ಜಾನ್-ವಿದ್ಯಾ ಬಾಲನ್ ರೋಮಾನ್ಸ್ ನಲ್ಲಿ ಫೋರ್ಸ್ 2!

ಅದಕ್ಕೆ ಉತ್ತರ ಇಲ್ಲಿದೆ. 2007 ರಲ್ಲಿ ಬಿಡುಗಡೆಯಾಗಿದ್ದ 'ಸಲಾಮ್ ಈ ಇಶ್ಕ್' ಸಿನಿಮಾದಲ್ಲಿ ಈ ಜಾನ್-ವಿದ್ಯಾ ಜೋಡಿ ಎಷ್ಟು ಜನಪ್ರಿಯವಾಗಿತ್ತೆಂದರೆ ಜಾನ್ ಅಬ್ರಹಾಂ ನ ಆಗಿನ ಪ್ರೇಯಸಿ ಆಗಿದ್ದ ಬಿಪಾಶಾ ಬಸು, ವಿದ್ಯಾ ಜೊತೆ ಮಾತುಕತೆಗೂ ಜಾನ್ ಗೆ ಅಡ್ಡಿಪಡಿಸುತ್ತಿದ್ದಳು. ಈಗ ಬಿಪಾಶಾ ಜಾನ್ ನಿಂದ ದೂರವಾಗಿರುವುದರಿಂದ ಆ ತಲೆನೋವು ಯಾರಿಗೂ ಇಲ್ಲ. ಈಗ ಜಾನ್ ಸ್ವತಂತ್ರ ಭಾರತದ ಸ್ವತಂತ್ರ ಪ್ರಜೆ, ವಿದ್ಯಾ ಜೊತೆ ರೊಮಾನ್ಸ್ ಗೆ 'ನೋ ರೆಡ್' ಸಿಗ್ನಲ್!

ಮುಂದೆ ಪ್ರಾರಂಭವಾಗಲಿರುವ ಜಾನ್-ವಿದ್ಯಾ ಜೋಡಿಯ ಫೋರ್ಸ್ 2, ಸಂಪೂರ್ಣ ಹೊಸತನದ ಕಥೆಯ ಜೊತೆ ಸಾಹಸವನ್ನೂ ಒಳಗೊಂಡಿದೆ ಎಂಬ ಗುಟ್ಟನ್ನು ರಟ್ಟು ಮಾಡಿದ್ದಾರೆ ನಿರ್ದೇಶಕ ನಿಶಿಕಾಂತ್ ಕಾಮತ್. ಮೂಲ ಚಿತ್ರದ ನಿರ್ದೇಶಕರನ್ನೇ ಇಲ್ಲೂ ಮುಂದುವರಿಸಲಿದ್ದಾರೆ ಈ ಚಿತ್ರಕ್ಕೂ ನಿರ್ಮಾಪಕರಾಗಿರುವ ವಿಪುಲ್ ಷಾ. ಬದಲಾವಣೆ ಎಂದರೆ ಜೆನಿಲಿಯಾ ಬದಲು ಜಾನ್ ಜೋಡಿಯಾಗಿ ಆಯ್ಕೆಯಾಗಿದ್ದಾರೆ, ವಿದ್ಯಾ ಬಾಲನ್. ಮಲೆಯಾಳಂ ಹುಡುಗಿ, ಬಾಲಿವುಡ್ ಬೆಡಗಿ ವಿದ್ಯಾಗೆ ಕಂಗ್ರಾಟ್ಸ್...