Don't Miss!
- Sports PBKS vs MI IPL 2024: ಸೂರ್ಯಕುಮಾರ್ ಶೈನಿಂಗ್; ಪಂಜಾಬ್ಗೆ ಸವಾಲಿನ ಗುರಿ ನೀಡಿದ ಮುಂಬೈ
- News ಒಳರೋಗಿಗಳು ಆಸ್ಪತ್ರೆಯಲ್ಲಿನ ಆಹಾರವನ್ನೇ ಏಕೆ ಸೇವಿಸಬೇಕು? ಇದಕ್ಕೆ ಕಾರಣವೇನು?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಐಶ್ವರ್ಯ ರೈ ಕೊರಳಿಗೆ ಬಿತ್ತು ಅತ್ಯಂತ ಕಳಪೆ ನಟಿ ಪ್ರಶಸ್ತಿ
ಅತ್ಯುತ್ತಮ ನಟಿ, ನಟ ಪ್ರಶಸ್ತಿಗಳನ್ನು ಕೇಳಿದ್ದೀರಿ. ಆದರೆ ಅತ್ಯಂತ ಕಳಪೆ ನಟ, ನಟಿ ಪ್ರಶಸ್ತಿಯನ್ನು ಕೇಳಿದ್ದೀರಾ? ಈ ರೀತಿಯ ಪ್ರಶಸ್ತಿಗಳನ್ನು ನೀಡುವ ಪರಿಪಾಠವನ್ನು "ಘಂಟಾ ಅವಾರ್ಡ್" ಪಾಲಿಸಿಕೊಂಡು ಬರುತ್ತಿದೆ. ಈ ಬಾರಿ ಬಾಲಿವುಡ್ ತಾರೆ ಐಶ್ವರ್ಯ ರೈ ಕೊರಳಿಗೆ ಅತ್ಯಂತ ಕಳಪೆ ನಟಿ ಪ್ರಶಸ್ತಿ ಬಿದ್ದಿದೆ.
ನೋಬೆಲ್ ಪ್ರಶಸ್ತಿಗೆ ಪರ್ಯಾಯವಾಗಿ Ig Nobel ಪ್ರಶಸ್ತಿ ಪ್ರಕಟಿಸುವುದಿಲ್ಲವೆ ಹಾಗೆ ಸಿನಿಮಾದಲ್ಲೂ ಈ ರೀತಿಯ ಕಾಲೆಳೆಯುವ ಪರಿಪಾಠವಿದೆ. ಆದರೆ ಯಾರೂ ಈ ಪ್ರಶಸ್ತಿಯನ್ನು ಸ್ವೀಕರಿಸುವುದಿಲ್ಲ. ಪ್ರಶಸ್ತಿಯನ್ನಂತೂ ಪ್ರಕಟಿಸಿಯಾಗಿದೆ, ಸ್ವೀಕರಿಸುವುದೂ ಬಿಡುವುದು ನಿಮಗೆ ಬಿಟ್ಟದ್ದು ಎಂದು ಘಂಟಾಘೋಷವಾಗಿ ಘಂಟಾ ಪ್ರಶಸ್ತಿಗಳು ಹೇಳುತ್ತಿವೆ.
ಇನ್ನು ಐಶ್ವರ್ಯ ರೈ ಅವರಿಗೆ ಯಾಕೆ ಈ ಪ್ರಶಸ್ತಿ ನೀಡಲಾಯಿತು ಎಂದರೆ... ಕಳೆದ ವರ್ಷ ಐಶು ಅಭಿನಯದ ನಾಲ್ಕು ಚಿತ್ರಗಳು ನೆಲಕಚ್ಚಿವೆ.ಅದರಲ್ಲೂ ಮುಖ್ಯವಾಗಿ ರಜನಿಕಾಂತ್ ಜತೆ ಅಭಿನಯದ 'ಎಂಧಿರನ್' ರೀಮೇಕ್ 'ರಾವಣ್' ಬಾಕ್ಸಾಫೀಸಲ್ಲಿ ಮಣ್ಣು ಮುಕ್ಕಿತ್ತು. ಇನ್ನು 'ಗುಜಾರೀಷ್' ಚಿತ್ರವಂತೂ ಗುಜರಿಗೆ ಸೇರಿತು. ಈ ಎಲ್ಲಾ ಕಾರಣಗಳಿಂದಾಗಿ ಈ ವರ್ಷ ಆಕೆಯ ಕೊರಳಿಗೆ ಘಂಟಾ ಪ್ರಶಸ್ತಿ ಬಿದ್ದಿದೆ.
ಅತ್ಯಂತ ಕಳಪೆ ಪ್ರಶಸ್ತಿಗೆ ಭಾಜನರಾದ ಉಳಿದವರ ಹೆಸರುಗಳು ಹೀಗಿವೆ. ಹಿಮೇಶ್ ರೇಷ್ಮಿಯಾ (ಅತ್ಯಂತ ಕಳಪೆ ನಟ), ಸಜಿದ್ ಖಾನ್ (ಅತ್ಯಂತ ಕಳಪೆ ನಿರ್ದೇಶಕ), ಪ್ಯಾರ್ ಇಂಪಾಸಿಬಲ್ (ಅತ್ಯಂತ ಕಳಪೆ ಚಿತ್ರ) , ಲಾರಾ ದತ್ತ (ಅತ್ಯಂತ ಕಳಪೆ ಪೋಷಕ ನಟಿ). ಈ ಪ್ರಶಸ್ತಿಗಳು ಪ್ರಕಟವಾಗುವ ಮೂಲಕ ಬಾಲಿವುಡ್ನಲ್ಲಿ ಢಣ ಢಣ ಘಂಟೆ ಬಾರಿಸಿದಂತಾಗಿದೆ.