ಮಾಜಿ ಪ್ರೇಮಿ ವಿರುದ್ಧ ರಾಖಿ ಕುಣಿತ ಸಮರ

By Mahesh

| Published: Tuesday, April 6, 2010, 17:53 [IST]

ಬಾಲಿವುಡ್ ನ ಐಟಂಗರ್ಲ್, ವಿವಾದಗಳ ರಾಣಿ ರಾಖಿ ಸಾವಂತ್ ಮತ್ತೆ ಕಾಲಿಗೆ ಗೆಜ್ಜೆ ಕಟ್ಟಿ ಕುಣಿಯಲು ಸಜ್ಜಾಗಿದ್ದಾರೆ. ಸ್ಟಾರ್ ಪ್ಲಸ್ ನ ರಿಯಾಲಿಟಿ ಷೋ' ಜರಾ ನಚ್ಕೆ ದಿಖಾ' ದಲ್ಲಿ ಕುಣಿಯಲು ರಾಖಿ ಮನಸ್ಸು ಮಾಡಿದ್ದಾರೆ. ರಾಖಿ ಸ್ಪರ್ಧಿಗಿಳಿಯುತ್ತಿರುವುದು ತನ್ನ ಮಾಜಿ ಪ್ರೇಮಿ ಅಭಿಷೇಕ್ ಅವಸ್ಥಿ ವಿರುದ್ಧ ಎಂಬುದು ಇಲ್ಲಿ ವಿಶೇಷ.

ಅಭಿಷೇಕ್ ಕೂಡ ಸ್ಪರ್ಧಿಯಾಗಿದ್ದಾನೆ ಈ ಬಗ್ಗೆ ಏನು ಹೇಳ್ತೀರಾ ಎಂದು ಕೇಳಿದರೆ, 'ಅಭಿಷೇಕ್ ಅವಸ್ಥಿಯಾಗಲಿ, ಅಮೀರ್ ಖಾನ್, ಶಾರುಖ್ ಖಾನ್ ಆಗಲಿ ನಾನು ಕೇರ್ ಮಾಡುವುದಿಲ್ಲ, ಸ್ಪರ್ಧಿಗಿಳಿದ ಮೇಲೆ ಎಲ್ಲರೂ ಒಂದೇ. ಇಲ್ಲಿ ಗೆಲುವು ನಮಗೆ ಖಚಿತ' ಎಂಬ ಬಿಂದಾಸ್ ಮಾತುಗಳನ್ನಾಡಿದರು ರಾಖಿ.

ಸುಮಾರು 9 ವಾರಗಳ ಕಾಲ ನಡೆಯುವ ಈ ಬಾಯ್ಸ್ V/s ಗರ್ಲ್ಸ್ ಡಾನ್ಸ್ ಸಮರದಲ್ಲಿ ಕಿರುತೆರೆಯ ಪ್ರಸಿದ್ಧ ತಾರೆಗಳ ದಂಡೆ ಇದೆ. ರಾಖಿ ಅಲ್ಲದೆ, ಅದಿತಿ ಗುಪ್ತಾ, ಹಜೆಲ್ ಕ್ರೋನಿ, ಕೃತಿಕಾ ಕಾಮ್ರಾ, ಮುಕ್ತಿ ಮೋಹನ್, ರಷ್ಮಿ ದೇಸಾಯಿ, ಸಂಗೀತಾ ಘೋಷ್, ಸಂಜೀದಾ ಶೇಖ್ , ಸಪರ್ಶ್ ಕಂಚಂನ್ ದಾನಿ ಮತ್ತಿತ್ತರಿದ್ದಾರೆ. ಇವರಿಗೆ ಟಾಂಗ್ ಕೊಡಲು ಅಭಿಷೇಕ್ ಅವಸ್ತಿ ಅಲ್ಲದೆ ಕರಣ್ ಕುಂದ್ರಾ, ಸಿದ್ದೇಶ್ ಪೈ, ಸುಶಾಂತ್ ಮುಂತಾದವರು ಭಾಗವಹಿಸಲಿದ್ದಾರೆ.