ಲಿ ಶಾರುಖ್ ಖಾನ್ ಗೆ ಇಂಥದೊಂದು 'ಹಿಟ್' ಅತ್ಯಗತ್ಯವಿತ್ತು. ಈಗ ಶಾರುಖ್ ಬಾಲಿವುಡ್ ಬಾದಶಾಹ ಆಗಿ ಮೊದಲಿನಂತೆ ನಿರಾಳ. (ಏಜೆನ್ಸೀಸ್)