'ಡರ್ಟಿ' ಗರ್ಲ್ ವಿದ್ಯಾ ಬಾಲನ್ ಮೇಲೆ ಕ್ರಿಮಿನಲ್ ಕೇಸ್

ಬಾಲಿವುಡ್ ಹಾಟ್ ತಾರೆ ವಿದ್ಯಾ ಬಾಲನ್ ಮೇಲೆ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಿಕೊಳ್ಳುವಂತೆ ಹೈದರಾಬಾದಿನ ನಾಂಪಲ್ಲಿ ಕ್ರಿಮಿನಲ್ ನ್ಯಾಯಾಲಯ ನಲ್ಲಕುಂಟ ಪೊಲೀಸರಿಗೆ ಸೂಚಿಸಿದೆ. ದಿ ಡರ್ಟಿ ಪಿಕ್ಚರ್ ಚಿತ್ರದ ಪೋಸ್ಟರ್ ಹಾಗೂ ಪ್ರೊಮೋಗಳಲ್ಲಿ ಅಸಭ್ಯವಾಗಿ ಪೋಸ್ ನೀಡಿದ್ದಾರೆ ಎಂಬ ಆರೋಪ ವಿದ್ಯಾ ಅವರ ಮೇಲಿದೆ.

ಈ ಸಂಬಂಧ ವಿದ್ಯಾ ಅವರ ಮೇಲೆ ಎಸ್ ಕೆ ಆಜಾದ್ ಎಂಬ ವಕೀಲರು ನವೆಂಬರ್ 29ರಂದು ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು. ಮಹಿಳೆಯರನ್ನು ಅಸಭ್ಯವಾಗಿ ಪ್ರದರ್ಶಿಸುವುದನ್ನು ತಡೆಯುವ 1996ರ ಕಾಯಿದೆ ಸೇರಿದಂತೆ ಹಲವು ಐಪಿಸಿ ಸೆಕ್ಷನ್‌ಗಳನ್ನು ವಿದ್ಯಾ ಮೇಲೆ ಜಡಿಯಲಾಗಿತ್ತು.

ಅರ್ಜಿಯನ್ನು ಪರಿಶೀಲಿಸಿದ ನ್ಯಾಯಾಲಯ ವಿದ್ಯಾ ಬಾಲನ್ ವಿರುದ್ಧ ಕ್ರಮ ತೆಗೆದುಕೊಳ್ಳುವಂತೆ ಪೊಲೀಸರಿಗೆ ಆದೇಶಿಸಿದೆ. "ದಿ ಡರ್ಟಿ ಪಿಕ್ಚರ್ " ಚಿತ್ರದ ಪೋಸ್ಟರ್‌ಗಳು ಸಾರ್ವಜನಿಕರ ಮನಸ್ಸನ್ನು ಕೆಡಿಸುತ್ತಿವೆ. ಸಮಾಜದ ಸ್ವಾಸ್ಥ್ಯವನ್ನು ಕೆಡಿಸುತ್ತಿವೆ" ಎಂದು ಆಜಾದ್ ತಮ್ಮ ಅರ್ಜಿಯಲ್ಲಿ ಕೋರ್ಟ್‌ಗೆ ಒತ್ತಿ ಹೇಳಿದ್ದರು. (ಏಜೆನ್ಸೀಸ್)