ಕರೀನಾ ಕಪೂರ್ ಸೈಫ್ ನಿಖಾಗೆ ಮುಹೂರ್ತ ಫಿಕ್ಸ್

ಬಾಲಿವುಡ್ ಬೆಡಗಿ ಕರೀನಾ ಕಪೂರ್ ಹಾಗೂ ಸೈಫ್ ಆಲಿ ಖಾನ್ ಮದುವೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಫೆಬ್ರವರಿ 2012ರಲ್ಲಿ ಇಬರಿಬ್ಬರು ನಿಶ್ಚಿತಾರ್ಥ ನಡೆಯಲಿದ್ದು, ಅದೇ ವರ್ಷ ಅಕ್ಟೋಬರ್‌ನಲ್ಲಿ ಮದುವೆ ಈ ಬಂಧ ಅನುರಾಗದ ಅನುಬಂಧ, ಏಳೇಳು ಜನುಮದಲೂ, ತೀರದ ಸಂಬಂಧ ಎಂದು ಹಾಡಲಿದ್ದಾರೆ.

ಪ್ರೇಮಿಗಳ ದಿನದಂದು ಇವರಿಬ್ಬರೂ ನಿಶ್ಚಿತಾರ್ಥ ಮಾಡಿಕೊಳ್ಳಬೇಕೆಂದು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ನಿಶ್ಚಿತಾರ್ಥವನ್ನು ಈ ಜೋಡಿ ಅದ್ದೂರಿಯಾಗಿ ಮಾಡಿಕೊಳ್ಳಲಿದ್ದು, ಈಗಾಗಲೆ ಇಬ್ಬರ ಕಡೆಯವರೂ ಮದುವೆ ಬಗ್ಗೆ ಭಾರಿ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದ್ದಾರೆ.

ಸದ್ಯಕ್ಕೆ ಕರೀನಾ ತಮ್ಮ ಕೈಯಲ್ಲಿರುವ ಚಿತ್ರಗಳನ್ನು ಈ ವರ್ಷಾಂತ್ಯಕ್ಕೆ ಮುಗಿಸಿಕೊಳ್ಳುವ ತಾರಾತುರಿಯಲ್ಲಿದ್ದಾರೆ. ಇವರಿಬ್ಬರ ಶಾದಿಕೆ ಬಾದ್ ಇದೇ ಜೋಡಿಯ 'ಏಜೆಂಟ್ ವಿನೋದ್' ಚಿತ್ರವೂ ತೆರೆಕಾಣಲಿದೆ. ಈಗಾಗಲೆ ಮದುವೆಗೆ 15ದಿನ ನಿಶ್ಚಿತಾರ್ಥಕ್ಕೆ 10 ದಿನ ರಜೆ ಘೋಷಿಸಿಕೊಂಡಿದ್ದಾರೆ. (ಏಜೆನ್ಸೀಸ್)