ಮುಖಪುಟ

ಬಾಲಿವುಡ್

ಶಾರುಖ್ ಖಾನ್ ನಟನೆ ಮತ್ತು ನಿರ್ಮಾಣದ ರಾ ಒನ್ ಚಿತ್ರದ ಬಾಕ್ಸ್ ಆಫೀಸ್ ಗಳಿಕೆ ಎರಡನೇ ವಾರಾಂತ್ಯದಲ್ಲಿ ಕುಸಿದಿದೆ. ಬಿಗ್ ಬಜೆಟ್ ಮತ್ತು ಬಹುನಿರೀಕ್ಷಿತ ಚಿತ್ರ ರಾ ಒನ್ ಮೊದಲ ವಾರದಲ್ಲಿ ಒಳ್ಳೆಯ ಗಳಿಕೆ ಹೊಂದಿತ್ತು. ಆದರೆ ಚಿತ್ರದ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ಎಲ್ಲೆಡೆ ವ್ಯಕ್ತವಾಗಿತ್ತು.

ಪ್ರಾರಂಭದಲ್ಲಿ 85.50 ಕೋಟಿ ಗಳಿಸಿದ್ದ ಈ ಚಿತ್ರ, ಎಲ್ಲಾ ಭಾಷೆಗಳ ಗಳಿಕೆಯಲ್ಲಿ ಎರಡನೇ ವಾರ ಮುಗಿಯುತ್ತಿದ್ದಂತೆ ಮುಗ್ಗರಿಸಿದೆ. ಸುಮಾರು 9 ಕೋಟಿ ಮಾತ್ರ ಗಳಿಸಿ 90% ಕುಸಿತ ಅನುಭವಿಸಿರುವ ರಾ ಒನ್ ಇದೀಗ ಮೂರನೆಯ ವಾರಕ್ಕೆ ಕುಂಟುತ್ತಾ ಸಾಗಿದೆ.

ಈಗಾಗಲೇ ಎರಡನೇ ಶುಕ್ರವಾರ 2 ಕೋಟಿ, ಶನಿವಾರ 3 ಕೋಟಿ ಗಳಿಸಿರುವ ಇದು, ಭಾನುವಾರ 4 ಕೋಟಿ ಗಳಿಸಿದೆ. ಈಗಾಗಲೇ ರು. 107 ಕೋಟಿಯ ಜೊತೆಗೆ ಈ 9 ಕೋಟಿ ಸೇರಿ, ಒಟ್ಟೂ 116 ಕೋಟಿ ಗಳಿಸಿದಂತಾಗಿದೆ. ಮುಂದಿನ ಗಳಿಕೆ ಹೆಚ್ಚಾಗದಿದ್ದಲ್ಲಿ ಶಾರುಖ್ ಖಾನ್ ಹಣ ನೀರಿನಲ್ಲಿ ಮಾಡಿದ ಹೋಮವಾಗಲಿದೆ (ಏಜೆನ್ಸೀಸ್)