ಮುಂಬೈಗೆ ಮರಳಿದ ಬಾಲಿವುಡ್ ಬೆಡಗಿ ಮಾಧುರಿ ದೀಕ್ಷಿತ್

ವಿಮಾನ ನಿಲ್ದಾಣದಲ್ಲಿ ತನ್ನ ಪೋಷಕರ ಜೊತೆ ಒಂದಾದ ಮಾಧುರಿ ತನ್ನ ತವರುಮನೆಯನ್ನು ಕಂಡು ತುಂಬಾ ಖುಷಿಗೊಂಡರು. ತೊಟ್ಟಿದ್ದ ಕಪ್ಪು ಬಟ್ಟೆಯಲ್ಲಿ ಮಿರಮಿರ ಮಿಂಚುತ್ತಿದ್ದ ಮಾಧುರಿ ನೋಡುಗರ ಕಣ್ಣಿಗೆ ಈಗಲೂ ಹಬ್ಬವೇ ಆಗಿದ್ದರು. ಕೇಳಿದ ಪ್ರಶ್ನೆಯೊಂದಕ್ಕೆ "ನನ್ನ ವ್ಯಕ್ತಿತ್ವಕ್ಕೆ ಬಿಗ್ ಬಾಸ್ ಸರಿಹೊಂದುವುದಿಲ್ಲ" ಎಂದು ಚುಟುಕಾಗಿ ಉತ್ತರಿಸಿದರು ಮಾಧುರಿ.

ಈ ಮೊದಲು ಅಮೆರಿಕಾದಿಂದಲೇ ಮಾಧುರಿ ಟ್ವೀಟ್ ಮಾಡಿದ್ದರು, ಅಕ್ಟೋಬರ್ ಮಧ್ಯದಲ್ಲಿ ನಾನು ಮುಂಬೈಗೆ ಮರಳಲಿದ್ದೇನೆ, ತುಂಬಾ ತುಂಬಾ ಖುಷಿಯಾಗುತ್ತದೆ ಎಂದು. ಈಗ ಅವರ ಆಗಮನ ನಿಜವಾಗಿರುವುದರಿಂದ ಅವರ ಅಭಿಮಾನಿಗಳಿಗೆ ಸಖತ್ ಖುಷಿಯಾಗಿದೆ. ಈ ಧಕ್ ಧಕ್ ಹುಡುಗಿಯನ್ನು ಯಾರಾದರೂ ಮರೆಯಲು ಸಾಧ್ಯವೇ?!