ಮಧುರ್ ಭಂಡಾರ್‌ಕರ್ ಜೀವ ಉಳಿಸಿದ ಕರೀನಾ ಕಪೂರ್

ಬಾಲಿವುಡ್ ತಾರೆ ಕರೀನಾ ಕಪೂರ್ ಅವರನ್ನು ಎಂಟು ಕೋಟಿಗೆ ಕುದುರಿಸುವಲ್ಲಿ ಮಧುರ್ ಭಂಡಾರ್‌ಕರ್ ಯಶಸ್ವಿಯಾಗಿದ್ದಾರೆ. ತಮ್ಮ ಮಹತ್ವಾಕಾಂಕ್ಷಿ ಚಿತ್ರ 'ಹೀರೋಯಿನ್' ಚಿತ್ರಕ್ಕಾಗಿ ಕರೀನಾ ರು.10 ಕೋಟಿ ಡಿಮಾಂಡ್ ಮಾಡಿದ್ದರು.

ಕರೀನಾಳನ್ನು ಹಾಗೂ ಹೀಗೂ ಸಂಭಾಳಿಸಿ ಎಂಟು ಕೋಟಿಗೆ ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ ಮಧುರ್. ಐಶ್ವರ್ಯ ರೈ ಗರ್ಭಿಣಿ ಎಂಬ ಕಾರಣಕ್ಕೆ ಈ ಚಿತ್ರವನ್ನು ಕೈಬಿಟ್ಟಿದ್ದರು. ಚಿತ್ರದ ನಿರ್ದೇಶಕ ಮಧುರ್ ಭಂಡಾರ್‌ಕರ್ ವಿಧಿಯಿಲ್ಲದೆ ಚಿತ್ರಕ್ಕೆ ಶಟರ್ ಎಳೆದುಬಿಟ್ಟಿದ್ದರು.

ಆದರೆ ಚಿತ್ರ ನಿರ್ಮಾಣ ಸಂಸ್ಥೆ ಯುಟಿವಿ ಮೋಷನ್ ಪಿಕ್ಚರ್ಸ್ ಆಸಕ್ತಿ ತೋರಿದ ಕಾರಣ, 'ಹೀರೋಯಿನ್' ಚಿತ್ರಕ್ಕೆ ಕರೀನಾಳನ್ನು ಬುಕ್ ಮಾಡಲಾಯಿತು. ಆಕೆ ಇಟ್ಟ ಡಿಮಾಂಡ್ ಕೇಳಿ ಮತ್ತೆ ಮಧುರ್ ಭಂಡಾರ್‌ಕರ್‌ಗೆ ಮೂರ್ಛೆ ತಪ್ಪಿದವರಂತಾಗಿತ್ತು. ಈಗ ಎಂಟು ಕೋಟಿಗೆ ಡೀಲು ಕುದುರಿದ ಕಾರನ ಹೋದ ಜೀವ ಮತ್ತೆ ಬಂದಂತಾಗಿದೆ. (ಏಜೆನ್ಸೀಸ್)