ರವೀನಾ ಮತ್ತೆ ಬರುತ್ತಿದ್ದಾರೆ, ದಯವಿಟ್ಟು ದಾರಿಬಿಡಿ

ಬಾಲಿವುಡ್ ಬೆಡಗಿ ರವೀನಾ ಟಂಡನ್ ಎದೆಬಡಿತ ಜಾಸ್ತಿಯಾಗಿದೆಯಂತೆ. 'ಯೇ ಚೀಜ್ ಬಡೀ ಹೈ ಮಸ್ತ್ ಮಸ್ತ್ ' ಅಂತ ಹಾಡಿ ಪಡ್ಡೆಗಳೆಲ್ಲರ ನಿದ್ದೆ ಕೆಡಿಸಿದ್ದ ಆಗೊಂದು ಕಾಲದ ಮಸ್ತ್ ಮಸ್ತ್ ಹುಡುಗಿ ರವೀನಾ ಟಂಡನ್ ಇದೀಗ ಕಿರುತೆರೆಗೆ ಪ್ರವೇಶ ನೀಡಿದ್ದಾರೆ. ಮಾತುಗಾತಿಯಲ್ಲದ ರವೀನಾಗೆ ಇದನ್ನು ನಿಭಾಯಿಸಬಲ್ಲನೇ ಎಂಬ ನಡುಕ ಹುಟ್ಟಿ ಎದೆಬಡಿತ ಜಾಸ್ತಿ ಆಗುತ್ತಿದೆಯಂತೆ.

ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗಲಿರುವ 'ಇಸಿ ಕಾ ನಾಮ್ ಹೈ ಜಿಂದಗಿ' ಎಂಬ ಕಾರ್ಯಕ್ರಮ ನಡೆಸಿಕೊಡಲು ಒಪ್ಪಿರುವ ರವೀನಾ ಟಂಡನ್ ಅವರಿಗೆ ಇದು ಮೊದಲ ಕಿರಿತೆರೆ ಪ್ರವೇಶ. ಎರಡು ಮಕ್ಕಳ ತಾಯಿಯಾಗಿ ಇದೀಗ ಕಿರಿತೆರೆ ಕಾರ್ಯಕ್ರಮ ನೀಡಲು ಒಪ್ಪಿದ್ದಲ್ಲದೇ, ಶೋಭನಾ 7 ನೈಟ್ಸ್' ಹಾಗೂ 'ಗಿನ್ ಲಿಯಾ ಆಸ್ಮಾನ್' ಎಂಬ ಸಿನಿಮಾದಲ್ಲಿ ಕೂಡ ನಟಿಸುತ್ತಿದ್ದಾರೆ ರವೀನಾ.

ಖಾಸಗಿ ವಾಹಿನಿ ಎನ್ ಡಿ ಟಿವಿಯಲ್ಲಿ ಪ್ರಸಾರವಾಗುಲಿರುವ ಈ ಕಾರ್ಯಕ್ರಮಕ್ಕೆ ಈಗಾಗಲೇ ನಟಿ ವಿದ್ಯಾ ಬಾಲನ್ ಹಾಗೂ ಅವರ ಕುಟುಂಬವನ್ನು ಮಾತನಾಡಿಸಿರುವ ರವೀನಾಗೆ ಇದೀಗ ಸ್ವಲ್ಪ ಆತ್ಮವಿಶ್ವಾಸ ಹೆಚ್ಚಿದೆಯಂತೆ. "ಈ ಶೋನಲ್ಲಿ ಬರುವ ಬಹುತೇಕ ತಾರೆಯರು ನನ್ನ ಸ್ನೇಹಿತರೇ ಆಗಿರುವುದರಿಂದ ನನಗೆ ಸ್ವಲ್ಪ ರಿಲೀಫ್" ಎಂದಿದ್ದಾರೆ ರವೀನಾ ಟಂಡನ್. ಮುಂದಿನ ಪುಟ ನೋಡಿ...