Don't Miss!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೈಫ್, ಕರೀನಾ ಮದುವೆಗೆ ಗ್ರೀನ್ ಸಿಗ್ನಲ್!
ಬಾಲಿವುಡ್ ಚೋಟೆ ನವಾಬ್ ಮತ್ತು ಕರೀನಾ ಕಪೂರ್ ತಮ್ಮಿಬ್ಬ್ಬರ ಮದುವೆ ಬಗ್ಗೆ ಎಲ್ಲೂ ತುಟಿ ಬಿಚ್ಚುತ್ತಿಲ್ಲ. ಆದರೆ ಸೈಫ್ ರ ತಾಯಿ ಶರ್ಮಿಳಾ ಠಾಗೋರ್ ಗೆ ಮಾತ್ರ ಈ ವಿಚಾರದಲ್ಲಿ ಕೊಂಚ ಧಾವಂತ. ಆದಷ್ಟು ಬೇಗ ಇವರಿಬ್ಬರ ಮದುವೆ ಮಾಡಿ ಮುಗಿಸಬೇಕು ಎಂಬುದು ಶರ್ಮಿಳಾ ಠಾಗೋರ್ ರ ಎಣಿಕೆ.
ಕರೀನಾ ಮದುವೆ ವಿಚಾರವಾಗಿ ಸೈಫ್ ಇದುವರೆಗೂ ನನ್ನ ಬಳಿ ಬಾಯ್ಬಿಟ್ಟಿಲ್ಲ. ಆದರೆ ನಾವಿಬ್ಬರೂ (ಮನ್ಸೂರ್ ಅಲಿಖಾನ್ ಪಟೌಡಿ ಮತ್ತು ಶರ್ಮಿಳಾ) ಸೈಫ್ ಮದುವೆ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ್ದೇವೆ. ಈ ಬಗ್ಗೆ ಆಲೋಚಿಸಿ ಶೀಘ್ರ ನಿರ್ಧಾರಕ್ಕೆ ಬರುವಂತೆ ಅವರಿಬ್ಬರಿಗೂ ಕೊಂಚ ಕಾಲಾವಕಾಶ ಕೊಡುತ್ತೇವೆ ಎನ್ನುತ್ತಾರೆ ಶರ್ಮಿಳಾ.
ಸೈಫ್ ಮತ್ತು ಕರೀನಾ ತಮ್ಮ ಹಳೆಯ ಸಂಬಂಧಗಳಿಂದ ಹೊರಬಂದಿದ್ದಾರೆ. ಅವರಿಬ್ಬರೂ ತಮ್ಮ ಮದುವೆ ಪ್ರಸ್ತಾವನೆಯನ್ನು ಯಾವಾಗ ತಿಳಿಸುತ್ತಾರೆ ಎಂದು ಕಾತುರದಿಂದ ಎದುರು ನೋಡುತ್ತಿದ್ದೇವೆ. ಒಬ್ಬರನ್ನೊಬ್ಬರು ಚೆನ್ನಾಗಿ ಅರಿತಿದ್ದಾರೆ. ದೇವರ ದಯೆಯಿಂದ ಇವರಿಬ್ಬರ ಮದುವೆ ನೆರವೇರುತ್ತದೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.
ಪೋಷಕರಾದ ನಾವು ಅವರಿಬ್ಬರೂ ಆದಷ್ಟು ಬೇಗ ದಾಂಪತ್ಯ ಜೀವನಕ್ಕೆ ಅಡಿಯಿಡಲಿ ಎಂದು ಆಶಿಸುತ್ತಿದ್ದೇವೆ. ಈ ಸಂಬಂಧ ಈಗಾಗಲೇ ಕರೀನಾ ಕುಟುಂಬದವರನ್ನು ಪಟೌಡಿ ಮಾತನಾಡಿದ್ದಾರೆ. ಅವರಿಬ್ಬರ ಸಂಬಂಧದ ಬಗ್ಗೆಯಾಗಲಿ, ಮದುವೆ ಬಗ್ಗೆಯಾಗಲಿ ನಮ್ಮದೇನು ಅಭ್ಯಂತರ ಇಲ್ಲ ಎಂಬ ಉತ್ತರವೂ ಕಪೂರ್ ಕುಟುಂಬದಿಂದ ಬಂದಿದೆ ಎನ್ನುತ್ತಾರೆ ಸೈಫ್ ರ ತಾಯಿ.
ಒಟ್ಟಿನಲ್ಲಿ ಸೈಫ್ ಮತ್ತು ಕರೀನಾ ಮದುವೆಗೆ ಗ್ರೀ ನ್ ಸಿಗ್ನಲ್ ಬಿದ್ದಿದೆ. ಶರ್ಮಿಳಾ ಠಾಗೂರ್ ಈಗಾಗಲೇಮದುವೆ ಆರತಕ್ಷತೆ ಕಾರ್ಯಕ್ರಮಕ್ಕೆ ಏನೇನು ಅಡುಗೆ ಮಾಡಿಸಬೇಕೆಂಬ ಕೆಲಸದಲ್ಲಿ ನಿರತರಾಗಿದ್ದಾರೆ ಎನ್ನುತ್ತಾರೆ ಸೋಹಾ ಅಲಿಖಾನ್. ಇದಕ್ಕೆ ಶರ್ಮಿಳಾ ಸಹ ಧ್ವನಿಗೂಡಿಸಿದ್ದು, ನಮ್ಮ ಕುಟುಂಬದಲ್ಲಿ ಸೋಹಾ ಹೇಳಿದ್ದೇ ಅಂತಿಮ ಎಂದಿದ್ದಾರೆ.
(ದಟ್ಸ್ ಕನ್ನಡ ಚಿತ್ರವಾರ್ತೆ)